13 апрель көнне гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим мәсъәләләр турында сөйләшүләр" узды. Дәрес "дулкынлану" төшенчәсе, үз-үзеңне контрольдә тоту техникалары, физик һәм психологик сәламәтлек турында иде һәм "Дулкынлануны ничек җиңәргә?" дип аталды.
Шулай ук традицион рәвештә радиоэфир узды. Эфир барышында узган атна яңалыклары, яңа атнада узачак чаралар исемлеге яңгырады.

13 апрель көнне 7а һәм 7б сыйныфы укучылары арасында бөек татар шагыйре Габдулла Тукай иҗатына багышланган рус телендә шигырь укучылар конкурсы узды.
Укучылар шигырьләрне бик тәэсирләнеп, артистларча сөйләделәр.
Жюри укучыларның текстларны сәнгатьле укуын һәм тирән аңлауларын билгеләп үтте.

11 апрель көнне 6Б сыйныфы укучылары Кәрим Тинчурин исемендәге Татар дәүләт драма һәм комедия театрында "Тукай. Оркестр. Ясалма интеллект" дип аталган тамаша карадылар. Спектакль бөек татар шагыйре Габдулла Тукайның тууына 140 ел тулуга багышланган һәм аның балачагы, язмышы турындагы музыкаль-мультимедиа перфомансы форматында тәкъдим ителгән.
Спектакль заманча технологияләр һәм тере театр яңгырашы кулланып булдырылган.

10 апрель көнне гимназиябезнең Алдынгылар Советы "Гагарин декадасы" кысаларында, кешенең космоска беренче очышының 65 еллыгына һәм Космонавтика көнен бәйрәм итүгә багышланган Бөтенроссия "Галәмгә юл" акциясендә катнаштылар.
5б сыйныфы укучылары 2б сыйныфы белән берлектә «Космик талисман» иҗат мастер-класслары оештырдылар. Укучылар галәмгә алырга мөмкин булган талисманнар ясадылар.

10 апрель көнне 5а сыйныфы укучысы Гайнуллин Әмир "Шигърият бакчасында - В саду поэзии" республика дәрәҗәсендә үткәрелгән шәһәр әдәби-иҗади бәйгесендә катнашты. "Сәнгатьле шигырь уку" номинациясендә 1 урын, шулай ук "Шигырь язам" номинациясендә 1 урынга лаек булды.
Котлыйбыз, уңышлар телибез!

‍10 апрель көнне гимназиябезнең Алдынгылар Советы "Гагарин декадасы" кысаларында, кешенең космоска беренче очышының 65 еллыгына һәм Космонавтика көнен бәйрәм итүгә багышланган Бөтенроссия "Галәмгә юл" акциясендә катнаштылар.
5а, 6а, 7б, 8б сыйныфы укучылары 1а, 2а, 3а , 3в сыйныфлары белән берлектә «Космик талисман» иҗат мастер-класслары оештырдылар. Укучылар галәмгә алырга мөмкин булган талисманнар ясадылар.
1б сыйныфы укучылары технология дәресендә пластилинографика кулланып, матур рәсемнәр ясадылар.
Шулай ук озын тәнәфес вакытында 10а сыйныфы укучысы Ходярёва Даниэлла радиоэфир үткәрде, тыңлаучыларны Космонавтика көненең тарихы һәм кызыклы мәгълүматлар белән таныштырды.

‍10 апрель көнне мәктәп балаларын физик культура һәм спорт белән шөгыльләнүгә җәлеп итү, янгын куркынычсызлыгы өлкәсендә беренчел белемнәрне һәм күнекмәләрне камилләштерү максатларында, гимназиябезнең "Огнеборцы" яшь янгын сүндерү отряды янгын сүндерү-коткару спорты буенча 2 нче күнекмә дәресендә катнашты. Чара Татарстан Республикасы Гадәттән тыш хәлләр министрлыгының янгынга каршы дәүләт хезмәтенең укыту-күнекмә комплексында үткәрелде.

10 апрель көнне укучыларда татар әдәбиятын өйрәнүгә кызыксыну уяту, яшь буынны бөек кешеләр үрнәгендә тәрбияләү, укучыларның Г.Тукай иҗаты турындагы белемнәрен арттыру максатларында 6а сыйныфы укучылары Г.Тукай әдәби музеенда экскурсиядә булдылар.

????6-10 апрель көннәрендә "Бөркетләрнең зур сәяхәте" проекты кысаларында башлагыч сыйныфларда "Күңелле гармун: Саратов өлкәсе фольклоры" исемле иҗади дәрес узды.
Чара барышында укучылар төбәкнең үзенчәлекләре, мәдәнияте, гореф-гадәтләре белән таныштылар, өлкәнең символы - гармун ясадылар.

10 апрель көнне тәрбия эшләре буенча директор киңәшчесе Җәләева Г.А. "Космоквиз" викторинасы уздырды. Чара Космонавтика көненә багышланды.
Викторинада катнашучылар космосны үзләштерү, күренекле космонавтлар һәм фәнни казанышлар хакындагы үз белемнәрен тикшерделәр. Уен укучыларга мавыктыргыч формада космонавтика темасын тирәнрәк өйрәнергә һәм белем дәрәҗәсен киңәйтергә мөмкинлек бирде.