Студентлар тормышының әлеге һәм башка кызыклы яклары белән гимназиябез укучыларын бүген Студентлар Лигасының урта махсус һәм югары белем бирүче уку йортларыннан җыелган актив студентлар командасы – “ Студент солянкасы” таныштырып китте.

Бүген гимназиябездә үзенчәлекле сыйныф сәгате үтте. Аны Казан шәһәре Ваһитов районының прокурор ярдәмчесе Рамил Фәритович Галиев уздыры. Ул югары сыйныф укучыларына "Наркотик матдәләрнең законсыз әйләнешенә каршы көрәш" темасына лекция укыды.

Мәгариф һәм фән министрлыгы фәрманы нигезендә тәрбия өлкәсендә эшләүче кадрларның һөнәри осталыгын ачыклауда оештырылган “Педагог-психолог”, “ Өстәмә белем бирүче педагог” һәм “ Ел наставнигы” номинацияләрендә узучы республика күләмендәге бәйгегә теләктәшлек күрсәтү йөзеннән, 29нчы март көнне безнең гимназиядә “Педагог-психолог” номинациясендә алдынгылыкны яулаган педагог -психологларның финал бәйгесе узды.

«Күңелләрдә Тукай мәңгелек” дип аталган бәйгенең район күләмендәге туры тәмамланып, Вахитов районы мәктәбе укучылары арасында “Тукай шигырьләрен яттан сөйләү” номинациясендә 1нче урынны алган гимназиянең 8 “А” сыйныфы укучысы Д. Фаекова 29нчы март көнне шул ук бәйгене дәвам итеп, А. Алиш исемендәге Балалар иҗат сараенда шәһәркүләм узган турында катнашып кайтты.

Н.И. Лобачевский исемендәге I Бөтенроссия (XVII Идел буе) фәнни конференциясендә II урын яулаган Фаекова Д. һәм аның җитәкчесе югары категорияле татар теле һәм әдәбияты укытучысы Хөснетдинова Эльмира Рөстәмовнаны зур җиңүләре белән котлыйбыз!

25нче март көнне 6 “Б” сыйныфы укучылары , сыйныф җитәкчеләре О.В.Пережогина белән берлектә, Яшь тамашачы театрына барып, Г.Х. Андерсенның “Шыксыз үрдәк бәбкәсе” әкияте буенча сәхнәләштерелгән “Кыргый” дип исемләнгән спектакльне тамаша кылып кайтты.

23нче март көнне безнең гимназиядә “Укыту-тәрбия барышында заманча технологияләрне куллану“ дигән темага Санкт- Петербург шәһәре Пушкин районы 335нче мәктәп укытучылары өчен семинар булып узды. Семинар эшендә 35 укытучы катнашты. Гимназия кунакларны ишек төбеннән үк ачык йөз, тәмле сүз белән милли рухта каршы алды. Семинарга килгән кунаклар белән фикер алышу актлар залында дәвам итте. Аны ТР мәгариф һәм фән хезмәткәрләре профсоюзының республика комитеты рәисе Ю. П. Прохоров ачып җибәрде. Эшлекле аралашуны гимназия директоры Г. Г. Шәмсиева дәвам итте.

«Тукай - күңелләрдә» дип аталган район күләмендәге бәйгенең нәтиҗәләре билгеле булды! 6 “А” сыйныфы укучылары, сыйныф җитәкчеләре Э.Р Хөснетдинова, хореография укытучысы К. А. Жеранина белән берлектә, Тукайның “Таз” әсәрен сәхнәләштереп, район күләмендә 2нче урынны, ә 8 “А” сыйныфы укучысы Д. Фаекова нәфис сүз башкаруда 1нче урынны яулады! Афәрин! Без аларны уңышлары белән котлыйбыз!

16нчы март көнне 6 “А” һәм 8 “А” сыйныф укучылары, үзләренең яшь чикләве аралыгыннан чыгып, Казанның Х. Камай урамында урнашкан Балалар сәнгать үзәгендә оештырылган “Тукай – күңелләрдә“ дип аталган район бәйгесендә катнашты.

Казанда укучыларның Т. Миңнуллин исемендәге III республика фәнни-гамәли конференциясе булып узды. Конференция быел татар халкының бөек шагыйре Габдулла Тукайның тууына – 130 ел, татар театрына нигез салынуга – 110 ел, каһарман шагыйрь, Советлар Союзы Герое Муса Җәлилнең тууына – 110 ел тулуга багышланды. Гимназиянең 8нче, 10нчы сыйныф укучылары татар теле һәм әдәбияты укытучысы Э. Р. Хөснетдинова, хореграфия укытучысы К. А. Жеранина һәм җыр укытучысы Ф.Ш. Мостафина җитәкчелегендә Ш. Камалның “Акчарлаклар” әсәрен сәхнәләштерергә булды. Конференциянең нәтиҗәләре дә озак көттермәде һәм менә алар – 1нче урында! Котлыйбыз!