Муниципальное бюджетное общеобразовательное учреждение «Татарская гимназия №1 им.Г.Тукая» Вахитовского района г. Казани
Визитная карточка
| Адрес: | 420108, г. Казань, ул. Мазита Гафури, д. 34а |
| Телефон: | +7(843)-293-38-67;+7(843)-293-38-87;+7(987)-290-70-21 |
| E-Mail: | g1.kzn@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Татарская гимназия №1 им.Г.Тукая" |
| Руководитель: | Шамсеева Гульфия Гаязовна |
| Год основания учреждения: | 1990 |
| У нас учатся: | 561 учащихся, из них 7 иностранных граждан |
| У нас учат: | 37 преподавателя |
Муниципальное бюджетное общеобразовательное учреждение «Татарская гимназия №1 им.Г.Тукая» Вахитовского района г. Казани - новости
Страницы: << 231 232 233 234 235 236 237 ( 238 ) 239 240 >>
-
19 нчы май - Гимназия укучыларын данлау көне. 19.05.2017
19 нчы май - гимназия укучыларын данлау көне. Данлау көненең нәкъ менә 19нчы майга билгеләнүе очраклы түгел, әлбәттә. Элеккеге пионер туган көненә алмашка бәйрәм булсын дип, махсус билгеләнгән ул. Укучының уку елы дәвамындагы тырышлыгы нәкъ менә бу көндә данлана. Исемлекне барлый торгач, данлауга лаеклыларның быел да аз түгел икәнлеге ачыкланды. 50дән артык мактау грамотасы әзерләнде! Иң беренче чиратта, әлбәттә, үзләренең белемнәрен фәнни яктан аклаган укучылар бүләкләнде. Төрле фәннәрдән олимпиадаларда һәм фәнни-гамәли конференцияләрдә җиңгән һәм призлы урыннарга ия укучыларыбыз байтак булып чыкты. Соңрак, иҗади бәйгеләрдә җиңүче һәм гимназиянең иҗтимагый тормышында кайнаучы актив укучылар бәяләнде. Макулатура тапшыруда алдынгылыкка чыккан сыйныфлар грамотага өстәп тапшырылган тортларга бик канәгать калдылар.
-
Татарстан Варислары сафын тулыландырдык! 19.05.2017
Бүген 5нче сыйныф укучыларын тантаналы төстә Татарстан Варислар сафына кабул иттек. Кичәдә Вахитов районы ветераннар Советыннан да вәкилләр катнашты. Бәйрәмгә укучылар озак әзерләнде. Варисларның һәрбер законын, девизын, шигарен яттан өйрәнделәр алар. Ике дәүләт телендә дә варисларның законнарын төгәл үтәргә сүз биргәннән соң, кайчандыр, үзләре дә пионер булган ерак балачакларына кайтып, байрак төсендәге галстук тагуның тантаналы мизгелләрен кичергән директорыбыз һәм ветераннар Советыннан килгән кунаклар укучыларыбызның муенына Татарстан байрагын хәтерләткән өч төсле галстук бәйләде.
-
Соңгы кыңгырау чыңлама... 18.05.2017
Чыгарылыш сыйныф укучыларының "Соңгы кыңгырау" бәйрәме быел 23нче майга билгеләнгән. Алда "урак өсте" башланырга торуына карамастан, мәктәптә узачак соңгы бәйрәмне истә калырлык итеп уздырасылары килә аларның. Бу максаттан актлар залында көн саен репитицияләр уза.
-
"Иҗади балкыш"та калыккан йолдызчык! 16.05.2017
"А.С.Пушкин һәм Г.Тукай йолдызлыгында" дип аталган I Республика балалар иҗат коллективлары конкурсында катнашып, "Нәфис сүз" номинациясендә III дәрәҗә лауреат дипломына ия булган 4 Б сыйныфы укучысы И. Закированы иҗади уңышка ирешүе белән котлыйбыз. Киләчәктә үзенең дә сәхнәләрдә якты йолдыз булып балкуын теләп калабыз.
-
Ярминкәгә әзерлекне башладык! 15.05.2017
Бүгеннән бездә "Язгы изгелек атнасы"на старт бирелде. Атналык 15-20 май көнәре аралыгында узачак һәм 20нче май (шимбә) көнне "Мәрхәмәтлелек ярминкәсе" белән төгәлләнәчәк. Хәзер исә сыйныфлар ярминкәгә үз өлешләрен кертү белән мәшгуль: хезмәт дәресләрендә төрле кул эшләнмәләре ясыйлар, кызлар бәйләү, тегү-чигү белән шөгыльләнсә, малайлар исә күн тукымадан ниләрдер каеп-уеп ясау, махсус материаллардан кәрзиннәр үрү белән мавыга... Әлбәттә, кызларның аш-суга осталары нидер пешереп килүне хуп күрә. Ничек кенә булмасын, ниятләр изгелек эшләүгә омтылганда ярминкәләр гөрләп узар, дигән өметтә калабыз.
-
Лаеклылар данланачак! 13.05.2017
19 май - гимназия укучыларын данлау көне. Бу бәйрәм, традиция буларак, ел саен билгеләп үтелә. Быел бу көндә 5нче сыйныфларны Татарстан варислар сафына кабул итү дә планлаштырыла. Кемнәр данлауга лаек соң ?! Монысы әлегә сер булып калсын...
-
"Җәйге китап тылсымы" күргәзмәсе 12.05.2017
Менә соңгы чирекнең дә соңгы аен ваклыйбыз. Укучыларның җәйге каникулларына да күп калмый. Гимназия китапханәсе җәйге каникулда укырга "Җәйге китап тылсымы" дип аталган күргәзмә тәкъдим итә.
-
Җиңел атлетика җиңелләрдән түгел... 11.05.2017
11нче май көнне 4В, 6Б, 7А, 7 Б сыйныфы укучылары "Хезмәт резервлары" спорт комплексында үзләрен җиңел атлетика буенча узган ярыш Беренчелегендә сынады.
-
Команда Беренчелеге хакына! 10.05.2017
10нчы май көнне 9-10 сыйныф укучылары җиңел атлетика буенча команда Беренчелеге ярышларында катнашты.
-
"Үлемсез полк" йөрешенә кушылдык! 09.05.2017
Җиңү көнендә 4,5,6, 7 сыйныф укучылары һәм педагоглар " Үлемсез полк" йөрешенә кушылды! Быел бу тантаналы йөрештә тагын да күбрәк кеше катнашты. К.Маркс һәм Жуков урамнары киселешендә старт алган йөрешкә 2 сәгать алдан килү гадәткә әверелде, чөнки бихисап халык агымында адашып калмыйча, үз иптәшләрең белән иңгә-иң торып, сыйныфташларың белән фронтташ бабаларың турындагы истәлекләр белән бүлешеп-аралашып баруга ни җитә! "Үлемсез полк" сәгать 3тә кузгалып китте. Портретлар баш өстенә күтәрелеп, күз карашлары түбәнгә төбәлде... Һәр кеше "үз дөньясы"на чумды: бу тынлык гүя яу кырында ятып калган мәрхүмнәрне искә алудагы бер минут тынлыкның дәвамы булды. Тукталыш саен "Ур-ра" кычкырулар гына халыкны бүгенге тыныч тормышка кайтарды, Җиңү көнен бәйрәм итеп, мәрхүмнәргә дан җырлауларын исләренә төшерде.
