Юл йөрү кагыйдәләре, юлның шартлы билгеләре турында белгәннәрен кабатлау, ярышу, бер-береңне узарга тырышу рухы тәрбияләү максатыннан башлангыч сыйныф укучылар белән тәрбия сәгате уздырылды. Табышмакларга җаваплар таптылар. Юл йөрү билгеләрен искә төшерделәр. Һәрберебез юл кагыйдәләрен үтәп, исән-сау яшәсен иде.

Россиядә, 2021 елдан башлап,  бик мөһим гаилә бәйрәм – әтиләр көне билгеләп үтелә башлады. РФ Президенты Указы белән «гаилә институтын ныгыту һәм балаларны тәрбияләүдә ата-аналарның әһәмиятен арттыру максатларында»рәсми рәвештә үткәрелә әлеге бәйрәм. Аны бәйрәм итү датасы – октябрьнең өченче якшәмбесе.

«Сакла» проекты юл хәрәкәте кагыйдәләрен өйрәтү буенча уникаль интерактив балалар мохите булдыруга юнәлтелгән.
Максаты – 4-11 яшьлек балаларда куркынычсызлык күнекмәләрен формалаштыру һәм, нәтиҗә буларак, Татарстан Республикасы юлларында балалар травматизмын киметү һәм киләчәктә юл хәрәкәте законнарына буйсынмаучыларны тәрбияләү.
Проект кысаларында укучылар «Куркынычсыз балачак шәһәре» интерактив белем бирү онлайн уены, «Сакла» мультимедияле укыту модульләре һәм «Дозорные дороги»мультфильмнары сериясе белән таныштылар.
Бүген мәктәбебезнең 5, 6 һәм 7 сыйныф укучылары “Сакла” порталында Республика интернет-олимпиадасында катнашып, юлларда куркынычсызлык кагыйдәләрен нинди дәрәҗәдә белүләрен ачыкладылар.

Бүген мәктәбебездә атом дәресе үткәрелде. Дәрестә, атом көченең әһәмияте, тыныч тормышта кулланылышы турында сөйләнелде. Илебез киңлекләрендә атом электростанцияләренең урнашу үзенчәлекләре ачыкланылды. Укучылар  бик күп мәгълүмат алдылар, сораулар бирделәр, дәрес бик күңелле узды.

Мәктәп яны бакчасыннан кәбестә уңышы җыйдык. Быелга бакч эшләрен төгәлләдек.

Укучыларыбыз "Ак чәчәк" ("Белый цветок") хәйрия акциясенә кушылды.

Табигатьтә көз хакимлек итә. Бөтен җирдә уңышны җыю, җыештыру эшләре бара. Бүген без дә укучылар белән мәктәп территориясен тәртипкә китерүне дәвам иттек. Җиләк-җимеш бакчасындагы яфракларны тырмаладык, яшелчә һәм бәрәңге бакчасын чистарттык. Бакчабыз тагын да матурланып, ямьләнеп китте.
           Табигать шартлары да яхшы кәеф белән эшләргә мөмкинлек бирә. Һәр эшне вакытында төгәлләргә кирәк.

Кадерле мөгаллимнәр! Сезне ихластан һөнәри бәйрәмегез белән тәбрик итәбез! Сезгә исәнлек-саулык, тырыш укучылар, гаиләгезгә иминлек телибез. Сезнең хезмәт бәяләп бетергесез кирәкле, файдалы, җаваплы. Эшегездә зурдан-зур уңышлар юлдаш булсын!
Мәктәптә үткәргән һәр көнегез балалар белән аралашудан шатлык китерсен! Укучылар үз белемнәре белән куандырсын, ә мәктәпне тәмамлаучылар туган мәктәпләрен һәм яраткан укытучыларын онытмасын! Бу сезнең хезмәтегез өчен иң югары бәя! Барысы өчен дә рәхмәт сезгә!
Укытучыларга бездән чиксез рәхмәт !
Сезнең гадел, җаваплы эшкә
Юлдаш булсын гомерлеккә – хөрмәт
Билгесе дә булсын тик – бишкә !

Бүген башлангыч класс укучылары белән коронавирус буенча тәрбия сәгате үткәрелде. Саклану чаралары искә төшерелде.
Шәхси гигиена кагыйдәләрен үтәү, медицина битлекләре куллану,
йогышсызландыру чаралары үткәрүгә аерым басым ясалды.Укучыларга да, өлкәннәргә дә кулны кат-кат сабынлап юарга өйрәнүне гадәткә кертергә кирәк. Борын куышлыгын берничә кат юып төшерү дә куркыныч авыртудан саклый. Төчкергәндә авызны уч төбе белән капламагыз, кульяулык, яки беләк белән каплагыз. Грипптан ничек саклансак, короновирустан да шулай сакланырга тиешбез.Һәрберебезгә сау-сәламәт булып яшәргә язсын.

Юлда халәкәтләр булдырмау максатыннан, интернет-порталда икетелле “Сакла” проекты эшләп килә www.sakla.ru. Татарстан Республикасының 40 меңләп 5нче сыйныф укучылары “Укучының иминлек көндәлеге” белем һәм тәрбия бирү проекты катнашучылары. Мәктәбебезнең 5нче сыйныф укучыларына да күңелле биремнәр урнаштырылган әлеге көндәлек тапшырылды.