Гимназия каршында эшләп килүче "Яшь юл инспекторлары" түгәрәгенә йөрүче укучылар өчен "Юл кагыйдәләре илендә" исемле интеллектуаль викторина үткәрелде. Укучылар командага бүленеп көч сынашты. Викторина төрле кызыклы сораулар һәм биремнәрдән торды. Укучылар бик теләп әлеге биремнәрне үтәделәр.

Бүген гимназиянең 6-11 сыйныфларында һөнәри юнәлеш бирү дәресләре узды. Балалар тест биремнәре үтәделәр һәм нәтиҗәләр белән таныштылар. Укучылар нинди омтылышларның көчлерәк булуын, нинди укыту профиле тәкъдим ителүен һәм үзләренә нинди һөнәрләр  туры килүен ачыкладылар.

Бүген 8 нче сыйныф укучылары “Казан ЭКСПО” халыкара күргәзмәләр үзәгендә узучы “DigitalSkills” Цифрлы технологияләр өлкәсендә V тармак чемпионатында экскурсиядә булып кайттылар. Биредә алар өчен “Try-a-Skill” интерактив стендлар һәм профессиональ пробалар зоналарында экскурсияләр оештырылды.

18-22 сентябрьдә гимназиядә, балалар катнашында юл-транспорт һәлакәтләрен кисәтү буенча эшчәнлекне камилләштерү, шулай ук юл хәрәкәте өлкәсендә белем дәрәҗәсен арттыру максатыннан, Бөтенроссия юл хәрәкәте иминлеге атналыгы уза. Атналык кысаларында сыйныф җитәкчеләре "куркынычсызлык минутлары" үткәрделәр, анда укучыларга юлда үз-үзләрен тоту кагыйдәләре, велосипедта йөрү кагыйдәләре, укучылар өчен куркынычсыз маршрутлар турында сөйләделәр.

Бүген гимназиядә Зоя Космодемьянскаяның тууына 100 ел тулуга багышланган чираттагы “Мөһим әйберләр турында сөйләшүләр” дәресе узды. Чараның максаты укучыларны Бөек Ватан сугышы елларында яшь геройларның батырлыклары белән таныштыру иде. Башлангыч  сыйныф укучыларына «Зоя» музей комплексы турында сөйләделәр, ә югары сыйныф укучылары Зоя Космодемьянскаяга багышланган истәлекле урыннарның интерактив картасын өйрәнә алдылар.

 15 сентябрьдә безнең гимназия традицион һәм масштаблы бәйрәмдә - "Кросс нации-2023" Бөтенроссия йөгерү көнендә актив катнашты. Гимназиябез укучылары яңа рекордлар өчен көрәштеләр, иптәшләре өчен җан аттылар! Кемнәрдер шулай ук шәхси рекордларына ирештеләр, ә кемдер гомумән мондый зур вакыйгада беренче тапкыр катнашты! Барлык укучыларга рәхмәт белдерәбез!

Бүген 11 сыйныф укучылары А.М. Горький һәм Ф. И. Шаляпинның музей-мемориалында булдылар. Алар рус мәдәниятенең ике бөек шәхесе турында күп мәгълүмат белделәр

Гимназиядә “Игелек ярминкәсе” гөрләп узды. Әлеге ярминкәдә укучылар актив катнашты. Ярминкәгә кемдер камыр ризыгы пешергән, теккән, бәйләгән, тозлаган, консервлаган әйберләр алып килгән. Товарларның күбесе төрелгән, бизәлгән, этикеткаларына кадәр ябыштырылган, бәясе күрсәтелгән. Ярминкәдә катнашкан һәркемгә рәхмәт сүзләре җиткереп, эшләгән савапларыгыз үзегезгә дә әйләнеп кайтсын дип әйтәсе килә.

Гимназиядә “Алдынгылар хәрәкәте”нең беренчел бүлеге ачылды. Хәрәкәт әгъзалары белән очрашулар оештыру өчен барлык уңайлыклар тудырылган кабинет булдырылды. “Алдынгылар хәрәкәте”   теләсә нинди кыенлыкларны хәл итәргә һәм җәмгыятьне үстерүдә актив катнашкан укучыларны дус, бердәм командага берләштерде.

Игелек атналыгы кысаларында, “Яшел планетабызны саклыйк!” акциясе үтте. Бер атна дәвамында укучылар табигатькә булышыр өчен батареялар җыйдылар. Шулай ук балалар белән “Ни өчен батареяларны ташларга ярамый?» дип аталган әңгәмә үткәрелде.