Бүген - 18 октябрьдә гимназиябезнең үзидарә волонтерлары шәфкатьлелек акциясенә җыйналды.
Гимназиябез сыйныфлары, ата-аналар, укытучылар белән берлектә оештырылган 9 нчы  гуманитар ярдәм акциясе бүген,
Россия һәм Татарстан флаглары астында, рәсми төстә ябылды.
Махсус хәрби операциядә катнашучы райондашларыбызга тупланган ярдәмне
укучы-волонтерларыбыз район Хәйрия үзәгенә - "Без-бергә!" штабына илтеп тапшырдылар.

Сәләтле балалар өчен гуманитар гимназия-интернат 1нче сыйныфка укырга керүче балаларны әзерлек дәресләренә чакыра. Дәресләр  9 ноябрьдән башлана. Белешмәләр өчен телефоннар 89172573988, 89270410506

“ТНВ” телеканалының “Заман көзгесе” тапшыруы авторы һәм алып баручысы Илзирә ЮЗАЕВА, үзенең командасы белән, 15-16 октябрь көннәрендә гимназиябез эшчәнлеге белән танышты.

ТУГАН ТЕЛЕМ - ИРКӘ ГӨЛЕМ: Башлангыч сыйныф укытучылары Илиза Энгель кызы Ахунова, Ания Хәсип кызы Мусина, Гөлназ Дильшат кызы Солтанова фәннәрне татарча укыту буенча мастер-класслар күрсәтте.

Бөтендөнья татар конгрессы, “Татарлар” газетасы, Татарстан Республикасы Мәгариф һәм фән министрлыгы белән берлектә “Мин – укытучы” бәйгесен уздырды. Татарстанның төрле районнары, шулай ук Пенза, Оренбург, Самара өлкәсе, Чувашстан, Башкортостан республикалары һәм Россиянең башка регионнарыннан бик күп укытучылар катнашты. Гимназиябезнең башлангыч класс укытучысы Әлфирә Индус кызы Шакирова бәйгедә җиңүче исеменә лаек булды.
Бүген бәйгедә җиңүчеләрне Бөтендөнья татар конгрессы Башкарма комитеты җитәкчесе Данис Шакиров, Татарстан Республикасы Мәгариф һәм фән министры урынбасары Минзәлия Закирова тәбрикләде.

БУЫННАР БӘЙЛӘНЕШЕ: 3А сыйныф укучылары, сыйныф җитәкчесе Ания Хәсип кызы Мусина, әти-әниләр белән берлектә, дәү әти-дәү әниләрне гимназиябезгә кунакка дәште.
Дәү әти-дәү әниләрдән - җыр-шигырь, изге теләкләр, оныклардан бүләк - котлау-тәбрикләүләр һәм заманча "Шалкан" әкияте!

Гимназиябезнең 11 сыйныф укучылары Казан шәһәренә -
Кызыл Байраклы, Жуков орденлы Казан югары танк команда училищесына сәяхәт кылды.
Хәрби дан музее мөдире Силутин Борис Александрович, бүлекчәләр белән идарә итү кафедрасы укытучысы подполковник Мауль Павел Петрович укучыларга танк училищесы тарихын бәян иттеләр. Музей берничә залны алып тора һәм уку йортының 1866 елда нигез салынганнан алып бүгенге көнгә кадәрге тарихын ача.
Егетләр шулай ук уку барышы, казарма тормышы, хәрби һәм күргәзмә техника белән танышты.

Атналык дүшәмбе линейкасы бүген – 7 октябрь көнне, 5-11 сыйныфларның, “Адымнар” комплексында узды. Дәүләт флагларын күтәрү һәм гимннар җырланганнан соң, гимназиябезнең “Ялкын” балалар оешмасы президенты Әмирхан Загретдинов линейканы гимназиянең сөрәне белән дәвам итте.
Директорның тәрбия эшләре буенча урынбасары Ленар Зөфәк улы Шәвәлиев
укучыларны һәм укытучыларны атна дәвамында булачак чаралар, яңалыклар белән таныштырды.
Узган атнаның төп вакыйгасы - “Ялкын” балалар оешмасына Президент сайлаулары. Җиңүче кандидат бүген линейкада тантаналы шартларда игълан ителде. Ул – 10Б сыйныф укучысы Инсаф Ильдар улы Нигъматдинов! Котлыйбыз!
Агымдагы атнада фән олимпиадаларының гимназия этабы дәвам итә.
Уку, спорт, сәнгать өлкәсендә уңышка ирешкән укучылар да линейка барышында хөрмәтләнде.
"Патриот" яшьләрне спорт-патриотик һәм хәрби хезмәткә чакырылуга кадәр әзерләү республика үзәгендә гимназиябезнең 10 сыйныф укучылары, тормыш иминлеге нигезләре укытучысы Ришат Тимершәех улы Сибгатуллин җитәкчелегендә, хәрби хезмәт нигезләре буенча биш көнлек уку җыенында катнашып, матур җиңүләр белән кайтты.
Узган атнада 10А сыйныфы кизү торды. Атна дәвамында эчке тәртипне саклады алар,үз-үзләрен тотышлары белән дә үрнәк күрсәттеләр. Бу атнада гимназиябездә 9Б сыйныф укучылары дежур тора.

"Россия - минем горизонтларым" проекты кысаларында, гимназиябезнең 8В, 8Г класслары Киров авылындагы Актаныш сөт комбинатына, Актаныш электр челтәрләре станциясенә һәм "Әнәк" агрофирмасына экскурсиягә бардылар. Оператор, агроном, электрчы һөнәрләренең үзенчәлекләре белән таныштылар.

Бүген - 2 октябрь гимназиябезнең “Ялкын” балалар оешмасына 1-4 сыйныфлар һәм 5-11 сыйныфлар арасында - Президентлар,
“Алдынгылар хәрәкәте”нең гимназиябездәге беренчел бүлекчә Советына Рәис сайлана.