Гимназиябездә укучыларны фән олимпиадаларына әзерләү каникул чорында да дәвам итә. Олимпиадада катнашучы һәр укучы белән фән укытучысы индивидуаль эшли. Теориягә, практик эшчәнлеккә, индивидуаль эзләнүгә, иҗадилыкка – һәр кайсына укучы ел дәвамында әзерләнә.
Физик культура укытучысы Ильмир Рузил улы Исламов белән дә укучыларыбыз җиңел атлетика күнекмәләренең техник эшләнешен камилләштерә.

Бүген – 28 октябрь көнне гимназиябездә математика һәм табигый-фәнни цикл фәннәре укытучыларының мәктәп методик берләшмәләре киңәшмәсе узды.
Киңәшмәләрдә директорның методик-инновацион эшчәнлек буенча урынбасары Юлия Валентин кызы Әмирҗанова, директорның укыту эшләре буенча урынбасары Гульнозахон Давран кызы Имамразыева белән берлектә, 1 чирек йомгакларына анализ ясадылар, алдагы чиреккә планнар билгеләнде, методик эшчәнлек буенча бурыч-максатлар куелды.
Сәләтле балалар белән эшләү, олимпиада хәрәкәте, индивидуаль эшчәнлек, укытучының һөнәри үсеше, проектлар эшчәнлеге буенча һәр укытучы 2 чиреккә үзенең индивидуаль эш планын билгеләде.

Яңа уку елының беренче ял чоры – көзге каникуллар башланды. Быел да, гимназиябез сыйныфлары Россиянең төрле төбәкләреннән килгән укучылар белән тулыланды. Беренче чирек дәвамында гимназиябез мохитендә уку һәм тәрбия процессында бер гаилә булып тупланган балалар, каникул чорында да, сыйныфларда шөгыльләнүләрен дәвам итәләр.
Фән олимпиадаларына, дәүләт имтиханнарына әзерлек, гадәттәгечә, сентябрь аенда ук башланды. Каникул чорында һәр укучы белән индивидуаль эшләнә.
Узган уку елында Дөнья сәнгать мәдәнияте (МХК) буенча Бөтенроссия олимпиадасы җиңүчесе Илина Фәрдиеваны әзерләгән тарих һәм җәмгыять белеме укытучысы Миләүшә Мәгъсүм кызы Абдуллина, географиядән дәүләт имтиханын 100 баллга тапшырган Самат Солтановны әзерләгән география укытучысы Рөстәм Уел улы Фәйзуллин, химиядән дәүләт имтиханын 99 баллга тапшырган Ясмин Галимҗанованы әзерләгән химия укытучысы Рузилә Ильдар кызы Гарипова фәнсөярләргә алмашка килүче яңа буын укучылар белән шөгыльләнә. Традицияләр саклана, дәүләт сынавындагы биремнәр катлаулана, көндәшлек арта. Укучыларның елдан-ел белемлерәк, көндәшлеккә сәләтле булуы – заман таләбе.

Башлангыч сыйныф укытучыларының мәктәп методик берләшмәсе киңәшмәсе узды бүген гимназиябездә. Башлангыч сыйныф укытучылары директорның методик-инновацион эшчәнлек буенча урынбасары Юлия Валентин кызы Әмирҗанова, директорның укыту эшләре буенча урынбасары
Гульнозахон Давран кызы Имамразыева белән 1 чирек йомгакларына анализ ясадылар, алдагы чиреккә планнар билгеләнде, методик эшчәнлек буенча бурыч-максатлар куелды.

“СӘЛӘТ-ЯЛКЫН” КЛУБЫ: Гимназиябездә “Сәләт” яшьләр үзәгенең үз мәйданчыгы эшләп килә. “Сәләт-Ялкын” клубы сәлкешләре “Сәләт – Адымнар” проектының һәр юнәлешендә үз эшчәнлекләрен алып баралар. Республика чараларында да актив катнашып, җиңү яулыйлар. Максатчан лагерьларда үз сәләтләрен ачалар, яшьтәшләре белән аралашып, иҗади элемтәләр булдыралар.
23 октябрь көнне “Сәләт-Адымнар” проекты координаторы Рәмис Раил улы Дияров белән узган онлайн-киңәшмәдә дә “Сәләт” сыйныфлары җитәкчеләре 2025-2026 уку елына куелган бурыч-максатларны тәгаенләде.
Укучының сәләтле этномәдәни мохиттә гармонияле шәхесен үстерү, татар телендә иркен аралашуны тәэмин итү гимназиябез өчен һәрвакыт үзәктә. Россиянең төрле төбәкләреннән белем алучы укучылар, белем алу белән беррәттән, биредә татар мохитендә яши, гореф-гадәтләрне, милли йолаларны өйрәнә. Үз сәләтләрен төрле түгәрәкләрдә, интеллектуаль клубларда ачалар.
Сәлкешләребез быел да республикада үз сүзләрен әйтер, яңа талантларыбыз ачылыр дип ышанып калабыз!

Каждое третье воскресенье октября отмечается День отца! В этом году этот замечательный праздник выпадает на 19 октября. День отца - не просто дата в календаре, а прекрасный повод выразить папам свою любовь, уважение и благодарность!
В честь праздника в «Гуманитарной гимназии-интернат для одаренных детей» открылась фотовыставка «Папа - моя гордость и опора!» Эта выставка - замечательная возможность отметить важную роль пап в нашей жизни и поделиться яркими моментами, которые запечатлели родители и дети.
Выражаем огромную благодарность всем семьям, которые приняли участие в создании этой замечательной выставки! Ваши фотографии наполнили школьные стены особым теплом и уютом.

15 октябрь көнне гимназиябезнең 8-9 сыйныф укучылары
Актаныш районы прокуроры ярдәмчесе Шайсуваров Рөстәм Рәшит улы белән очрашты. Әңгәмә барышында прокурор ярдәмчесе укучыларга аларның хокуклары һәм бурычлары, әхлакый тәртип нормалары, конфликтларны тыныч юл белән ничек хәл итәргә һәм авыр тормыш хәлендә кая мөрәҗәгать итәргә кирәклеге турында сөйләде. Укучылар төрле җинаятьләр өчен балигъ булмаганнарның җаваплылыгына кагылышлы закон статьялары турында белделәр. Балалар хокук саклау органнарының роле һәм билгеләнеше һәм прокуратура органнарының эш үзенчәлекләре турында да игътибар белән тыңлады.
Укучылар бик күп яңа, файдалы һәм кызыклы мәгълүмат алдылар.

Татарстанның халык артисты, композитор, көрәшче Вил Усманов гимназиябезнең 6, 11сыйныф укучылары белән очрашты.
Гимназиябез белән танышып, укучылар белән аралашып үзе дә мәктәп елларына кайткандай булды ул. “Адымнар” комплексында белем алучы балаларга, тудырылган мөмкинлекләргә соклануын яшермәде.
Әтисе Нургали абый Вилнең – көрәшче, әнисе Рәсимә апа җырчы булуын теләгән. Шөкер, икесенең дә теләге чынга ашкан. Уллары Вил - көрәшче буларак та, җырчы буларак та республикада билгеле шәхес.
Актаныш укучылары җырчының концерт программасын бүген район мәдәният йортында «Пушкин картасы» ярдәмендә караячак.

КОТЛЫЙБЫЗ!
Гимназиябезнең татар теле һәм әдәбияты укытучысы Чулпан Рәмзил кызы Шәрипова Татарстан Республикасы Фәннәр академиясе аспирантурасын тәмамлады һәм диссертация яклады.
Татарстан Республикасының Фәннәр академиясе Президенты Рифкать Нургали улы Миңнеханов һәм фәнни җитәкчесе Әлфәт Мәгъсүмҗан улы Закирҗанов аспирантура тәмамлау турындагы дипломны Чулпан Рәмзил кызына бергәләп тапшырдылар.
Гимназиябез директоры Венера Хәмәтнәсыйх кызы Хәева, димлом алуы һәм фәнни юнәлештә диссертация язуы белән тәрбикләп, мөгаллимлек һәм фәнни эшчәнлегендә Чулпан Рәмзил кызына киләчәктә дә уңышлар теләде.

Сәләтле балалар өчен гуманитар гимназия-интернат 1 сыйныфка укырга керүче балаларны әзерлек дәресләренә чакыра. Дәресләр 8ноябрьдән башлана. Белешмәләр өчен телефон 89372965900