Муниципальное бюджетное общеобразовательное учреждение «Татарская гимназия №1 им.Г.Тукая» Вахитовского района г. Казани
Визитная карточка
| Адрес: | 420108, г. Казань, ул. Мазита Гафури, д. 34а |
| Телефон: | +7(843)-293-38-67;+7(843)-293-38-87;+7(987)-290-70-21 |
| E-Mail: | g1.kzn@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Татарская гимназия №1 им.Г.Тукая" |
| Руководитель: | Шамсеева Гульфия Гаязовна |
| Год основания учреждения: | 1990 |
| У нас учатся: | 531 учащихся, из них 4 иностранных граждан |
| У нас учат: | 37 преподавателя |
Муниципальное бюджетное общеобразовательное учреждение «Татарская гимназия №1 им.Г.Тукая» Вахитовского района г. Казани - новости
Страницы: << 111 112 113 ( 114 ) 115 116 117 118 119 120 >>
-
Милли музейга сәяхәт 11.05.2023

Халкыбызның тарихи чыганакларын, милли йолаларын саклап, буыннан-буынга тапшыруда музейлар зур роль уйныйлар. Гимназиядә халкыбызның тарихын, мәдәниятен өйрәнүгә зур игътибар бирелә. Укучылар өчен еш кына музейларга экскурсияләр оештырыла. 3 нче А һәм 3 нче В сыйныфы укучылары бүген ТР Милли музеенда булып кайттылар. Укучылар музейда халкыбызның үткәнен чагылдыручы күп экспонатлар белән таныштылар. Әлеге сәяхәт һәркемгә дә ошады.
-
"Изгенең күңеле - көзге..." 10.05.2023

“Язгы игелек” атналыгына багышланган чаралар дәвам итә. Бүген 4 нче А сыйныфында “Изгенең күңеле – көзге” дип исемләнгән игелек дәресе үтте. Укучылар изгелек, игелеклелек, шәфкатьлелек төшенчәләре турында сөйләштеләр. “Игелекле була беләсеңме?” дигән тренинг үттеләр.
-
"Дуслык - зур байлык" 10.05.2023

Игелек атналыгы кысаларында, 2 нче В сыйныфында дуслык дәресе үтте. “Дуслык – зур байлык” девизы астында үткән әлеге дәрестә, укучылар дуслык турында мәкальләр укыдылар, дуслыкның кадерен белергә һәм бер-береңә һәрвакыт ярдәм итәргә кирәклеге турында фикер алыштылар. Дәрес бик җанлы һәм нәтиҗәле үтте.
-
"Игелек атналыгы" кысаларында әдәби кичә үтте 06.05.2023

"Игелек атналыгы" кысаларында «Сугышта катнашкан татар язучылары” исемле әдәбият кичәсе үтте. Укучылар язычыларның тормыш юлы һәм иҗаты белән якыннан таныштылар. Аларның әсәрләрен искә төшерделәр.
-
“Язгы игелек атналыгы” старт алды 05.05.2023

Бүген гимназиядә “Язгы игелек атналыгы” башланып китте. Атналык кысаларында, 2 нче б сыйныфында “Игелекле башлангычлар көне” акциясе үтте. Укучылар, игелекле эшләр һәм батырлык, җиңү турында фикер алышканнан соң, Бөек Җиңү көненә багышлап “Георгий лентасы” ясадылар.
-
“Сезнең батырлык безнең йөрәкләрдә...” 05.05.2023

Гимназиядә Бөек Җиңүнең 78 еллыгын каршы алуга багышланган чаралар башланып китте. 1 – 10 сыйныф укучылары рәсемнәр һәм котлау открыткалары ясадылар. Укучыларның кул эшләреннән күргәзмә оештырылды.
-
“Девятаев батырлыгы...” 05.05.2023

Бүген 5 нче В сыйныфы укучылары данлыклы очучы, Советлар Союзы Герое Михаил Девятаевның Казан шәһәре Елга портында урнашкан стелласы янында булып кайттылар. Биредә укучылар М. Девятаевның батырлыгы турында сөйләделәр һәм стелла янына чәчәкләр салдылар.
-
"Мөһим әйберләр турында сөйләшү" 04.05.2023

Бүген гимназиядә “Мөһим әйберләр турында сөйләшү” дәресләр циклының чираттагысы үтте. Гадәттәгедән аермалы буларак, укучылар радио аша чыгыш ясадылар. “Җиңү көне. Үлемсез полк” темасына багышланган сыйныф сәгатендә, укучылар Бөек Ватан сугышы елларында совет солдатларының батырлыклары турында сөйләделәр, Бөек Ватан сугышына багышланган шигырьләр һәм җырлар тыңладылар.
-
Яшь спортчыларыбызны котлыйбыз! 27.04.2023

Бу көннәрдә Казан шәһәренең Вахитов районы балалар һәм яшүсмерләр коллективлары арасында “Кожаный мяч” футбол уены ярышлары үтте. Әлеге ярышларда, 2012-2013 нче ел яшь төркеме арасында, гимназия командасы 2 нче урынны яулады. Уенчыларыбызны җиңүләре белән котлыйбыз! Киләчәктә дә уңышлар теләп калабыз.
-
Котлыйбыз! 26.04.2023

Г. Тукай әдәби музеенда “Ядкярләрдә Тукай рухы” бөтенроссия әдәби бәйгесе үтте. 10 нчы сыйныф укучысы Хөснетдинова Эльзилә “Проза” номинациясендә 3 нче урынны яулады. Укучыбызга иҗади уңышлар теләп, җиңүе белән котлыйбыз.













