Бүген - 18 апрель көнне гимназиябезнең 6-11 сыйныф укучылары «Тоталь диктант» Халыкара агарту акциясенә кушылды. Еллык чара рус телен популярлаштыруга һәм халыкның грамоталылык дәрәҗәсен күтәрүгә юнәлдерелгән. Мәгариф һәм мәдәни инициативаларны үстерү өчен шартлар тудыру «Яшьләр һәм балалар» милли проекты максатларына туры килә.

Быел акция бөтен Татарстан буенча 1000нән артык мәйданчыкны колачлады.
2026 елда диктант текстының авторы язучы, публицист һәм рус әдәбиятын тикшерүче Алексей Варламов булды. Аның эше Александр Пушкинның аз билгеле балачак битләренә багышланган. «Әгәр «Тоталь диктант» турында текст әзерләсәң, ул һичшиксез, Пушкин турында булырга тиеш. Аннары, Пушкин булмаса, диктант та, тел дә булмас иде, гомумән берни дә булмас иде», – дип аңлатты диктант темасын автор, Алексей Варламов.

Быел беренче тапкыр өлкәннәр генә түгел, беренче сыйныфтан алып сигезенче сыйныф кадәр мәктәп укучылары да рус теле буенча интерактив биремнәрне үз эченә алган «НеДиктант» махсус форматында катнашты.

«Тоталь диктант» – грамоталылыкны тикшерү генә түгел, ә төрле яшьтәге һәм төрле һөнәр ияләрен берләштерә торган мөһим агарту проекты. Ул рус теленә ихтирамлы мөнәсәбәт формалаштыра, сөйләм культурасын үстерә һәм бүген грамоталы булуның абруйлы булуын күрсәтә.