20 нче октябрьдән 28 нче октябрьгә кадәр гимназиядә шахмат буенча турнирлар үтә. Ярыш шәхси һәм командалар арасында узачак. Катнашучыларны теркәү, 23 нче октябрьгә кадәр, 29 нчы кабинетта булачак.
Турнир олимпия системасындагы кебек төшеп калу тәртибендә уза. Һәр партиягә 15 минут контроль вакыт бирелә.
Беренче турда катнашырга теләүче барлык укучылар өч категориядә көч сынашалар: зурлар төркеме – 2000-2003 нче елда туганнар, уртанчылар төркеме – 2004-2007 нче елда туганнар һәм кечкенәләр төркеме – 2008-2011 нче елда туганнар. Нәтиҗәләр буенча өч номинациядә мәктәп командасы формалаша.

Бүген 20 нче октябрь көне халыкара пешекчеләр көне билгеләнеп үтелә. Кайда гына эшләсәк тә, кайда гына барсак та, пешекче һөнәреннән башка булмый. Безне тәмле ашлар белән сыйлап, көч, дәрт-дәрман өстәүчеләр алар.
Безнең гимназиябездә дә үз эшенең осталары булган, алтын куллы, тәмле телле пешекчеләр эшли. Аларга авыр һәм күп хезмәт сораучы эшләрендә уңышлар, ныклы сәламәтлек, күңел көрлеге, гаилә бехете, тигез, матур тормыш телибез. Тәмле ризыкларыгыз өчен бик зур рәхмәт сезгә!

 6 ноябрь кѳне – Татарстан Республикасынң конституцисенә 25 ел тулу уңаеннан гимназиядә парламент дәресләре оештырыла. Укучылар Конституциянең статьяларын, Республикабызның дәүләт символларын ѳйрәнәләр. Аларга ярдәмгә китапханәдә махсус күргәзмә ясалган. Анда Татарстанның 25 ел дәверендә үсешенә багышланган тарихи китаплар бар, һәрбер укучы Россия Федерациясе һәм Татарстан конституцияләрен алып таныша, укый, өйрәнә алалар.

Гимназиянең нәни укучылары да өлкән укучылардан калышмыйлар. Беренче ел гына белем алсалар да, гимназия тормышында актив катнашалар. Альбина Фатыйховна җитәкчелегендәге, 1 нче А сыйныфы укучылары көз темасына багышлап бик матур кул эшләре ясаганнар. Һәр укучы үз эшенә иҗади якын килеп, үз күңел дөньясын чагылдырган. Көз бүләкләре - яфраклар, орлыклар, чикләвекләр, күркәләр, ылыслар һ.б ны кулланып, нәни укучылар бик матур, үзенчәлекле эшләр башкарганнар. Афәрин, укучылар! Киләчәктә дә шундый ук актив булырсыз дигән теләктә калабыз.

Укучы егетләребез һәм кызларыбыз барлык спорт ярышларында да бик теләп катнашалар. Нинди генә ярыш узса да, сыйныф данын яклау өчен, бик күп көч куялар.
Шушы көннәрдә гимназиядә футбол турнирлары узды. Әлеге ярышта һәр сыйныф бик теләп катнашты. Кичә футбол буенча финал уеннары булып узды. Беренчелек өчен 8 нче А белән 8 нче В сыйныфлары ярышты. Ә кече уен кырында 5 нче сыйныфлар футбол уенына әзерлек эшләре алып барды. Уен 8 нче В сыйныфы файдасына 2:4 исәбе белән тәмамланды. Җиңүчеләрне котлыйбыз һәм башка ярышларда да актив катнашырга чакырабыз!

Менә каникуллар башланырга да санаулы гына кѳннәр калып бара. Шулай булса да, укучылар уку процессыннан читләшмиләр. Китапханәдә яңа китаплар белән танышалар, электрон дәреслекләр карыйлар, тѳрле проектлар эшлиләр. Вакытлары тыгыз булса да, гимназиянең 100 еллыгына багышланган концертка хәзерләнергә дә вакыт табалар. Без шундый укучыларыбыз булу белән горурланабыз!

Гимназиянең 100 еллыгына багышланган “100 проект” акциясе тәмамланды. Әлеге чарада бик күп укучылар катнашты. Эшләрне түбәндәгечә бәяләп, 9 номинация билгеләдек:
1. “Кечкенә гимназия”.
2. “Иң иҗади эш”.
3. “Иң оригиналь эш”.
4. “Иң масштаблы эш”.
5. “Урман бүләге”.
6. “Иң тәмле бүләк”.
7. “Без бердәм”.
8. “Иң мәгълүмати эш”.
9. “Мәктәбем – белем учагы”.
Акциядә актив катнашкан барлык укучыларга зур рәхмәтебезне белдерәбез. Башка бәйгеләрдә дә актив катнашырлар дигән теләктә калабыз.

Бу атна олимпиадаларга бик бай булды. Укучылар җәмгыять белеме, математика, химия, рус теле һ.б. фәннәрдә үз көчләрен сынадылар. Кызыклы, шактый катлаулы сорауларга җавап биреп, укучылар фәнне тиешенчә яхшы белгәнлекләрен күрсәттеләр. Ә бүген рус әдәбияте буенча олимпиада үтте. Укучыларыбыз яхшы баллар җыеп район, республика күләмендә узачак олимпиадаларда да алдынгы урыннар яуларлар дигән теләктә калабыз. 

Гимназиядә сочиненияләр, шигырьләр бәйгесе дәвам итә. Укучылар гимназиягә, 100 еллык юбилейга, мәктәп тарихына багышлап матур әсәрләр иҗат итәләр. Кемдер мәктәпнең үткәннәре турында язса, кемдер киләчәкне күзаллый. Кайсы темага гына язсаларда, әлеге иҗат җимшләрен бер тема: 1 нче гимназия берләштерә.
Акциядә актив катнашкан укучыларга тирән рәхмәтебезне белдерәбез. Ә калган укучылардан матур иҗат җимешләре көтеп калабыз.

Бүген, 9 нчы октябрь көнне, “100 проект” акциясе буенча стена газеталары күргәзмәсе узды. Әлеге акция күпкырлы чара. Аны берничә өлешкә бүләргә мөмкин. Беренче өлештә, укучылар төрле эшләнмәләр алып килделәр. Алар турында без алдарак язып үткән идек.
Икенче өлештә укучыларның рәсемнәре бәяләнде. Әлеге рәсемнәрдә укучылар гимназияне сурәтләгән иделәр. Кемдер хәзерге гимназияне сурәтләсә, кемдер киләчәк турында уйланган иде.
Өченче өлештә без стена газеталары күргәзмәсе уздырдык. Һәр сыйныф газетаны үзенчә, үзенчәлекле итеп ясаган. Кемдер 100 еллык юбилей белән котлаган, кемдер гимназия тарихын сурәтләгән, кемдер үз сыйныфын гимназиянең бер өлеше итеп яктыртырга тырышкан.
Газеталар төрле номинацияләрдә җиңүче дип табылдылар. Барлык укучыларга әлеге чарада актив катнашканнары өчен, зур рәхмәтебезне белдерәбез.