Мәктәбебездә "Шоу профессий" дип исемләнгән ачык дәрес уздырылды. Укучылар видео аркылы "Зур төзелеш" дип аталган уен тамаша карадылар. Анда робот уенчык бар эш төре белән таныштырып барды. Бу видеоны карау укучыларда алга таба нинди профессия сайларга дигән сорау тудыра. Үз эчке дөньяңны да белеп, кызыксынуларны исәптә тотып, профессияне дөрес сайларга кирәклегенә төшенделәр.

Нәрсә ул коррупция? Гади сүз белән әйткәндә, коррупция – законсыз юл белән кешеләрдән акча алу, акча җыю. Ә иң куркынычы шул: ул гадәти хәлгә, безнең тормыш рәвешенә әйләнеп бара. Ришвәтчелек - кешенең сафлыгын, акылын, намусын, оятын, гаиләсен юкка чыгаручы, җәмгыятьнең барлык өлкәләрен дә биләп алган гомуми бәла. Бүген сыйныф сәгатендә әнә шул хакта сөйләштек. Укучылар тәрбия сәгате барышында үз фикерләрен дәлилләп, бары тик дөреслек булган җирдә генә бәхет була дигән фикергә килделәр.

Яңа елга да санаулы көннәр калып бара. Мәктәбебездә дә әлеге бәйрәмгә әзерлек башланды. Укучыларыбыз сыйныф бүлмәләрен бизиләр, яңа биюләр, җырлар , әкият - тамаша өйрәнәләр. Яңа ел безгә бары яхшы хәбәрләр, муллык, тазалык, гаиләләребезгә иминлек, тынычлык алып килсен иде.

"БумБатл" дип исемләнгән бөтенрәсәй акциясенең максаты: макулатура җыюга өндәү. Акция "Экология" милли проекты аркылы үткәрелә. Мәктәбебез укучылары да бу эштә актив катнаша.

Бераз кояш карау белән, түбәләрдән ишелеп төшәргә әзер торган каты кар катламы кешеләр өчен зур куркыныч тудыра. Артык зур булмаган боз сөңгесе дә түбәдән сәгатенә 60 километргача тизлек белән очып төшә икән. Бу үз чиратында бәхетсезлек очракларына, имгәнүләргә китерергә мөмкин.
Бүген мәктәбебездә “Сак бул, боз сөңгеләре” (Осторожно, сосульки!) исемле класс сәгате үтте. Әлеге дәрестә укучыларга түбәләрдән кар һәм боз төшү куркынычы артуына игътибарлы булырга чакырдык. Юлны кыскартып, биналарга якын килмәскә, сак булырга өндәдек. Игътибарлы булыгыз!!!

1 декабрь - Бөтендөнья СПИДка каршы көрәш көне. Шул уңайдан укучыларга тәрбия сәгате уздырылды. “Кызыл тасма” ( “Красная ленточка”) акциясендә катнаштык.
ВИЧ-инфекциясе – ул, иммунодефицит вирусын (ВИЧ) барлыкка китергән, хроник инфекцион авыру. Ул иммун системасын зарарлау һәм таркату, икенчел инфекция һәм яман шешләрне барлыкка китерүче булдырылган иммунитет дефициты синдромы.
ВИЧ-инфекциясенә каршы көрәш дөнья берләшмәсенең өстенлекле мәсьәләсе булып кала. БМО Генераль ассамблеясе 2030 елга тотрыклы усешнең яңа максатларын кабул итте, аларның бер күрсәткече - 2030 елга ВИЧ-инфекция эпидемиясен туктату. Барлык илләр алдына чираттагы бурыч куелды - «90-90-90» күрсәткеченә барып җитү, ягъни 90% авыруларда ВИЧ-инфекциясен ачыклау, 90% авыруларны дәвалану белән тәэмин итү, шуның нәтиҗәсендә 90% дәваланучыларда вирус йөкләнешен билгесез дәрәҗәгә хәтле төшерү һәм йогышлану куркынычын киметү.
Россиядә ВИЧ-инфекциясенең эпидемиологик вәзгыяте киеренке кала бирә, эпидемия җәелүе, инфекциянең куркыныч астындагы зәгыйфь төркемнәрдән гомуми халыкка чыгуыбара. ВИЧ-инфекциясенең Россиядә беренче очрагы 1987 елда теркәлә, бүгенге көндә Россия Федерациясендә ВИЧ-инфекцияләнгәннәрнең теркәлгән саны 1087339 кеше, шулардан вафат булучылар – 225992 кеше.
Бөтендөнья сәламәтлек оешмасы игълан иткән Бөтендөнья СПИДка каршы көрәш көне – 1 декабрь ВИЧ – инфекциясе таралуын һәм ВИЧ – инфекция эпидемиясенең афәтле нәтиҗәләрен киметү өчен авыру турында халыкның хәбәрдар булырга тиешлеген искәртү көне булып тора.
Бу дата ел саен бөтендөнья җәмәгатьчелеген ВИЧ – инфекциясе турында онытмыйча, бу авыруны йөртүче кешеләргә сабырлык күрсәтергә дә чакыра.
Иң мөһиме: һәрбер кеше сәламәтлекне саклауда профилактиканың бик мөһим булуын аңларга тиеш.

Декабрь башы традицион рәвештә инвалидлар декадасы буларак билгеләп үтелә. Ул, Берләшкән Милләтләр Оешмасы карары буенча, 1993 елдан бирле 3 декабрьдә үтә торган Халыкара инвалидлар көненә багышлана. Инвалидлар декадасы – ул физик мөмкинлекләре чикләнгән кешеләргә игътибар, мәрхәмәтлек, кайгыртучанлык һәм ярдәм кирәклеге, тирә-юньдәгеләрнең игътибарын инвалидлар проблемаларына җәлеп итү, аларга тигез мөнәсәбәт формалаштыру, конкрет эшләр белән чын-чынлап ярдәм итү мөмкинлеге турында искә төшерү декадасы.
Инвалидлар турында без еш кына мөмкинлекләре чикле кешеләр дип әйтәбез. Ләкин алар арасында физик мөмкинлекләре чикле булса да, рух һәм йөрәк ныклыгы, ихтыяр көче булган кешеләр бик күп.
Бүгенге “Шәфкатьлелек бизи кешене!” дип исемләнгән тәрбия сәгатебез инвалидлар декадасына багышланды. Язмыш тарафыннан кимсетелгәннәргә ярдәм кулын сузарга беркайчан да соң түгел. Кеше дигән олы исемне йөртү – олы бәхет. Бер-беребезгә игелек һәм изгелекләр кылып кына яшәсәк иде.

Бүген укучылар белән Билгесез солдат көненә карата тәрбия сәгате үткәрелде. Шулай ук Билгесез солдат һәйкәле янына барып венок куйдык. Әлеге чарада отставкадагы прапорщик Галимҗанов Габделфәрт Әхәт улы, клуб мөдире Хәнәфиева Фәния Нурислам кызы, китапханә мөдире Фәттахова Рәмзия Габделбәр кызы катнашты.
Билгесез солдат көне – Россия тарихында чагыштырмача яңа истәлекле дата, ул һәр елны 3 декабьдә билгеләп үтелә. Бу истәлекле көннең мәгънәсе – сугыш хәрәкәтләрендә һәлак булган, ләкин шул ук вакытта исемнәре билгесез калган совет һәм Россия сугышчыларының сугышчан һәм үлемсез батырлыкларын хәтерләүне мәңгеләштерү. Беренче тапкыр безнең илдә Билгесез солдат көнен 2014 елда билгеләделәр. 3нче декабрь көне дә очраклы гына сайланмады. Нәкъ менә 1966 елның 3 нче декабрь көнендә Мәскәү астында немец-фашист гаскәрләрен тар-мар итүнең 25 еллыгы уңаеннан, Ленинград шоссесының 41 нче километрындагы (Зеленоград шәһәренә керү юлында) һәлак булган совет сугышчыларының туганнар каберлегеннән билгесез солдат җәсәде Мәскәү Кремле стенасы буендагы Александров бакчасына кайтарып җирләнде.
Билгесез солдат каберенә куелган плитәгә түбәндәге сүзләр язылган:
«Исемең синең билгесез.
Батырлыгың мәңгелек»
Бөек Ватан сугышы безнең ил тарафыннан намус белән җиңеп чыккан иң авыл сынауларның берсе булды. Солдат батырлыгы беркайчан да онытылмаячак. Россия гаиләләренең һәр икенчесе сугыштан кайтмаган туганнарын һәм якыннарын елап искә ала.
Билгесез солдат көне – ул Бөек Ватан сугышында һәлак булганнарны искә алу һәм хөрмәтләү генә түгел, ул сугышларда яки хәрби конфликтларда һәлак булганнарны, хәбәрсез югалганнарны барысын да берләштерү көне дә. Ул Ватанны саклаган һәм фронтларда һәлак булган һәр солдатны хәтерләү һәм мәрхәмәтлелек күрсәтү көне дә.

20нче ноябрь - "Бала хокукларын яклау көне" буларак билгеләп үтелде. Шул уңайдан укучылар белән тәрбия сәгате уздырдык. Яшүсмерләрнең, мәктәп яшендәге балаларның хокукларын искә төшердек. Мәктәптә дә үз-үзеңне тоту кагыйдәләрен кабатладык.

220 лет назад родился Владимир Даль. 22 ноября, в день рождения Владимира Даля, в России отмечается уже ставший традиционным праздником русской словесности – День словаря. Владимир Иванович Даль (1801 – 1872) известен прежде всего, как составитель «Толкового словаря живого великорусского языка», и это не удивительно: на его создание было потрачено несколько десятков лет. Но Даль – фигура многогранная, и в его судьбе было много других интересных дел, выходящих за рамки лексикографической работы.
Сегодня узнали о том, что он писал сказки, собирал пословицы и поговорки. А.С.Пушкин подарил ему свой перстень, который приносил ему поэтическую удачу. В конце урока составили свой лойс-словарь.