Бүген 1-11 сыйныфларда “Мөһим әйберләр турында сөйләшүләр” дәресләр циклының Россиядә кинога 115 ел тулуга багышланган “Экранның икенче ягында” дип аталган дәресләре узды. Традиция буенча, сыйныфларда дәресләр флаг күтәрү, РФ һәм ТР Гимнын башкарудан башланды. Дәрес укучыларны Ватан кинематографиясе тарихы һәм илебездә төшерелгән фильмнар белән таныштыруга, Ватан мәдәнияте, Ватан киносы, аның бөек тарихын булдырган кешеләргә уңай  мөнәсәбәт формалаштыруга, шулай ук киноиндустрия белән бәйле һөнәрләр турында мәгълүматлар җиткерүгә юнәлдерелгән.

14 октябрьдә гимназиядә “Татарча диктант 2023” дөньякүләм белем тикшерү акциясе узды. “Татарча диктант”ның максаты  – татар теленә кызыксынуны арттыру, әдәби телдә дөрес сөйләм һәм дөрес язу күнекмәләрен үстерү, орфографик һәм грамматик хаталарсыз язу теләге уяту. Акциядә укучылар бик теләп катнашты.

Әтиләр көнен бәйрәм итү кысаларында безнең мәктәп укучылары «Әти белән эштә»акциясендә катнаштылар. Әти белән үткәргән вакыт бик кадерле генә түгел, файдалы да. Бала эш күнекмәләренә өйрәнә, әтисе белән аралашудан уңай эмоцияләр ала. Балалар акциядә актив катнаштылар. Нәтиҗәдә, әтиләр белән үткәрелгән онытылмас мизгелләр искиткеч фотоларда истәлек булып калды.

Бүген гимназиядә “Беренчеләр советына” сайлаулар узды. Анда 5-11 нче сыйныф егет һәм кызлары, укытучылар тавыш бирде. Укучылар сайлаулары өлкәннәрнекеннән бернәрсә белән дә аерылмый. Комиссия әгъзалары мәктәп мөһере белән бюллетеньнәр әзерләгәннәр. Аларны салу өчен урна да булдырылган иде. Сайлау нәтиҗәсендә иң күп тавыш җыйган кандидат “Беренчеләр советы” рәисе булып билгеләнәчәк.

Әтиләр көне алдыннан башлангыч сыйныфларда открыткалар ясау буенча иҗади остаханә узды. Укучылар бик теләп әтиләренә теләкләр белән открыткалар әзерләделәр.

Бүген гимназиядә "Россия - минем офыгым" циклыннан чираттагы һөнәри юнәлеш бирү дәресе узды. Дәреснең максаты: укучыларны төрле һөнәрләр дөньясы, импортны алмаштыру, суднолар төзү, авиатөзелеш, суднолар йөртү, урман сәнәгате кебек тармаклар һөнәрләре белән таныштыру. Дәрес барышында укучыларга берничә видеоролик күрсәтелде, анда Россия белгечләре зур уңышларга ирешкән тармаклар турында сөйлиләр.  Соңыннан бергәләп каралган видеороликлар турында фикер алыштылар, сорауларга җавап бирделәр.

 Бүген гимназиядә 9 нчы сыйныф укучылары өчен профориентолог, карьера консультанты Ильмира Бубекова белән очрашу оештырылды. Очрашуда зур һөнәрләр дөньясы турында сүз барды. Үзеңне ничек табарга, үз сәләтләреңне һәм мөмкинлекләреңне ничек белергә, үз-үзеңне профессиональ рәвештә ничек билгеләргә? 9 нчы сыйныфны тәмамлаучы укучылар үзләрен борчыган әлеге сорауларга белгечтән төгәл җаваплар ишетә алдылар. Очрашуны йомгаклап, кунагыбыз укучыларның игътибарын  хәзерге даими үзгәреп торган заманда кешегә кирәкле сыйфатларга юнәлтте.

Бүген безнең гимназиядә "Беренчеләр Советы" рәисе вазифасына кандидатлар дебаты узды. Кандидатлар үз программаларын тәкъдим иттеләр һәм сайлаучыларның сорауларына җавап бирделәр. Кандидатларга уңышлар теләргә Бөтенроссия балалар һәм яшьләр иҗтимагый-дәүләт хәрәкәтенең  Казан бүлекчәсе Советы Рәисе Бариев Динар Раил улы килгән иде. Ул укучыларга үзенең киңәшләрен бирде һәм үгет-нәсыйхәт сүзләрен җиткерде. Барлык кандидатларга да сайлауларда уңышлар телибез! Лаеклы кандидат өчен тавыш бирегез!

“Мөһим әйберләр турында сөйләшү” дәресләр циклында бүген “коллективтагы мөнәсәбәтләр турында” сөйләштеләр. Дәреснең төп максаты үзара хөрмәт һәм үзара ярдәм нигезендә укучыларда сыйныфташлар арасындагы мөнәсәбәтләрне формалаштыру тора. Мәктәптә укыганда, сыйныфташлар белән мөнәсәбәтләр төзергә өйрәнү мөһим, бу исә коллективны дус итеп саклап калуга зур өлеш кертә.

Гимназиядә "Беренчеләр Советы" рәисе вазифасына кандидатларның сайлау алды агитациясе дәвам итә. Кандидатлар листовкалар тараталар, стена газеталары, плакатлар ясыйлар, булачак сайлаучылар алдында чыгыш ясыйлар.