1990 елда БМО Халыкара Ассамблеясы 1 октябрьне Халыкара өлкәннәр көне, игелек һәм хөрмәт көне буларак билгеләп үтү турында карар кабул итә. Барлык яшьләр, балалар, оныклар һәм оныкчыклар бу көнне үзләренең котлауларын, шигырьләрен һәм открыткаларын чиксез яратуга һәм хөрмәткә лаек булган өлкәннәргә юллыйлар. Традиция буенча быел да, башлангыч сыйныф укучылары үз куллары белән бәйрәм открыткалары ясадылар. Өлкәннәр көненә үз куллары белән открыткалар бигрәк тә урынлы, чөнки өлкәннәр яраткан оныклары һәм балалары куллары белән ясалган әйберләрне бүләк итеп алырга яраталар.

Бүген гимназиядә Донецк һәм Луганск Халык Республикалары, Запорожье һәм Херсон өлкәләренең Россия Федерациясе белән берләшү көненә багышланган сыйныф сәгатьләре узды. Яңа территорияләрне Россия Федерациясе составына кабул итү тарихи әһәмиятле вакыйга булып тора. Әлеге чара гражданлык позициясен формалаштыруга, туган якка мәхәббәт тәрбияләүгә, ватандашларның ныклыгы һәм батырлыгы өчен горурлык хисе тәрбияләүгә ярдәм итә.

Бүген гимназиядә Россия балалар һәм яшьләр хәрәкәтенең беренче баскычы булган «Россия бөркетләре»нә багышлау тантанасы узды! Бу тантаналы чара балалар өчен аеруча мөһим, чөнки ул “Россия бөркетләре” иленә  ишекләр ача, анда аларны кызыклы мәгълүматлар, мавыктыргыч чаралар көтә. Булачак “бөркетләргә” үгет-нәсихәт сүзе белән тәрбия эшләре буенча директор киңәшчесе Г.А. Заляева мөрәҗәгать итте. Ул «Бөркет» булу зур җаваплылык соравын билгеләп үтте һәм «Бөркетләргә» таныклыклар тапшырды.  Безнең «Россия бөркетләре» бу исемне лаеклы йөртәчәкләр һәм киләчәктә безнең гимназиянең һәм илебезнең горурлыгы булачаклар дип өметләнәбез! Укучыларга уңышлар һәм яңа казанышлар телибез! Без сезгә ышанабыз һәм һәр эштә һәрвакыт ярдәм итәчәкбез!

Гасырлар дәвамында музыка кешеләрнең көнкүрешенең һәм үз билгеләнүнең аерылгысыз өлеше булып тора, төрле халыкларның мәдәни традицияләрен һәм гореф-гадәтләрен чагылдыра. Музыка теле гади һәм һәркемгә аңлаешлы. 1 нче октябрьдә Халыкара музыка көне билгеләп үтелә. Бүген гимназиядә әлеге көнгә багышланган чара узды. Укучылар Россия композиторлары турында яңа белемнәр алдылар, һәркемгә билгеле булган җырларны башкардылар. Чара яшь музыка сөючеләрне җыйды. Музыка көне чарада катнашучылар өчен илһам һәм шатлык чыганагы булды.

Яңа атнадан “Алдынгылар хәрәкәте”нең беренчел бүлек советы рәисе сайлауларында катнашу өчен кандидатлар җыю башлана. Агитация барышында барлык кандидатлар үзләренең эш программасын тәкъдим итәчәкләр, плакатлар ябыштырачаклар һәм сайлау алды программасы белән листовкалар таратачаклар. Сайлаулар якынча 13 октябрьдә тавыш бирү юлы белән узачак. Кадерле укучылар, әгәр дә сез актив, җаваплы булсагыз, бу тәкъдим сезнең өчен!

Гимназиядә “Көзге байлыклар” дип аталган кул эшләнмәләре бәйгесе үтте. Үз кулларың белән ясаган эшләнмә фантазияне һәм күңел күтәренкелеген арттыра, акыл сәләтен үстерә, арыганлыкны бетерергә мөмкинлек бирә. Бәйгенең төп шарты: көзге байлыклардан файдалану. Һәр эш кабатланмас һәм кызыклы иде. Әлеге эшләрдән күргәзмә оештырылды.

Бүген 9 нчы сыйныф укучылары һөнәри юнәлеш буенча тест узды, аны алар өчен гимназия психологы Сәләхова Э.Ф. үткәрде. Бу тест балаларга үз-үзләрен аңларга, күп санлы һөнәрләр дөньясында нинди юнәлеш аларга иң яхшы туры килә икәнен аңларга ярдәм итте.

Туризм көне безнең илдә һәр көз билгеләп үтелә. Бу, көндәлек ыгы-зыгыдан елга ярына, урманга, басуга яки илебезнең бай урыннарына чыгып, үзен сәяхәтче итеп хис иткән һәркемнең бәйрәме! Гимназиядә  Туризм көненә карата “Туган якның байлыгы” дип аталган фотобәйге игълан ителгән иде. Фотоларда Республикабыз һәм  шәһәребезнең истәлекле урыннары, матур табигате чагылган.  Әлеге фотолардан күргәзмә оештырылды.

Бүген гимназиядә “Россиянең сайлау системасы” темасына багышланган “Мөһим әйберләр турында сөйләшүләр” дәресләре узды.  Дәрес барышында укучыларга тавыш бирүнең бердәм көне һәм аның дәүләт тормышында әһәмияте, сайлаучыларның төп хокуклары һәм бурычлары турында сөйләделәр, шулай ук сайлауларда катнашуның ни өчен мөһим булуын аңлаттылар. 5-9 сыйныф укучылары Россиянең сайлау системасы һәм аның эш принциплары белән җентекләбрәк таныштылар. Дәреснең федераль спикеры булып Россия Үзәк сайлау комиссиясе рәисе Элла Памфилова чыгыш ясады. Дәрес барышында укучылар шулай ук сайлауларны имитацияләгән эшлекле уенда катнаштылар һәм Үзәк сайлау комиссиясе тарихы һәм тавыш бирүнең төп принциплары турында видеолар карадылар.

Юл хәрәкәте иминлеге атналыгы кысаларында, башлангыч һәм урта сыйныф укучылары өчен “Игътибар юлга!” дип аталган рәсем бәйгесе үтте. Рәсемнәр аша укучылар юл хәрәкәте куркынычсызлыгына үз карашларын сурәтләделәр. Барлык эшләр бер-берсенә охшамаган, әмма бер уртак мәгънә белән берләштерелгән: юл куркынычсыз булсын өчен, юл хәрәкәте кагыйдәләрен белү генә түгел, ә үтәү дә кирәк.