Китап - халык тарихының елъязмасы. Ул киңәшче дә, ярдәмче дә, уйландыручы да, дөреслеккә юл күрсәтүче дә. Китап көне уңаеннан кечкенәләр төркемендә "Китап-киңәшчем минем"темасына әңгәмә үткәрелде.Балалар күп мәгълумат алдылар, күренекле шагыйрь Кави Нәҗминең "Китап фабрикасында"шигырен тыңлап,китапның ясалу этаплары белән таныштылар.Әңгәмә барышында китапка карата сакчыл караш һәм мәхәббәт тәрбияләнде.

             Дөньякүләм китап көне уңаеннан уртанчылар төркеме балалары белән "Минем яраткан китабым" дигән темага әңгәмә үткәрдек. "Әкият китабын танып әйт" уенын уйнадылар. Китапка карата сакчыл булырга кирәклеген аңлаттык.

            23 апрель - Бөтендөнья китап һәм авторлык хокукы көне. 
            Икенче иртә яшьтәге балалар торкемендэ "Китап-безнең дустыбыз " дигән әңгәмә  узды. Балалар белән  китапның үткәнен ,хәзергесе белән таныштык. Китапларга карата сакчыл караш , кызыксынучанлык тәрбияләдек, күренеклесе  шагыйрьләребезне дэ искә алып уздык.

             Язын бар табигать яшәрә,тагын да ямьләнеп китә. Барлык шәһәр,авылларда  җыештыру эшләре гөрли,өмәләр үткәрелә. Кечкенәләр төркеменә йөрүче балалар да әйләнә-тирәне җыештыруда актив катнашалар. Алар әти-әниләренә булышалар,үзләре яшәгән тирәлектә чисталык булдырып,табигатьне саклауга зур өлеш кертәләр

Төрле — төрле исем йөртсәк тә без,
Төрле — төрле җирдә яшәсәк тә,
Тик бер генә Туган илебез
Тик бер генә туган телебез!
              Халкыбызның зур байлыгы, кадерле рухи хәзинәсе — аның теле. Безнең телебез — татар теле. Зур тарихлы, бай, җырлы — моңлы тел.
             Татар теленә мәхаббәт уяту ул әлбәттә гаиләдән һәм балалар бакчасыннан башлана. Туган телебезгә карата мәхәббәт тәрбияләү, телебезне саклау Г.Тукай иҗатын өйрәнүдән башлана. Ә апрель аенда, татар халкының бөек шагыйре, йөзек кашы туган айда бу чаралар аеруча да үзенчәлекле уза. 
Балалар тәрбияче апалары белән берлектә Габдулла Тукайның әкиятләре, шигырьләре белән танышалар, мультфильмнарын карыйлар. Төрле рәсемнәр ясап әти — әниләрен сөендерәләр. Ә йомгаклау чарасы — Габдулла Тукайга багышланган әдәби — музыкаль кичә булып узды. Бакчабызда тәрбияләнүче икенче зурлар төркеме балалары “Без Тукай шәкертләре” дип исемләнгән музыкаль тамаша әзерләделәр. Бәйрәмдә балалар өйрәнгән шигырьләрен сөйләделәр, “Кәҗә белән сарык” әкиятен сәхнәләштерделәр. Музыкаль кичә җырлар, уеннар белән үрелеп барылды. Бу чарадан әти — әниләр дә читтә калмадылар. Балалары белән бергә Тукай әсәрләренә иллюстрацияләр  ясап эшләп килделәр. Шушы эшләнмәләрдән бакчабызда күргәзмә дә оештырдык. Газиз, кадерле татар телебезне үзебез дә, балаларыбыз да сакласак иде. Үз туган телебездә аралашып яшәргә язсын.

                    Китапларыбыз тугры дусларыбыз алардан башка безгә ярамый, шигырь юллары белән беренче номерлы зурлар төркемендә китаплар турында әңгәмә алып барылды. Китаплар укыганда балалар күп нәрсәне беләләр, аңларга өйрәнәләр. Китаплар безгә хәм тәрбияләнүче балаларга зур тылсымлы дөнья ача, әкиятләр һәм мәкаләләр белән таныштыра, шигырьләр белән сөендерә, тарих өйрәтә, дәреслекләр һәм энциклопедия турында уйланырга мәҗбүр итә. Китапка карата сакчыл булырга һәм мәхәббәт тәрбияләнде.

          22 апрель - Җир көне уңаеннан кечкенәләр төркемендә "Җиребез - туган өебез" дигән темага әңгәмә үткәрелде. Балалар белән Җир планетасы, анда кемнәр һәм нәрсәләр яшәве, нәрсәләр үсүе, Җиребезне саклар өчен нинди кагыйдәләрне үтәргә кирәклеге турында сөйләштек. Әңгәмәдән соң күмәк кисеп ябыштыру эше эшләнде. Балалар бик күп мәгълүмат алдылар, вакытны күңелле һәм файдалы үткәрделәр.

                Бүген зурлар төркеме балалары арасында "Без - табигатьнең дуслары! " дигән викторина булып узды.  Бәйрәмгә кунакка Ау бабай һәм Су анасы килде. Бәйрәмнең махсус кунаклары Биоресурслар буенча Татарстан Республикасы дәүләт комитетының "Ашыт" табигый тыюлыгы белгечләре Әхмәтҗанов Рәшит Зиннур улына һәм Мөхәммәтҗанова Аделина Рамиль кызына да бәйрәм бик ошады. Алар балаларга махсус бүләкләрен тапшырдылар, табигатьне сакларга кирәклеген тагын бер кат искәртеп уздыралар.

         Икенче иртә яштэге балалар төркемендә Халыкара Җир көне уңаеннан"Яшә, Җир шары!»  дигән темага әңгәмә үткәрдек. Җир көне тарихын,аның күпьеллык традицияләре, тынычлык турында сөйләштек. Балалар планетада булган ресурсларның байлыгы, табигатькә сакчыл мөнәсәбәте, хайваннар һәм үсемлекләрне саклау турында белделәр. Дөньядагы һәм безнең экологик проблемалар турында фикерләштек.

            Бүген уртанчылар төркемендә "Без яшәгән планета" темасы буенча чара оештырылды. Балалар хайваннар һәм үсемлекләр дөньясы турындагы белемнәрен киңәйттеләр. Материклар, океаннар, илләр һәм халыклар турында күзаллау булдыру макатында, глобус һәм Җир шары картасы белән таныштылар. Рәсемнәр, китаплар карадылар. Ахырда "Яшел урман һәм андагы җәнлекләр" дигән темага табышмак-викторина оештырылды. Чараның максаты- балаларның экологик белемнәрен киңәйтү, табигатькә аңлы караш тәрбияләү, Җир планетасы турында кайгырту, барлык тереклек өчен җаваплылык хисе тәрбияләү иде.