"Язгы алан"да узган вакытны укучылар бик күңелле үткәрә. Алдан планлаштырылган план буенча алар әле бер җиргә, әле икенче җиргә сәяхәткә чыгып китәләр.

Халык мәкалендә әйтелгәнчә, акыл – казна, күңел – йозак, тел – ачкыч. Бу ачкыч безгә башкалар күңелен аңларга, акылыбызның камиллеген, уй-фикерләребезнең ни дәрәҗәдә югары булуын күрсәтергә ярдәм итә. “Халыкның теле – аның бөтен рухи тормышының иң яхшы, беркайчан да шиңми, мәңге яшәреп тора торган иң матур чәчәге. Телдә... аның Ватаны җанлы рәвештә гәүдәләнә”, – дип язган К.Д. Ушинский. Рәсәй күләмендә һәм республикабызда игълан ителгән ЭКОЛОГИЯ  ЕЛЫна һәм  КФУда  ЛОБАЧЕВСКИЙ ЕЛЫна багышланган "Фән сукмагы – 2017: Табигать. Кеше. Акыл” дип исемләнгән шәһәр күләмендә быел XII тапкыр уздырылучы укучылар фәнни-гамәли конференциясендә чыгыш ясап,  “Тел культурасы һәм күңел гармониясе проблемасын яктыртуга багышланган иң яхшы доклад” номинациясендә III урын алган 9 Б сыйныфы укучысы З. Зиятдинованы чираттагы уңышы белән котлыйбыз! Рус теле укытучысы О. В. Терентьевага сәләтле балалар белән эшләүгә керткән өлеше өчен рәхмәтебезне җиткерәбез. 

Гимназиянең җыелма командасы , киокусинкай каратэ төре, катнаш көрәш һәм спортның башка төрләре белән ныклап шөгыльләнүне үз иткән укучыларыбыз үзләренең уңышлары белән даими куандырып торалар. Сез алар белән "Гимназия хәбәрләре" газетасының "Без булдырабыз" сәхифәсендә якыннанрак та таныша аласыз. Ә бүген без яңа спортсменыбыз турында хәбәр итәсебез  килә, чөнки РӘСӘЙ КҮЛӘМЕНДӘ ҖИҢҮләр көндә булмый ! Укучыбыз Татарстан  җыелма  командасы исеменнән теннис спорт  төре буенча  Россия күләмендә  башкалабыз  данын  яклаган! 14-19  март көннәрендә  Самарада  узган   ярышта финалга  чыккан  Краснодар  командасын  җиңеп, 2:1  исәбе  белән җиңү яулый  Татарстан  командасында  уйнаган   гимназиябезнең  чибәр кызы!  Алтын  медальгә  ия  булып  Россия  беренчелегенә  чыккан  укучыбыз  белән  без, чын мәгънәсендә, горурланабыз!Татарстанның  йөз аклыгы  булган кызлар  командасын  спорт  өлкәсендәге  уңышлары  белән  котлыйбыз   һәм  киләчәктә   Универсиада  һәм  Олимпиадаларда дөньякүләм  мәртәбәләргә  ирешүләрен  теләп  калабыз.

"Илебездә, телебездә, күңелләрдә Тукай мәңгелек" район бәйгесендә чыгыш ясаган укучыларыбыз арасында ҖИҢҮЧЕЛӘР билгеле булды. "Авторлык шигырьләрен башкару" номинациясендә 2 укучыбыз - 4 Б сыйныфы укучысы Э.Закирова  (II урын)  һәм  8 Б сыйныфы укучысы Л. Шәмеева ( тәхәллүсе -Лилия Шәми , III урын)  үзләренең   иҗат җимешләренә  бәрабәр  лаеклы  бәягә ия  булдылар.  Котлыйбыз!

"Язгы  алан"  үз  эшен  башлап  җибәрде. 20 - 27  март  аралыгына  кадәр  каралган  "Язгы  алан"  планы  белән  таныша  аласыз ( 2нче  биттә)

20нче март көнне Вахитов районы мәктәпләре арасында мини-футбол буенча турнир узды. Яшь категориясен исәпкә алып, гимназиядән 3 команда катнашты: 1) 7 сыйныф 2) 5 сыйныф 3) 4 сыйныф. Уен нәтиҗәләреннән күренгәнчә, күрсәткечләр түбәндәгечә: 5 һәм 7 сыйныфлар - II урын, 4нче сыйныфлар - III урын яулады. Спорсменнарыбызны мини-футболда  МАКСИ  уңышка ирешүләре белән котлыйбыз!

Бүген Казанның  № 13, №51,  №80нче   санлы  мәктәпләреннән, хореография училищесыннан, Н. Җиһанов  исемендәге  консерваториянең махсус  музыка мәктәбеннән 9нчы сыйныф укучылары, гимназиягә  килеп , математикадан үзләренең  сынап карау имтиханнарын  (ОГЭ)  тапшырды.

Иң   озын чирек   саналган   III  чирек,   ниһаять,  тәмамланды !  Укучылар  язгы каникулга  таралды.  Балаларның   язгы  ял  вакыты  быел   Нәүрүз  бәйрәмнәре якынлашкан  көнгә  туры  килде.  Сагындырган  каникул  18нче  марттан  алып,  28 мартка  кадәр  9  көн   дәвам   итәр  дип  көтелә.

Быел республика күләмендә XII тапкыр уздырылучы "Дулкыннар" бәйгесендә       Р. Вәлиев иҗатына мөкиббән укучыларыбызның нәфис сүзгә осталыкларын барлау барышында 9 Б сыйныфы укучысы Д. Фаекова республика күләмендә 2нче урынга лаек булды! Д.Фаекованы һәм аның укытучысы Э. Р. Хөснетдинованы уртак уңышлары белән котлыйбыз! Киләчәктә дә иҗади һәвәслекләрегезнең саекмавын теләп калабыз.

Бүген,  ягъни 16нчы  март  көнне, Тукай   исемендәге   гимназия   укучылары   Казан  шәһәренең  Идел  буе  районы  "Мәктәптән   тыш  тәрбия   үзәге"ндә  ( Камай  урамы, 13нче  йорт)   оештырылган  “Илебездә, телебездә, күңелләрдә Тукай  мәңгелек”  бәйгесенең  район  турында  катнашты. Район  күләмендә  узган  бәйгегә   фәкать  мәктәп   турын  уңышлы  узган  ИҢ  ЯХШЫ    СӘХНӘ  ҺӘМ  НӘФИС  СҮЗ  ОСТАЛАРЫ   гына  сайлап   алып  барылды. “Илебездә, телебездә, күңелләрдә Тукай мәңгелек” бәйгесенең  мәктәп  туры нигезләмәсе   район   нигезләмәсе  үрнәгендә  төзелде :   таләпләр һәм  номинацияләр   күчереп  алынды. Бу - район  бәйгесенә әзерләнүдә бернче адым  булды.  Укучылар 3  номинациядә :  "Тукай  әсәрләрен   сәхнәләштерү", " Тукай  шигырьләрен  сәнгатьле  башкару"  ,  " Тукайга  һәм сугышка багышланган   авторлык  шигырьләрен  башкару"   буенча   чыгыш  ясады.  5 А-5Б  сыйныфы  кызлары  катнашында  " Эш  беткәч,  уйнарга  ярый"  сәхнәләштерелгән  шигыре   максатка ярашлы  дип  табылды. Нәфис   сүз  башкаруда   5 Б   сыйныфы  укучысы  К. Гобәйдуллинага  тиңнәр  булмады : Г. Тукайның  " Ана  догасы"   шигырен   һәр  тамашачының күңел  кылларын  тибрәндерерлек  итеп  башкарды.  Авторлык   әсәрләрен  башкаруда 8  Б   сыйныфы  укучысы,  гимназия  үзидарәсе  президенты - Л. Шамеева   " Тукайга...", 4  Б   сыйныфы  укучылары  Э. Закирова  " Бөек   Тукай" , Л. Ибушева  "  Сугыш "  каләм  тибрәтүчеләр  арасында   "ИҢ-ИҢНӘР"е   булдылар. Бүген исә  район  бәйгесендә    мәктәп   данын  якладылар !