Финансларың романслар уйнамасын дисәң, финанс яктан грамоталы булу кирәк. Югары уку йортларында укытыла торган " Финанс грамоталылыгы " курсы нәкъ менә шуңа өйрәтә дә инде. Кредитсыз яшәүне күзалдына китереп булмаган хәзерге заманда әлеге махсус курс бигрәк тә кирәкле булып тоела. 9нчы июнь көнне Казан федераль университетыннан килгән профессорлар укытучыларыбызга 6 сәгать дәвамында финанс яктан грамоталы булу хакында сөйләде. Укытучыларыбыз  банклар, налоглар һ.б. буенча  үзләрен   кызыксындырган   сорауларга  тулы  җаваплар  алды. 

8нче июнь көнне 9нчы сыйныф укучылары җәмгыять белеменнән имтихан тотты. Чираттагы имтихан 19нчы июньдә көтелә.

Мәктәп яны җәйге аланына 80 бала ял итәргә йөри. Иртәләрен алар көндә зарядкадан башлый. Кояшлы июнь иртәсендә гимназия ишегалды  табигате   сафландырган   саф  һаваны   күкрәк тутырып сулау   көнозын   уенга   җитәрлек  көч  бирә! Иртәнге зарядкадан бер күренешне сезнең игътибарыгызга да тәкъдим итәбез.

Бүген 9нчы сыйныф укучылары математикадан имтихан тапшырды.

3 июнь ( шимбә көнне) 9нчы сыйныф укучылары информатика һәм физика фәннәреннән сайлау имтиханнарының чираттагысын тапшырды.  Информатикага  2сәг.30 мин., ә  физикага  3сәг. вакыт   каралганлыгын   истә  тотып,  барлык  укучылар  да  үз  эшләрен    билгеләнгән  вакытка   төгәлләде. 

1нче май көнне 9нчы сыйныф укучылары үзләренең чираттагы имтиханнарын тапшырды. Физика фәнен сайлаган укучылар 3 сәг. буена үзләренең өч ел дәвамында алган белемнәрен сынады.

27нче май көнне "Пирамида" күңел ачу үзәгендә  Республика   күләмендә   зур  уңышларга  ирешкән   укучы  һәм  укытучыларны   бүләкләү  кичәсе  булып  узды.  9 А  сыйныфы  укучысы  Д. Фаекова   РӘХМӘТ ХАТЫ   ҺӘМ  10мең  сумлык  СЕРТИФИКАТ   белән   бүләкләнде.  Шул  исәптән,  Диләнең   укытучысы   һәм   фәнни   җитәкчесе  Э. Р. Хөснетдинова   да   Мәгариф  һәм  фән  министрлыгының  РӘХМӘТ ХАТЫна  һәм  СЕРТИФИКАТына  ия  булды.  Ә без  исә   укучыбызны  һәм  укытучыбызны,  Мәгариф  һәм   фән   министрлыгы тарафыннан җиткерелгән  котлауларга  кушылып,  югары  мәртәбәләргә   ирешүләре   белән  тәбриклибез.

Бүген 9нчы сыйныф укучылары   рус теле фәненнән беренче имтиханнарын тапшырды.  Алда   сынаулар   июнь   ае  дәвамында  көн   аралаш  булыр  дип көтелә

Балаларның җәйге ялларын файдалы һәм мавыктыргыч итеп оештыру - көн кадагындагы мәсьәләләрнең берсе. Гимназиябез яны лагеренда быел барлыгы 80 бала ял итәчәк. Ял итәргә җыенган балаларның исәбен ,нигездә, 1- 4 сыйныф укучылары тәшкил итә.
Иртәнге 8сәг.30мин. тан алып 14сәг.30 мин.ка кадәр укучылар төрле экскурсияләргә йөриләр, ял итәләр, ике тапкыр тукланалар. Гимназия үз эшчәнлеген төрле традицияләренә бәйле юнәлештә алып барганлыктан, лагерьда узачак чаралар күбрәк физик тәрбия , сәламәтлек, экология һәм сәнгать белән бәйле булачак. Моннан тыш, балаларын лагерьдан вакытында ала алмаган ата-аналар өчен озайтылган көн төркемнәрендә педагогларның кизү тору графигы да каралган. Җәйге лагерь сменасы  29нчы  майдан, ягъни  бүгеннән  башлап   21 көн   дәвамында   эшләячәк. 

Бүген гимназиянең  мини-футбол кырында язгы СПАРТАКИАДА уеннары узды. Уенда 6, 7, 8 сыйныф укучылары үзара көч сынашты.  Сыйныф   җитәкчеләре  дә  җанатарлар  сыйфатында   үзләренең   укучылары  өчен   читтән  генә   җан  атты.