Яңа ел бәйрәме якынлашу белән гимназия җанлана, бәйрәмгә әзерләнә башлый. Укучылар игълан ителгән төрле чараларга әзерләнәләр, күп фәннәрдән контроль эшләр эшлиләр.
Шундый кызыклы чараларның берсе Яңа ел бәйрәменә багышланган стена газеталары бәйгесе. Һәр сыйныф бергәләшеп, укытучыларны һәм укучыларны яңа ел белән котлап матур газеталар эшләделәр. Һәр сыйныф үзенә бер юнәлешне максат итеп алган. Кемдер гимназияне котларга теләгән, кемдер яңа ел бәйрәмен рәсемнәрдә күрсәтергә тырышкан, кемдер үзенчәлекле идеялар белән шаккаттырырга теләгән. Барлык эшләр дә бик матур. Афәрин!

Һәр атнаның дүшәмбесендә укучылар өчен махсус сыйныф сәгатьләре уздырыла. “Мөһим сөйләшү” дигән сыйныф сәгатьләрендә сүз җәмгыять һәм шул җәмгыятьне тәшкил итүче кешеләр тормышы турында бара.

Бу атнада укучылар “Ватан батырлары көне” дигән темага фикер алыштылар.

9 декабрь – Ватан геройлары көне.

Батырлар көнен бәйрәм итү традициясен кире кайтару – ул бабаларыбызның батырлыгын искә алу гына түгел, ә Советлар Союзы Геройларын, Россия Геройларын, Изге Георгий һәм Дан орденнары кавалерларын хөрмәтләү дә.

Шул уңайдан гимназиябездә “Безнең заман геройлары” исемле иншалар бәйгесе үтте. Укучыларның эшләре бәяләнде.

Гимназиябездә “Иң яхшы җимлек” бәйгесе узды. Чарада 1-10 сыйныф укучылары катнашты.

Берсеннән-берсе зәвыклы, шул ук вакытта кошлар өчен бик кирәкле җимлекләрне укучылар төрле материаллардан ясаганнар.  

Укучылар җимлекләрне кошлар өчен уңайлы итеп эшләгәннәр. Шулай ук кошлар өчен салынган җим җилдә коелырга тиеш түгел, җимлекнең түбәсе булу да бик мөһим иде.

Бүген гимназиябездә татар теленнән олимпиаданың муниципаль этабы узды. 4-10 нчы сыйныф укучылары татар теленнән белемнәрен сынадлар.

Укучыларыбызга алга таба да фәнни-иҗади уңышлар телибез!

Бүген гимназиядә дуслык темасына багышланган җырлар яңгырады. Шулай ук бездә “Музыкаль тәнәфес”нең иң яхшы алып баручысы” конкурсы үткәрелә. Биредә катнашырга теләүче укучыларыбызны көтеп калабыз!

Бүген башлангыч сыйныфларда психолог катнашында сыйныф сәгатьләре үткәрелде. Укучылар “Без төрле, ликин без бергә” темасына фикер алыштылар.

Бу атнада гимназиябездә инвалидлар декадасына багышланган чаралар үтә. Башлангыч сыйныфларда рәсем бәйгеләре, урта сыйныфларда эссе бәйгеләре, югары сыйныфларда әңгәмәләр, түгәрәк өстәлләр уза. Шулай ук сыйныф сәгатьләре, акцияләр, викториналар үткәрелә.

Бүген 3 сыйныфларда “Игелекле учлар” акциясе үткәрелде. Укучылар игелекле гамәлләр, мөмкинлекләре чикле кешеләргә ярдәм итү турында сөйләштеләр.

Конституция көненә багышланган чаралар дәвам итә. Бүген гимназиядә рәсем бәйгесе үткәрелде. Укучылар илнең төп законына багышлап матур рәсемнәр тәкъдим иттеләр.

Һәр атнаның дүшәмбесендә укучылар өчен махсус сыйныф сәгатьләре уздырыла. “Мөһим сөйләшү” дигән сыйныф сәгатьләрендә сүз җәмгыять һәм шул җәмгыятьне тәшкил итүче кешеләр тормышы турында бара.

Бу атнада укучылар “Конституция көне” дигән темага фикер алыштылар.

Дәреснең максаты укучыларда Россия Федерациясенең Төп Законы булып Конституция торганлыгын аңлау булды. Россия Федерациясе Конституциясе конституциячел корылыш, кеше һәм гражданның хокуклары һәм иреге нигезләре, Федератив корылыш, дәүләт хакимияте органнарының үзара мөнәсәбәтләре кебек мөһим иҗтимагый мөнәсәбәтләрне җайга сала; илебезнең һәр гражданы тормышында Россия Федерациясе Конституциясенең ролен һәм әһәмиятен күрсәтергә.