Бездә “Көз бүләкләре” күргәзмәләре әле дә дәвам итә. Бүген инде 3 “В” сыйныфы укучылары үзләренең кул эшләреннән күргәзмәләрен оештырдылар.  Алар аны рәсемнәр белән дә тулыландырды. Әлеге рәсемнәрдә көзге яфракларга күп игътибар бирелгән, нәкъ менә алар рәсемнең төп өлешен алып тора.

Көз көне табигать үзенчә матурая. Бакчадагы тулып бешкән җимешләре, кырдагы мул уңышлы игеннәре белән кешеләрне сөендереп, җиргә алтын көз аяк баса. Нәкъ тә шул мизгелдә безнең гимназиядә көзге кул эшләренә, рәсемнәренә багышланган конкурслар үтә башлый. Бу атнада да “Көзге бүләкләр” дип исемләнгән кул эшләре конкурсы үтә.  Биредә һәр башлангыч сыйныф аерым үз кабинетларында үз эшләреннән кузгәзмә ясый. Мәсәлән, 3 “А” сыйныфы бүген инде кул эшләреннән күргәзмәне әзерләп тә куйган иде. Алар төрле материаллар, көзге яфраклар, җиләк-җимештән эшләнгән иделәр.

Бөек Җиңүнең 75 еллыгы инде күптәннән билгеләп үтелсә дә, әле ел буена бу вакыйгага карата чаралар үткәрелеп тора. Шулай ук безнең китапханәдә дә Бөек Җиңүгә  карата китаплар күргәзмәсе оештырылган.  Ә бүген гимназиябезнең пресс-центр бүлеге бу почмакны рәсемнәре белән бизәде, яңартты. Биредә сугыш чоры вакытында иҗат иткән әдипләрнең әсәрләре, кайбер геройлар турында мәгълүматлар, тарихи вакыйгалар һ.б. урын алган.

Бөек әдип Г.Тукай туган телне ярата белеп яраткан. Г.Тукай телне халыкчан итеп – туган тел,матур тел,әткәм-әнкәмнең теле дип атаган. Сөекле Тукаебызны беркайчан да истән чыгармыйбыз, ул һәрчак күңелләрдә. Нәкъ тә аның иҗатына багышланан “Г.Тукай әсәрләрендә минем яраткан героем”  рәсем конкурсы да үтте гимназиябездә. 1-4 сыйныф укучылары үзләренең яраткан персонажларын сурәтләсәләр,  без әлеге рәсемнәрдән күргәзмә ясадык.

Табигать безнең тормышыбызны кочагына алган. Ул безгә матурлык, җылы һәм кеше белән тыгыз бәйләнештә яшәүче үсемлекләр һәм хайваннар дөньясын яратырга һәм кадерләргә мөмкинлек бирә. Әмма табигать дөньясына һәр унъеллык саен  әйләнә-тирә өчен  җимергеч эшчәнлек төрләре, табигый ресурсларны күпләп куллану бик зур югалту китерә. Бу хәлләрне булдырмас өчен кеше иң беренче үзеннән башларга тиеш. Ә бу кыйммәтләр анда кечкенәдән үк үстерелә. Мәсәлән, гимназиядә экология секторы инде ничә еллар дәвамында эшчәнлегеннән туктамый. Әлеге оешмадагы укучылар бүген дә экология темасына караган чараларда катнаша, гимназия эчендә бу өлкә буенча эш алып бара. 23 сентябрь көнне алар “Табигать һәм кеше” рәсем конкурсы эшләре белән экология почмагын да яңарттылар.

 “Йортыбызны, җиребезне саклау турында уйланырбызмы?” – дигән сора туа. Укучыларыбыз бу сорауга җавапны ачык белә.  Табигать һәм әйләнә-тирә дөнья алдында безнең бурычыбыз бар. Ул-табигать байлыгын саклап калу һәм аларны торгызу.

Татар шигъриятендә Габдулла Тукай – иң якты йолдыз. Ул калдырган иҗат мирасы һәм рухи яктылык – безнең мактанычыбыз һәм горурлыгыбыз. Аның исеме татар мәдәниятенең үткәне, бүгенгесе һәм киләчәге белән мәңгегә бәйле.

Шуңа да гимназиябезнең Г.Тукай исеме йөртүе белән без бик горурланабыз. Бездә әлеге бөек шәхескә, аның иҗатына карата күп кенә чаралар да үтә. Бүген дә барлык сыйныфларда да “Тукай безнең күңелләрдә” дип аталган сыйныф сәгатьләре үткәрелде.  Биредә шагыйрьнең тормыш юлы искә төшерелде, моңа карата презентацияләр, кечкенә генә фильмнар да каралды. 

Чыннан да, Тукай гел безнең күңелдә. Иҗаты, моңы белән татар милләтен күтәргән әдип ул.  Аның шигырьәрен һәркем белә, алар күпме телләргә тәрҗемә ителгәннәр! Без  Тукайның үз милләтенең киләчәге, теле , мәгърифәте, сәяси үсеше өчен җан атып яшәгән татар баласы булуын һәм татар әдәбиятын дөнья киңлекләренә алып чыккан милли шагыйрь икәнлеген һәрдаим истә тотарга тиешбез.

Бүгенге көндә һөнәри юнәлеш бирү мәсьәләләре дистәләрчә ел элек кебек үк мөхим сорау булып  тора. Тормышыбыз да, иминлегебез дә нәкъ менә дөрес сайланган белгечлеккә бәйле. Психологлар ата-аналарга үз фикерләрен көчләп тагарга түгел, ә үз балаларының мәнфәгатьләрен һәм өстенлекләрен исәпкә алып, һөнәр сайлаганда ярдәм итәргә киңәш итә.

Укучыларның үз һөнәрләрен дөрес сайлавында мәктәп тә зур роль уйный. Балаларның өстенлекле сыйфатларын исәпкә алып, билгеле бер  юнәлештә үсешкә ирешергә укытучылар ярдәм итә. Мәсәлән, бүген 9 “Б” сыйныфы укучылары өчен һөнәри юнәлеш буенча сыйныф сәгате үткәрелде. Алар үзләренең нинди тип юнәлештә булуларын, кайсы һөнәрләр туры килгәнен белә алдылар. Без укучыларыбызга  алдагы мөхим сайлауларында ялгышмауларын һәм уңышлар телибез!

Игелек атнасы башкаларга ярдәм итү темасына гына кагылып үтмәде бездә. Экология темасына да басым ясалды кайбер чараларда. Чөнки тирә-юнебезгә сакчыл караш та игелекле эшләрнең берсе булып тора. Мәсәлән, бездә башлангыч сыйныфлар белән “Минемчә, экология ул...” дигән әңгәмә оештырылды. Биредә балалар төрле табышмак-сорауларга җавап таптылар, табигатьне сакларга кирәклеге турында үзләренең фикерләрен дә әйттеләр. Нәни укучыларыбыз тирә-ягыбызга нәрсә яный, ничек экологик кризисны китереп чыгармаска икәнен беләләр.

Нәрсә соң ул игелек? Игелек – ул яхшылык ,изгелек, яхшылыкка җавап итеп кайтарылган яхшылык. Олылар гына түгел, ә кечеләр дә белергә тиеш бу төшенчәне. Без дә үз укучыларыбызның яхшы,якты күңелле булуларын телибез, шуңа да аларга матур сыйфатларны үзләштерергә ярдәм итәбез.

Бүген дә бездә Игелек Атнасы кысаларында 1 нче сыйныфлар өчен “Игелек дәресе” үткәрелде. Укучыларга кызыклы презентацияләр күрсәтелде, нәрсә ул яхшылык, нәрсә ул начарлык икәне аңлатылды. Шулай ук алар үзләре дә күп кенә сорауларга җавап бирә белделәр. Ә инде ахырдан аларга ярдәмгә мохтаҗларга булышырга кирәклеге сөйләнелде.

Бүген гимназиядә МВД хезмәткәре белән берлектә "Тимер юлда балалар куркынычсызлыгы" дип аталган лекция үткәрелде. Аның максаты - укучыларга яңа уку елы башлану белән тимер юл инфраструктурасы объектларында булганда куркынычсызлык кагыйдәләрен искә төшерү. Балалар һәм яшүсмерләр тимер юлда йөрү сәбәпле һәм аларны тиешле булмаган урыннарда якынлашып килүче поезд алдыннан узарга омтылганда җәрәхәтләнә. Шулай ук балигъ булмаганнар тимер юл составына санкцияләнмәгән күтәрелеш вакытында электроток йогынтысыннан да травмалар ала. Нәкъ тә шулар турында укучыларның исләренә төшерелде.