КОТЛЫЙБЫЗ!
Гомумроссия мәгариф профсоюзының Актаныш территориаль оешмасы хисап-сайлау конференциясендә гимназиябезнең профсоюз оешмасы эшчәнлеге үрнәк яктан бәяләнде.
Профсоюз оешмасы рәисе Зөлфия Мазгаровна Хафизова Гомумроссия мәгариф профсоюзының Татарстан республикасы оешмасының Мактау кәгазе белән бүләкләнде.

ЛИДЕРЛЫК ДӘРЕСЕ: Гимназиябезнең "Алдынгылар хәрәкәте" активистлары "Яшьлек" үзәгендә бүген татар яшүсмерләре арасында популяр татар җырчысы, өстәвенә, кино һәм театр актеры Марат Яруллин белән очрашты!

Гимназиябездә 9 һәм 11 сыйныф укучылары тарафыннан дәүләт имтиханнарын биреп карау дәвам итә. Бүген – 25 сентябрь көнне 9 сыйныф укучылары информатика фәненнән һәм инглиз теленнән сынау эшләделәр.

"Китапка икенче тормыш бүләк ит!" акциясенә, иң беренчеләрдән булып, 2В һәм 6А сыйныфлары кушылды.

КОТЛЫЙБЫЗ!
Кама аръягы Гран-прие кубогына узган шахмат ярышында катнашып, гимназиябезнең 3Б сыйныф укучысы Залалова Риана классик шахмат турнирында 3 урын яулады!

15 сентябрь - бөек язучыбыз Абдулла Алишның туган көне. Балаларда А.Алиш иҗатына ихтирам, кызыксыну уяту, әхлак тәрбиясе бирү, балаларның бәйләнешле сөйләм телләрен үстерү, аның тормыш юлы, иҗаты турында белемнәрен киңәйтү максатыннан, 1Б классы укучылары атна дәвамында Алиш әкиятләре, хикәяләре белән таныштылар. Мультфильмнар карап фикер алыштылар, рәсем ясадылар. Бүген "Зирәкләр" һәм "Тапкырлар" командаларына бүленеп үзара көчләрен сынаштылар. Тел шомарту, тапкырлар, безнең кунагыбыз, әкияттә кунакта, хикәяне таны кебек турларны сынатмыйча үтеп, ярышларда актив катнаштылар.
Нәтиҗәдә дуслык җиңде.

Гимназиябездә янгын куркынычсызлыгы буенча тактик өйрәнүләр узды

Гимназиябездә шартлы рәвештә янгын чыгуы хакында тавышлы хәбәр итү системасы аша белдерелгәннән соң, барлык укучылар, укытучылар тиз арада бинадан чыктылар.
Күрсәтмә өйрәнүләрдә ишек-тәрәзәләр ябылганмы, утлар сүндерелгәнме, иң кирәкле документлар алынганмы – болар барысы да исәпкә алынды.

Гимназиябез интернатында торып укучы балалар Актанышыбызның "Җиңү паркы"на сәяхәт кылды.

Гимназиябезнең 1Б класс укучылары, укытучылары Әлфирә Индус кызы, әти-әниләре белән бергә, уртак "Белем йорты"на нигез салдылар. Йорт ныклы булсын өчен, нигез итеп сабырлык, тырышлык, әдәплелек кебек сыйфатларны алдылар. Әлеге йортны алар ел дәвамында үзләренең тырышлыклары, уңышлары ярдәмендә, кирпеч артыннан кирпеч куеп, төзеп бетерәчәкләр.
-Йортыбызны ничек, кайчан,нинди итеп төзеп бетерү үзебездән тора,кадерле укучылар,әти-әниләр! Яхшы укысагыз, ярдәмчел булсагыз, бәйгеләрдә актив катнашсагыз, бәлки уку елы ахырына төзеп тә бетерербез. Бербөтен, бер гаилә булып,кулны-кулга тотынып эшләсәк кенә, без үз максатыбызга ирешәчәкбез, - диде Әлфирә Индус кызы Шакирова.
Укучыларга бүләк ителгән белем ачкычлары исә, әлеге истәлекле көннең якты хатирәсе булды.
Уңышлар сезгә, беренчеләр!

Гимназиябездә бүген педагогик киңәшмә узды.
Яңа уку елында укыту-тәрбия процессын камилләштерү буенча эшлекле сөйләшүдән соң, педсовет карарлары кабул ителде, планнар билгеләнде.