Бүген 2 нче В сыйныфында “Нәрсә ул бәхет?” дип аталган акция үтте. Укучылар рәсемнәрдә “бәхет” төшенчәсен ничек аңлауларын сурәтләделәр һәм таҗларына изге теләкләр язылган ромашка чәчәге ясадылар.

Һәр атнаның дүшәмбесендә укучылар өчен махсус сыйныф сәгатьләре уздырыла. “Мөһим сөйләшү” дигән сыйныф сәгатьләрендә сүз җәмгыять һәм шул җәмгыятьне тәшкил итүче кешеләр тормышы турында бара. Бу атнада нацистлар һәм аларның ярдәмчеләре тарафыннан Совет халкының юкка чыгарылуы турында хәтер көненә багышланган сыйныф сәгатьләре узды.

Радиоэфирның бүгенге чыгарылышын 9 нчы Б сыйныфы укучылары алып барды. Алар атналык рейтинг нәтиҗәләре белән таныштырдылар, узган атнада булган яңалыклар турында сөйләделәр. Шулай ук бу атнада үтәчәк чаралар турында игълан иттеләр һәм һәркемне әлеге чараларда актив катнашырга чакырдылар.

17 нче апрельдән гимназиядә Бөтенроссия психология атналыгы башланып китте. Бер атна дәвамында укучыларны кызыклы чаралар, сыйныф сәгатьләре, акцияләр көтә. Атналыкның беренче көнендә, башлангыч сыйныфлар өчен, “Кәеф калейдоскопы” акциясе оештырылды. Акциягә, беренчеләрдән булып, 2 нче Б сыйныфы кушылды.

14 апрель көнне гимназиябездә “Илебездә, телебездә, күңелләрдә Г.Тукай мәңгелек” шәһәр шигырь укучылар бәйгесе үтте. Бу чараның Г.Тукай исемендәге гимназия диварларында үтүе чарага аерым бер төсмер бирде.
Чөнки Г.Тукай исемен мәңгеләштерүгә гимназия дә үз өлешен кертә. Укучылар, бөек шагыйребезгә багышлап, төрле проектлар эшлиләр. Проект кысаларында шагыйрьнең 1891нче елда Казанга килүе, Печән базарында асрамага бирелүе, Яңа бистәгә килү юлы буенча видеофильм төшерелде. Гимназиянең Туган якны өйрәнү музеенда Г.Тукайның шәхси әйберләре дә саклана.
Бәйгедә Казан шәһәренең төрле районнарыннан 115 укучы чыгыш ясады. Катнашучыларны мөхтәрәм жюри әгъзалары бәяләде.
Казан шәһәре мәгариф идарәсе баш белгече - Рәйхана Әмин кызы Баһавиева, Татарстанның атказанган артисты, Татарстанның атказанган сәнгать эшлеклесе - Нурания Мөхәммәтхан кызы Җамалиева, Филология фәннәре кандидаты, Габдулла Тукай әдәби музее мөдире - Гүзәл Фәрдин кызы Төхфәтова, актер - Раил Мөхетдинов

7 сыйныф укучылары Массаров Марсель һәм Полякова Яна "Мәктәп - ул кечкенә тормыш" балалар иҗади әдәби бәйгесендә 2 нче урын яуладылар. Бәйге "Детский КиноМай в Казани" хәйрия кинофорумы кысаларында уздырылды. Укучыларыбызны котлыйбыз һәм киләчәктә дә уңышлар теләп калабыз!

12 апрель - Космонавтика көне, кешелек тарихының истәлекле датасы. Шул уңайдан гимназиядә төрле чаралар оештырылды. Урта сыйныф укучылары сыйныф сәгатьләрендә әлеге көн белән бәйле вакыйгаларны искә алсалар, башлангыч сыйныф укучылары төрле кул эшләнмәләре ясадылар.

Һәр атнаның дүшәмбесендә укучылар өчен махсус сыйныф сәгатьләре уздырыла. “Мөһим сөйләшү” дигән сыйныф сәгатьләрендә сүз җәмгыять һәм шул җәмгыятьне тәшкил итүче кешеләр тормышы турында бара.

Бу атнада укучылар 12 нче апрельдә үтүче Космонавтика көне турында фикер алыштылар.

8 нче апрель көне “Без бергә” Республика халык иҗаты фестиваль-конкурсының район этабы үтте. Чарада гимназиябез укучылары  “Нәфис сүз” һәм  “Вокал” номинацияләрендә чыгыш ясадылар.

Апрель ае – бөек шагыйребез Габдулла Тукай туган ай, шигърият ае.  Шул уңайдан, гимназиябездә күп төрле бәйгеләр игълан ителде. Укучыларыбыз, вакытны бушка үткәрмичә, әлеге бәйгеләргә әзерләнәләр.