1973 нче елдан башлап бөтен дөньяда 1 нче октябрьдә Халыкара музыка көне билгеләп үтелә.

Гасырлар дәвамында музыка кешеләрне рухландыра, илһамландыра. Мифологик геройлар, патшалар, күпчелек изге бәндәләр ритм, рифма һәм музыка ярдәмендә уйларын, фикерләрен белдерәләр. Музыканы дөнья хакимнәре дә, акыл ияләре дә, хәтта тираннар да ярата.

Шул уңайдан 7 нче сыйныфларда “Музыкаль ринг” исемле фикер алу чарасы узды. Укучылар музыка дөньясы турында сорауларга җавап бирделәр.

Бүген Халыкара өлкәннәр көне билгеләп үтелә. Ул -  өлкән буын бәйрәме. Бу дата өлкәннәргә үзенең кайгыртуыңны, хөрмәтеңне белдерү өчен тагын бер сәбәп булып тора. 

Шул уңайдан башлангыч сыйныф укучылары әби-бабайларына матур открыткалар ясадылар.

Хөрмәтле абыйлар, апалар, әбиләр һәм бабайлар! Заман авырлыкларына бирешмичә илебез уңышы өчен көчегезне кызганмагансыз. Бу дөньяда куйган хезмәтләрегез, кылган изгелекләрегез өчен рәхмәт сезгә!

Без, яшьләр, сезнең киңәшләрегездән тайпылмабыз, үрнәк булырга тырышырбыз! Саулык-сәламәтлектә, дөньяга ямь биреп яшәгез, урыннарыгыз өйнең түрендә булсын! Бәйрәмегез белән!

Бүген, 30 нче сентябрь көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим әйберләр турында сөйләшүләр" узды. Бүген дәрес иң хөрмәтле һөнәрләрнең берсе – укытучы һөнәре турында иде һәм «Укытучылар көне» дип аталды.

Бүген гимназиябезнең 7 нче сыйныф укучылары “Юнармия” сафларына кабул итү тантанасында катнаштылар. Юнармиячеләр оешмага тугрылык сакларга, илебезнең патриотлары һәм лаеклы гражданнары булырга сүз бирделәр. Укучыларга тантаналы төстә махсус билге һәм таныклык тапшырдылар.

Гимназиябездә яңа өлкәләрнең Россия Федерациясенә кушылу көненә багышланган чаралар узды.

4 нче сыйныфлар “Өйгә кайтуыгыз белән!»  мастер-классында катнаштылар. Әлеге темага матур рәсемнәр ясадылар, фикер алыштылар.

8 сыйныфлар яңа it комплекста экскурсиядә булдылар. Укучылар квест уенында катнаштылар, яңа технолгияләр белән таныштылар.

Татарстанның Халыклар дуслыгы йортында Казан укучылары өчен мәдәни белем бирү интерактив проектының чираттагы сезоны старт алды. Гимназиябезнең 7 нче сыйныф укучылары да Дуслык йортында экскурсиядә булып кайттылар.

Бүген, 23 нче сентябрь көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим әйберләр турында сөйләшүләр" узды. Бүген дәрес илебезнең авыл хужалыгы турында иде һәм «Ашлык үткән юл» дип аталды.

Бүген гимназиядә “Беренчеләр советына” сайлаулар узды. Анда 5-11 нче сыйныф егет һәм кызлары, укытучылар тавыш бирде. Укучылар сайлаулары өлкәннәрнекеннән бернәрсә белән дә аерылмый. Комиссия әгъзалары мәктәп мөһере белән бюллетеньнәр әзерләгәннәр. Аларны салу өчен урна да булдырылган иде. Сайлау нәтиҗәсендә иң күп тавыш җыйган кандидат “Беренчеләр советы” рәисе булып билгеләнәчәк.

Бүген гимназиябездә “Меңеллык Россия” һәйкәле ачылуга багышланган Россия дәүләтчелеге көне мәгълүмати дәресләре узды. Укучылар әлеге истәлекле көн турында кызыклы мәгълүматлар белделәр, соңыннан фикер алыштылар.