Укучылар бүген наркотикларга каршы рәсем конкурсында катнаштылар.

Бездә баскетбол буенча гимназия чемпионаты дәвам итә. Бүген 9 “А” һәм 10 “А” сыйныфлары көч сынашты, биредә 10 “А” сыйныфы командасы 28-3 исәбе белән җиңү яулады.

Бүген  1 нче сыйныфларда “Спички – детям не игрушка” дип аталган дәрес үтте. Аның максаты булып укучыларны янгынның сәбәпләре белән таныштыру, ут белән сакчыл эш итү күнекмәләрен тәрбияләү, үзенең һәм якыннарының тормышына җаваплылык хисе тәрбияләү, янгын вакытында үз-үзеңне дөрес тоту күнекмәләрен формалаштыру торды.

Мәктәптә экологик тәрбия – төп юнәлешләрнең берсе. Моның буенча бездә чаралар да күп үткәрелә. Укучыларыбыз бүлмәләрдәге яшеллекне карарга,су сибәргә дә бик яраталар. Ә бүген нәни укучыларыбыз орлыклар утыртып карадылар. Билгеле бер вакыт эчендә укучылар алар артыннан караячаклар, үсүләрен күзәтәчәкләр. Әлеге эш балаларга бик ошады, чөнки бу кызыклы гына түгел, ә экологик танып-белүне дә арттырырга ярдәм итәчәк.

Сан дәресе ул — цифрлы икътисад өлкәсендә бөтенроссия белем бирү проекты. Без әлеге проектта бик теләп катнашабыз. Бүген дә укучыларыбыз “Пилотсыз транспорт” темасы буенча дәрес үттеләр. Пилотсыз технологияләр ничек эшли? Пилотсыз транспорт хәрәкәт иминлегенә йогынты ясый аламы? Аны эшләү белән кем шөгыльләнә? Бу һәм башка сорауларга җавапларны укучылар нәкъ тә бу бүлектә таба алалар. Әлеге кызыклы дәрес һәр баланың да күңеленә хуш килер.

Гимназиядә баскетбол буенча чемпионат дәвам итә. Бүгенге уенның нәтиҗәләре түбәндәгечә:

11 “А” – 9 “А” (38-11)

10 “А” – 9 “Б” (53-8)

Бүген, 5 нче март көнне, гимназиядә бәйрәм рухы хөкем сөрде. Көне буена радиода бәйрәм чыгарылышы эшләде. Һәр тәнәфес саен укучылар, укытучылар тарафыннан котлаулар, теләкләр, җырлар яңгырады.  

Гимназиябездә бүгенге иртә гадәттәгечә иртәнге зарядкадан түгел, ә бәйрәмчә флешмобтан башланды. Һәр сыйныфка җаваплы укучы беркетелде, аларның җитәкчелегендә күңелле музыка, җырлар астында бию элементлары белән берлектә зарядка башкарылды.

Әлифба, Әлифба,

Беренче битеңне

Ачкан көн хәтердә-

Зур бәйрәм шикелле.

Бүген, 5 нче март көнне, 1 “Б” сыйныфы укучыларының “Әлифба бәйрәме” үтте. Укучылар бию-җыр, шигырьләр әзерләгәннәр иде. Чара бик күңелле үтте. Нәни укучыларыбызны без бу олы бәйрәмнәре белән котлыйбыз!

Бүген, 4 нче март көнне, 1 “В” сыйныфы өчен зур бәйрәм үткәрелде. Алар иң беренче мәктәп китапларын – Азбука һәм Әлифбаны тәмамладылар. Биредә укучылар үзләренең бар белгәннәрен күрсәттеләр: биеделәр, җырладылар, кечкенә генә театраль күренешләр тәкъдим иттеләр. Без нәни укучыларыбыз белән горурланабыз һәм уңышлар телибез!