27 гыйнвар – Холокост корбаннарын искә алу көне. Ерткыч сәясәт корбаннары булганнарны һәм бу мәшхәрне туктаткан батыр йөрәкле кешеләрне искә алу көне.
1945 елның 27 гыйнварында совет гаскәрләре Освенцим концлагерен (хәзерге Польша территориясендә) азат итә. Бу көн Халыкара Холокост корбаннарын искә алу көне итеп, 2005 елда Берләшкән Милләтләр Оешмасы Генераль Ассамблеясе резолюциясе белән билгеләнә.
Дөнья тарихында “Холокост” дип, 1941-1945 еллардагы Икенче Бөтендөнья сугышында Өченче рейх тарафыннан төрле милләтләргә карата кылынган геноцид фаҗигасен атыйлар. Холокост – инглизчәдән һәм борынгы грек сүзеннән “ут белән юк итү” дигәнне аңлата. Икенче Бөтендөнья сугышына кадәр үк Германиядә кешенең милләтенә карап эзәрлекләүләр башланудан бигрәк тә яһүдләр зур зыян күрә. Аерым бер милләтләрне юкка чыгару сугыш барышында яулап алынган территорияләрдә дә дәвам итә. Освенцим концлагере ул чордагы меңләгән “үлем лагерьләре”нең берсе була.
Шул уңайдан тәрбия эшләре буенча директор киңәшчесе Заляева Г.А. 10 сыйныф укучыларын әлеге истәлекле көннең тарихы белән таныштырды.

26 нче гыйнвар көнне гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим мәсъәләләр турында сөйләшүләр" узды. Бүген дәрес укучыларда эшкуарлык фикерләвен формалаштыру, бизнес - акча эшләү ысулы гына түгел, хыялны тормышка ашыру, кешеләргә файда китерү мөмкинлеге дә икәнлеге турында төшендерү, уңышлы бизнесның нәрсәдән барлыкка килүе, эшкә нинди алымнар ярдәм итүе турында иде. "Үз бизнесыңны ничек төзергә?" дип аталды.
Шулай ук традицион рәвештә радиоэфир узды. Эфир барышында узган атна яңалыклары, яңа атнада узачак чаралар исемлеге яңгырады.

25 гыйнвар - Студентлар көне билгеләп үтелә.
Шул уңайдан гимназиябез укучылары Бөтенроссия "Студентлыкка бер адым" акциясендә катнаштылар. Тәрбия эшләре буенча директор киңәшчесе Җәләева Г.А. урта һәм югары сыйныф укучылары белән берлектә, нәни укучылар өчен, "Профессионаллар шәһәре" чарасы үткәрде.
Остаз укучылар 1-4 сыйныф укучыларын һөнәрләр дөньясы белән таныштырдылар, белемле һәм һөнәрле булуның әһәмияте турында сөйләделәр.
Нәни укучылар булачак һөнәрләрен рәсемнәрдә сурәтләделәр, уеннар уйнадылар.

22 гыйнвар көнне гимназиябездә "Интернетсыз көн" исемле иҗади күмәк эш уздырылды. Чараны тәрбия эшләре буенча директор киңәшчесе Җәләева Г.А. үткәрде.
Чара барышында укучылар Интернетсыз көн белән бәйле кызыклы мәгълүматлар белән таныштылар. Шулай ук төркемнәргә бүленеп, интернеттан башка файдалы һәм кызыклы көн уздыру планы төзеделәр.

19 нче гыйнвар көнне гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим мәсъәләләр турында сөйләшүләр" узды. Бүген дәрес музей хезмәткәрләре эшчәнлегенең мөһимлеге турында күзаллау формалаштыру, иҗатның социаль һәм рухи әһәмиятен аңлау, укучыларны музей эшчәнлеге белән Третьяков галереясы мисалында таныштыру турында иде. "Музей эше. Третьяков галереясына 170 ел" дип аталды.
Шулай ук традицион рәвештә радиоэфир узды. Эфир барышында узган атна яңалыклары, яңа атнада узачак чаралар исемлеге яңгырады.

19 гыйнвар көнне гимназиябезнең "Чишмә" экологик отряды 2А сыйныфында "Барысын да белергә телим!" дип исемләнгән викторина үткәрде.
Чара барышында нәни укучылар хайваннар һәм үсемлекләр дөньясы турында белемнәрен тикшерделәр, яңа мәгълүматлар белделәр.

16 гыйнвар көнне педагог-психолог Сәләхова Э.Ф. 2А сыйныфында "Игелеклелек. Дуслык" темасына сыйныф сәгате уздырды. Чара Россия халыклары бердәмлеге елына багышланды. Укучылар игелеклелек һәм дуслыкның кеше тормышындагы әһәмияте турында фикер алыштылар.

15 нче гыйнвар көнне 8б сыйныфы укучылары Салих Сәйдәшев музеенда экскурсиядә булдылар. Укучылар композиторның тормыш юлы һәм иҗаты, милли музыка сәнгатенә керткән өлеше, аның белән бәйле экспонатлар турында кызыклы мәгълүматлар тыңладылар. Экскурсия вакытында укучылар Сәйдәшевның шәхси әйберләре, фотографияләре, ноталары, музыкаль инструментлары белән таныштылар.

Бүген, 12 нче гыйнвар көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим мәсъәләләр турында сөйләшүләр" узды. Бүген дәрес Россиядә эшләнгән мультипликацион фильмнарга карата кызыксыну уяту, илебездә эшләнгән мультфильмнарга милли мәдәни мирас итеп карау турында иде һәм "Мультфильмнарны ничек ясыйлар?” дип аталды.
Шулай ук традицион рәвештә радиоэфир узды. Эфир барышында узган атна яңалыклары, яңа атнада узачак чаралар исемлеге яңгырады.

Бүген, 29 нче декабрь көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим мәсъәләләр турында сөйләшүләр" узды. Бүген дәрес Яңа ел традициясе буларак игелекле гамәлләргә мөнәсәбәт формалаштыру, Россия халыкларының Яңа ел традицияләре турында иде һәм "Файдалы эшләр календаре. Яңа ел дәресе” дип аталды.
Шулай ук традицион рәвештә радиоэфир узды. Эфир барышында узган атна яңалыклары, яңа атнада узачак чаралар исемлеге яңгырады.