Кояштай сары тузганак
Әйтерсең безне көтә,
Үсеп җиткәч, мамык булып,
Ул җилгә очып китә.  

            Икенче иртә яштэге төркеме балалары  белэн рэсем шогылендэ мамык таякчыклар кулланып тузганак чэчэген ясадык.Балаларга бик охшады, алар тагын тузганак чэчэгенең бик файдалы уселек булуын да, аннан тәмле бал ясап булганын, медицина өлкәсенә китергән файдасын да карап үттеләр.

                 Гаиләнең барлык әгъзалары да сәламәт яшәү рәвеше алып барырга тиеш. Чөнки ата-аналар үз балалары өчен үрнәк булып тора. "Хезмәткә һәм оборонага әзер" (ГТО) Бөтенроссия физкультура-спорт комплексын кертеп, гаилә спорт фестивалендә безнең тәрбияләнүче Гариповлар гаиләсе дә катнашты. Гаилә ярышларында катнашкан өлкәннәр дә җитезлек, дәрт, ихтыяр көче һәм җиңү ягыннан балалардан бер дә калышмады.  Җиңүчеләргә грамоталар һәм истәлекле бүләкләр тапшырылды. Безнең Гариповлар гаиләсе дә читтә калмадылар 3нче урын алдылар, шуның белән аларны котлыйбыз. Бу ярышларда катнашучылар бик яхшы күтәренке рух һәм уңай хис-кичерешләр алдылар.

               Йорт хайваннары белән аралашу балада яхшы хисләр тәрбияләгәнен без барыбызда беләбез.. Ә бүген без мәктәпкә әзерлек   төркеменә йөрүче балалар белән  "Сак булыгыз, явыз эт!" темасына әңгәмә оештырдык.. Һәр кеше белергә тиешле берничә кагыйдәне истә калдырдык  Эткә һич тә кычкырырга, аны орышырга, кыйнарга ярамаганлыгы турында сөйләштек. Каршыга таныш булмаган эт килеп чыкса, аннан йөгереп качмаска, адымнарны акрынайтып  һәм тынычланырга кирәклек турында искә төшердек.  Тематик  рәсемнәрне карап, балалар   белән берлектә төрле ситуацияләр һәм куркынычсызлык максатларында үзеңне ничек тотарга кирәклеге турында фикер алыштык. 

                    16 май - ил күләмендә юкка чыгучы хайваннарны, җәнлекләрне саклау көне дип игьлан ителде. Шул уңайдан, Арча педагогия көллияте студентлары уртанчылар төркеменә йөрүче балалар белән "Кызыл китап битләре буйлап" дигән темага әңгәмә үткәрделәр. "Урман җәнлекләрен дөрес әйт" дигән уен уйнадылар. Әйләнә-тирә табигатьне, җәнлекләрне, кошларны, бөҗәкләрне сакларга кирәклеген ачыкладылар.

16 май - "Бөтендөнья югалып баручы төрләр көне"  уңаеннан икенче иртә яштэге балалар белән бу темага әңгәмә үткәрдек. Кешелеккә кагылган глобаль проблемалар турында сөйләштек. Россиянең Кызыл китабы белән таныштылар һәм Кызыл китапка юкка чыгу куркынычы янаган үсемлек һәм хайван төрләрен урнаштыруларын белделәр.

              Бүген Бөтендөнья югалып баручы төрләр көне уңаеннан кечкенәләр төркемендә әңгәмә үткәрелде. Балалар Кызыл китап, аның нәрсә аңлатуын белделәр. Кызыл китапка кергән хайваннар белән таныштылар.

             15 майда бөтен дөньяда Халыкара гаилә көне билгеләп үтелә

             Бу көнне төрле яшь төркемнәрендә әлеге темага әңгәмәләр үткәрелде. Әңгәмә барышында балалар гаиләнең үзләре өчен нәрсә аңлатканын, традицияләр һәм гаилә кыйммәтләре, гаиләләренең яраткан шөгыльләре турында сөйләделәр.

              Без һәр бала гаиләнең һәр кеше тормышында никадәр мөһим булуы турында уйланганына һәм аның традицияләрен саклаячагына ышанабыз. Зурлар  төркемдә рәхәтләнеп рәсемнәр ясадылар һәм үзләренең гаилә әгъзалары турында сөйләделәр, шулай ук гаиләнең кыйммәтләрен искә төшерделәр.

                    Бүген уртанчылар төркемендә Халыкара гаилә көненә багышланган әңгәмә үткәрдек.  Әңгәмә яраткан шагыйребез Габдулла Тукайның "Безнең гаилә" исемле шигырен уку белән башланып китте.  Балалар үзләренең гаиләләре турында сөйләделәр, әти-әниләре,  гаилә әгъзалары белән таныштырдылар. "Ана җылысы - кояш җылысы",  "Тату туганнар таштан койма корганнар" дигән мәкальләр буенча әңгәмә оештырылды, балалар  гаилә,  туганнар,  әти-әниләр турында бик матур фикерләр әйттеләр.  Соңыннан "Һәрвакыт булсын кояш!" җырын тыңладык.  Туган йортка,   гаиләгә,  ата - анага карата хөрмәт һәм мәхәббәт тәрбияләү - балалар бакчасында төп бурычларның берсе булып тора.

                   Зурлар төркемендә үзенчәлекле атмосфера хөкем сөрде-без Халыкара гаилә көненә багышланган әңгәмә үткәрдек. Балалар гаиләләре белән  таныштырдылар, нинди  һөнәр ияләре булып эшләүләрен сөйләп киттеләр. Бигрәк тә "Гаилә ни өчен кирәк" дигән әңгәмә  күңелне нечкәртте. Балалар гаҗәеп зирәк фикер йөрттеләр: "Гаилә - сине һәрвакыт көтеп торган урын ул", "Әти-әниләр безнең  иң мөһим нәрсәләргә өйрәтә", "Бергә көчлерәк һәм бәхетлерәк". Балаларның үз гаиләләренә карата мәхәббәт һәм хөрмәт хисләре тәрбияләдек.

                Мәктәпкә әзерлек төркемендә тәрбияләнүче Гайфуллин Данил һәм Сабирова Илмираны ГТО нормаларын тапшыруда  2 нче урын алулары белән котлыйбыз! Алда тагын да зур уңышлар телибез!