Бүген гимназиябездә Финанс грамоталыгы дәресләре узды. Дәресләрдә укучылар җыелган акча, кредит һәм иминиятләштерү, инвестицияләр, салымнар һәм пенсия тупланмалары өчен финанс инструментлары, шулай ук банк картасыннан ничек куркынычсыз файдалану һәм мошенникларга каршы тору турында белделәр. Гаилә бюджеты турында сөйләштеләр.

Бөтенрусия наркотикларга каршы юнәлешле һәм сәламәт яшәү рәвешен популярлаштыру айлыгы кысаларында гимназиябездә төрле чаралар уза.

Укучыларыбыз сәламәт яшәү рәвеше турында  үз фикерләрен плакатларда чагылдырдылар.

Бүген Алдынгылар советының “Хезмәт, һөнәр һәм үз эшең” юнәлеше  “Оста куллар” ярминкәсе оештырды. Укучылар ярминкәдә мавыгулары һәм шөгыльләре белән  таныштырдылар, кечкенә мастер-класслар күрсәттеләр.

Бүген, 25 нче ноябрьдә Кәрим Тинчурин театры сәхнәсендә Туфан Миңнуллин исемендәге Түбән Кама татар дәүләт драма театрының Рөстәм Галиев куелышындагы "Анам кыры" спектакле уйналды. Гимназиябезнең 8-10 нчы сыйныф укучылары спектакльне тамаша кылдылар.

8 нче сыйныф укучылары өчен спектакль аеруча кызыклы булды, чөнки анда сыйныфташлары – Шихалиев Сәмирдә катнашты. Ул онык ролен бик оста башкарды.

Чыңгыз Айтматовның “Анам кыры” әсәре буенча куелган спектакльнең жанры драматик повесть дип билгеләнгән. Спектакльнең програмкасында билгеләп үтелгәнчә, “Татар кызы Нәгыймә белән кыргыз егете Төрекулның бөек улы Чыңгыз Айтматовның даһи әсәрендә дөньяның бар аналарына мәдхия җырлый, яшәешнең нигезендә яткан олуг мәхәббәтне данлый”

 Г.Тукай исемендәге 1 нче татар гимназиясе укучылары  Бөтенроссия экологик диктант язуга кушылдылар. Бөтенроссия экологик диктанты ел саен үткәрелә торган экологик белем дәрәҗәсен күтәрүгә һәм табигатькә сак караш тәрбияләүгә юнәлтелгән агарту акциясе булып тора.

Бүген, 25 нче ноябрь көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим мәсьәләләр турында сөйләшүләр" узды. Бүген дәрес үз-үзнңне кайгырту, башка кешеләргә карата яхшы, кайгыртучан мөнәсәбәт турында иде, «Әйләнә-тирәдәгеләргә карата игътибарлы, кайгыртучан мөнәсәбәт» дип аталды.

 Үзең турында кайгырту - эгоизм түгел, ә зарурлык ; тик үзебезнең эчке хәлебезне кайгыртып кына без башкаларга чын-чынлап ярдәм итә алабыз.

 Үзең турында кайгырту - әйләнә-тирәдәгеләр өчен ярдәм итү мөмкинлеге төзелә торган нигез ул. Үзебезнең физик, эмоциональ һәм психик халәтебезгә игътибар иткәндә, без нык һәм энергиялерәк булабыз. Бу безгә үз авырлыкларыбызны җиңәргә генә түгел, дуслар һәм якыннар өчен таяныч та булырга мөмкинлек бирә.

Гимназиядә "Алтын куллы әнием" темасына багышланган күргәзмә оештырылды. Әниләр үзләренең чынлап та алтын куллы булуларын исбатладылар. Берсеннән-берсе матур эшләре белән балаларны сөендерделәр. Рәхмәт сезгә хөрмәтле әниләребез!

Әниләр көне – Россиядә ноябрь аеның соңгы якшәмбесе көнне билгеләп үтелә. Бу көнне барлык әниләрне тәбрик итү күркәм традициягә әйләнде.

Шул уңайдан гимназиябездә Әниләр көненә багышланган радиоэфир узды. Укучылар матур шигырьләр сөйләделәр, җырлар җырладылар, әниләргә иң матур теләкләрен җиткерделәр.

Энилэр коне кайчан бәйрәм көн итеп билгеләнгән соң? Моның тарихы болай. 1998 елның 30 гыйнварында Россия президенты Борис Ельцин «Әниләр көне хакындагы» указга кул куя. Әлеге көнне канунлаштыруны сорап Россиянең, хатын-кызлар, гаилә һәм яшьләр эшләре буенча Дәүләт думасы Комитеты чыгыш ясый, төгәлрәге депутат, ЦК КПРФ әгъзасы Алевтина Апарина бу эштә активлык күрсәтә.

 Әниләр көнен рәсмиләштерүнең максаты булып, хатын-кызга карата хөрмәт, гаилә нигезләрен ныгыту, кешеләр тормышында әни кеше нинди зур әһәмияткә ия икәнен искә төшерү, аналарның дәрәҗәсен күтәрү тора.

22 нче ноябрь көнне гимназиябез укучылары “Россия – минем тарихым” мультимедиа тарихи күргәзмәсендә булып кайттылар. Биредә алар XIX-XX гасыр Россия тарихы белән таныштылар. Күргәзмәдә барлык мәгълүматлар иң заманча мультимедиа җиһазлары ярдәмендә тәкъдим ителгән: сенсор өстәлләре һәм экраннар, лайтбокслар һәм интерактив коллажлар.

11 нчы ноябрь көнне гимназиябездә беренче сыйныф укучыларын Россия балалар һәм яшьләр хәрәкәтенең беренче баскычы булган «Россия бөркетләре» сафларына багышлау тантанасы булып узган иде. Ә бүген исә укучыларга символлары булган тамгалар һәм махсус эмблемалы капчыклар тапшырылды.