Һәр атнаның дүшәмбесендә укучылар өчен махсус сыйныф сәгатьләре уздырыла. “Мөһим сөйләшү” дигән сыйныф сәгатьләрендә сүз җәмгыять һәм шул җәмгыятьне тәшкил итүче кешеләр тормышы турында бара.

Бу атнада укучылар “Традицион гаилә кыйммәтләре” дигән темага фикер алыштылар.

23 февраль - Ватанны саклаучылар көне. Кызыл армия һәм флот көне исә 1922 елдан башлап бәйрәм ителә башлаган. Бүген әлеге бәйрәм Ватанны саклаучылар көне дип йөртелә.

Ватанны саклау - бүгенге көндә һәркемнең бурычы. Балаларда иң беренче патриотик тәрбия, Ватанны саклау хисен укытучылар уята һәм ныгыта.
Бүген гимназиябездә Ватанны саклаучылар көненә багышланган чаралар узды. 
Укучы кызлар егетләрне бәйрәм белән котладылар, матур теләкләр җиткерделәр, бүләкләр тапшырдылар. 

Бүген гимназия радиосында Ватанны саклаучылар көненә багышланган котлаулар яңгырады. Укучы кызлар егетләрне, укытучы абыйларны, хезмәткәрләрне бәйрәм белән котладылар. 
Хөрмәтле ир-егетләребез! 
Сезне Ватанны саклаучылар көне белән котлыйбыз. 
Сезгә һәм якыннарыгызга тыныч күк йөзе, ныклы сәламәтлек, бәхет-шатлык, рухи һәм матди байлык, һәр эшегездә бары тик уңышлар гына телибез. 

Ватанны саклаучылар көненә багышланган чаралар дәвам итә. Бүген 2 А сыйныфы укучылары технология дәресендә әтиләренә һәм бабайларына бүләкләр ясадылар. 

Бүген X "Алиш эзләре буйлап" бөтенроссия фәнни-гамәли конференциясе узды. "Шигърият бакчасы" номинациясендә Хасанова А. III дәрәҗә дипломга лаек булды. 

21 февральдә дөньякүләм туган тел көне билгеләп үтелә. ЮНЕСКО тарафыннан игълан ителгән әлеге халыкара бәйрәм дөньядагы телләрне саклау, аларны киләчәк буынга исән-имин җиткерү макстатыннан оештырылган. Бүгенге көндә галимнәр Җир шарында 7 меңнән артык тел булуын әйтәләр. Һичшиксез, алар арасында миллиардлаган аралашучы һәм шул ук вакытта бер дистә кеше сөйләшә торган телләр дә бар. 

Шул уңайдан гимназиябездә Туган телләр көненә багышланган радиоэфир узды. Укучылар татар телендә шигырьләр сөйләделәр, җырлар җырладылар һәм телләр турында кызыклы мәгълүматлар җиткерделәр.

Һәр атнаның дүшәмбесендә укучылар өчен махсус сыйныф сәгатьләре уздырыла. “Мөһим сөйләшү” дигән сыйныф сәгатьләрендә сүз җәмгыять һәм шул җәмгыятьне тәшкил итүче кешеләр тормышы турында бара.

Бу атнада укучылар “Ватанны саклаучылар көне” дигән темага фикер алыштылар.

Гимназиябездә традицияләр бик күп. Менә инде күп еллар гимназия радиосы эшләп килә. Һәр атна дүшәмбе төрле сыйныф укучылары безне үткән атна яңалыклары һәм киләсе атнада булачак чаралар, истәлекле көннәр һәм сыйныфлар рейтингы белән таныштыралар.

Бу атнада гимназия радиосында 6 нчы сыйныф укучылары чыгыш ясадылар.

Бүген 2 нче сыйныфларда “Булачак һөнәрем турында хыялларым” темасына, гимназия психологы катнашында, сыйныф сәгате узды. Укучылар һөнәрләр, кызыксынулар, аларың уңай һәм тискәре яклары, хыяллар турында фикер алыштылар.

Һөнәр - ул кеше хезмәте һәм эшчәнлегенең төп төре.

Һөнәр сайлау – кеше тормышында иң әһәмиятле мәсьәләләрнең берсе. Заман үзгәрә барган саен, тормыш яңа һөнәрләр таләп итә. Гомерлек юлны сайлау бик авыр. Бу хакта 14-15 яшьтән үк уйлана башларга кирәк. Тора-бара яңа теләк-хыяллар барлыкка килергә мөмкин.

Гимназиябездә дә һөнәрләр темасы белән бәйле төрле чаралар, бәйгеләр үткәрелә.

Бүген 5-11 нче сыйныф укучылары арасында “Һөнәрләр дөньясында” бәйгесе үткәрелде. Газеталардан күргәзмә дә эшләнде.