18 мартта Россия Федерациясендә Кырымның Россия белән кушылу көне билгеләп үтелә. Нәкъ менә 2014 елда Кырым рәсми рәвештә Россия Федерациясе составына керде. Бу территорияләрнең Россия составына керүе 2014 нче елның 18 мартында Мәскәүдә Зур Кремль сараеның Георгий залында Россия һәм Кырым республикасы башлыклары тарафыннан имзаланган дәүләтара килешү нигезендә теркәлгән. Өстәвенә, әлеге документ нигезендә Кырым Республикасы һәм Севастополь шәһәре РФ составына кабул итеп кенә калмыйча, аның яңа субьектлары да булды. Шул уңайдан югары сыйныф укучылары белән әңгәмә уздырдык, презентация карадык.

Сәламәтлекне саклау, сәламәт яшәү рәвеше һәркем өчен мөһим әйбер. Начар гадәтләрне булдырмау, сәламәтлеккә зыян салучы матдәләр кулланмау максатыннан "Күңелле стартлар" үткәрдек. "Сообщи, где торгует смертью" акциясендә катнаштык.

"Без бергә!" дип исемләнгән халык иҗаты милли балалар фестиваленең муниципаль этабында катнаштык. "Россия Сувенирлары" дип аталган күргәзмәгә һәм "Халык вокалы" җыр номинацияләренә эшләребезне тапшырдык. Укучыларыбызга уңышлар!

Бүгенгесе көннең төп афәте булып – халыкара терроризм тора. “Терроризм” дигән сүзне бөтен илдә, бөтен халыклар да белә һәм ул барлык кешедә дә курку, сагаю хисе уята. Әйе, террористларның эшләгән эшләре кешеләрдә курку, сагаю хисе уята. Бүген без “Терроризм”, “террористлар” дигән төшенчәләр белән таныштык. Бүгенге көндә барлык дөнья кешеләре терроризмга каршы көрәштә берләште. Саннарга күз салсак, күпме терроризм афәтләрен күрәбез. Без дәрестә куркыныч хәлләрдә үз-үзеңне ничек тотарга, төрле ситуацияләрдә ни эшләргә икәнлеген, коткару органнарының ( МЧС -01 или 112) телефон номерларын искә төшердек.

Бүген укучыларның киемнәрендә, сумкаларында яктылык кайтаргыч элементларын тикшердек. Балаларның, шулай ук ата-аналарның юлда куркынычсызлыгын тәэмин итүдә әлеге элементларның нинди роль уйнавын аңлауларын һәм аларны куллану мәсьәләсендә нык торуларын теләр идек. Юл хаталарны гафу итми, балаларның хәвефсезлеген бергәләп кайгыртыйк.

Агымдагы елның 15 – 25 мартында “Үлем белән кайда сату итүләрен хәбәр ит!” Бөтенрәсәй акциясенең беренче этабы үтә. Шушы акция уңаеннан, без өлкән сыйныф укучыларына, наркотик һәм психотроп матдәләрне медицинадан башка өлкәләрдә куллануның зыяны турында аңлату эшләре алып бардык. Бу матдәләрнең законсыз әйләнешендә катнашкан кешеләрнең дә җаваплылык тотуы искәртелде.

14 нче март көнне дөньяның уннарча илендә Халыкара Елгалар көне билгеләп үтелә. Элегрәк бу мөһим экологик дата “Халыкара Буаларга каршы көрәш көне”, шулай ук “Елгаларны, суны һәм тереклекне яклау гамәлләре көне” дип атала иде.
Россиядә 2,5 миллионан артык елга, кечкенә елга һәм инеш бар дип исәпләнә. Бу көнне экологлар табигатьтә су әйләнешенең мөһимлеге турында тагын бер кат искә төшерәләр. Ә елгалар, бу процессның аерылгысыз өлеше.
Шул уңайдан без дә әлеге акциягә кушылып, укучылар белән әңгәмә үткәреп, елгаларны сакларга, табигатьне ничек бар шулай тотарга кирәклеге турында сөйләшеп, экологик сәгать үткәрдек.

1973 нче елның 6 мартында Советлар Союзында хәрәкәтнең яшь инспекторлары (ЮИД) отрядлары төзү турында карар кабул ителде. Бүгенге тәрбия сәгатендә без укучылар белән, ЮИД отрядларының шул вакыттан бүгенге көннәргәчә үткән юлы, тарихы, эшләре белән таныштык. Безгә "Сакла"порталы ярдәмгә килде. Юлларда үз-үзеңне тоту буенча бик күп белем тупларга ярдәм итә, кечкенә сыйныф укучыларына бу күнекмәләрне уеннар аша бирә. Укучыларыбыз өстәл уеннарын да бик яраттылар.

12 мартта татар язучысы, галим һәм җәмәгать эшлеклесе Галимҗан Ибраһимовның тууына 135 ел була. Шул уңайдан югары класс укучылары белән әңгәмә үткәрдек, “Алмачуар” әсәре буенча төшерелгән видеоролик карадык.
Галимҗан Ибраһимов кыйммәте беркайчан да югалмый торган бай, кадерле әдәби мирас калдырды. Ул кулланган иҗат алымнары, ул баетып калдырган әдәби тел әле хәзер дә, яңа заманда да өлге булып хезмәт итә. Аның әсәрләре безнең заман кешесенә дә туган илгә, туган туфракка тирән мәхәббәт тәрбияли, рухи ярлылыктан арынырга, күңел хәзинәсен гуманистик-инсани сыйфатлар белән баетырга ярдәм итә.

Халыкара хатын - кызлар көне уңаеннан укучыларыбыз бәйрәм чараларында актив катнашып килделәр. Бүләккә открыткалар ясадылар.