Гимназиядә Бөтенроссия иреклелек дәресләре дәвам итә. Чираттагы дәрес 5 нче А сыйныфында узды. Дәрес барышында укучылар волонтерларның кемнәр икәнен һәм аларның эш юнәлешләре белән таныштылар. Дәрес ахырында, һәр укучы, кәгазь битләрендә, үтеп баручы атнада үзенең кылган яхшылыкларын, изге эшләре турында язды. Аннан соң, бергәләп, әлеге эшләре турында фикер алыштылар. Дәрес укучыларга бик ошады.

Бүген Татарстан Республикасы Фәннәр Академиясенең вице-президенты, икътисад фәннәре докторы, профессор Хоменко Вадим Васильевич безнең гимназиядә кунакта булды. Ул гимназия тормышы белән танышты һәм 7 нче сыйныф укучылары күрсәткән “Урок цифры” дәресен карады.

Бүген 8 нче Б сыйныфы укучылары Пушкин картасы буенча “Без кырык беренче ел балалары” спектаклен тамаша кылдылар.

Март аенда бөтен ил буенча Бөтенроссия иреклелек дәресләре уза. Әлеге дәресләрнең максаты – балалар һәм яшүсмерләр арасында иреклелек идеяләрен популярлаштыру, яшьләрне ирекле хәрәкәткә тарту өчен шартлар тудыру. Безнең гимназия дә әлеге дәресләрдән читтә калмады. Дәрес барышында укучылар волонтерлык хәрәкәтенең тарихы һәм волонтерлык эшчәнлегенең төп юнәлешләре турында белделәр.

Инглиз теле ункөнлеге кысаларында, урта сыйныф укучылары өчен киноклуб оештырылды. Укучылар бергәләп “The Lorax” фильмын карадылар. Аннан соң, төркемнәргә бүленеп, фильм калдырган тәэсирләре белән уртаклаштылар һәм фильда күтәрелгән проблемалар турында фикер алыштылар.

Гимназиядә инглиз теле ункөнлеге башланып китте. Ункөнлек кысаларында, 5 нче А сыйныфы укучылары арасында “Enjoy the stations” лингвистик уены узды. Укучылар өч төркемгә бүленделәр: Dogs, Frogs, Pens. Төркемнәрнең бурычы уенның барлык станцияләрен дә уңышлы узу һәм кирәкле сүзне җыюдан гыйбарәт иде. Укучылар бик теләп төрле табышмаклар чиштеләр, инглиз телен белүләрен күрсәттеләр һәм барлык сынауларны да лаеклы уза алдылар.

Бүген Казан шәһәренең 127 нче мәктәбендә “Илһам” бөтенроссия яшь язучылар бәйгесенең зона этабы үтте. Әлеге бәйгедә безнең гимназия укучылары Ибушева Лиана, Әхәтова Айгизә, Фәттахова Камилә, Яруллин Рәмзил катнаштылар.

21 март Бөтендөнья Шигърият көне билгеләп үтелә. Әлеге бәйрәмгә 1999 елда — ЮНЕСКО генераль конференциясенең 30нчы сессиясендә башлангыч бирелә. Анда һәр елны 21 мартта Бөтендөнья Шигърият көнен билгеләп үтү турында карар кылына. Шул уңайдан гимназиядә радиотапшыру оештырылды. Укучылар татар әдәбияты һәм рус әдәбиятының күренекле шагыйрьләрен искә алдылар, аларның шигырьләрен укыдылар.

Бүген 8 нче 9 нчы сыйныф укучылары халык язучысы, күренекле драматург, җәмәгать эшлеклесе Туфан Миңнуллин исемендәге 9 нчы республика конференциясендә катнаштылар. Уңышлы чыгыш ясап, 9 нчы сыйныф укучысы Закирова Ильвина “Журналистика. “Кызыл тышлы дәфтәрдән” номинациясендә лауреат, ә 8 нче сыйныф укучысы Фәттахова Камилә һәм 9 нчы сыйныф укучысы Ибушева Лиана шушы ук номинациядә дипломант исеменә лаек булдылар. Укучыларыбызны котлыйбыз һәм укуларында, иҗади эшләрендә уңышлар теләп калабыз!

Шушы көннәрдә 9 нчы Б сыйныфы укучысы Әхәтова Айгизә Зиннур Хөснияр исемендәге 1 нче ачык шәһәр фәнни-эзләнү конференциясенең “Драматургиядә беренче адымнар” юнәлешендә катнашып, 2 нче урынга лаек булды.