25 апрель көнне Бөтенроссия "Эколята көне" узды. Чара кысаларында табигать сакчылары һәм дуслары - әкият геройлары Эколяталар катнашында иң яхшы әсәр бәйгесе үткәрелде.
Бәйгедә катнашучылар иҗади эшләр башкардылар. Аларда Эколятлар экологик проблемаларны хәл итәргә ярдәм иттеләр.
Бәйге укучыларда экологик культура формалашу, иҗади фикерләүне һәм табигатькә аңлы мөнәсәбәтне үстерүгә ярдәм итә.

25 апрель көнне Бөтенроссия "Эколята көне" кысаларында "Табигать сакчылары - Эколяталар остаханәсе" бәйгесе үткәрелде.
Бәйгедә катнашучылар кошлар өчен җимлекләр һәм сыерчык оялары әзерләделәр.
Чара яшь буында экологик культура һәм табигать турында кайгыртуның гамәли күнекмәләрен формалаштырырга ярдәм итте.

Г.Тукай юбилеена багышланган чаралар сериясен дәвам итәбез. Гимназиябездә бөек шагыйребезнең тормыш юлы һәм иҗатына багышланган стена газеталары бәйгесе дә үткәрелде.
Габдулла Тукайның тууына 140 ел тулу уңаеннан үткәрелгән стена газеталары бәйгесенә килгән эшләр белән сезне дә таныштырабыз.

24 апрель көнне "Метроэлектротранс" муниципаль унитар предприятиесе бөек татар шагыйре Г.Тукайның тууына 140 ел тулуга багышланган чара үткәрде. Әлеге чарада оештырылган күргәзмәдә 1а, 1б, 3б, 5а, 5в, 6б сыйныфы укучылары ясаган рәсемнәр дә урын алды.
Бәйге нәтиҗәләре түбәндәгечә билгеләнде:
1 урын - Бушенев Ярослав (5в),
2 урын - Голованова Мария (5в),
3 урын - Рәхмәтова София (1а).
Күргәзмә нәтиҗәләре буенча катнашучыларга генераль директор Габделхаков А.К. исеменнән грамоталар бирелде, шулай ук истәлекле бүләкләр тапшырылды.

Г.Тукайның тууына 140 ел тулуга багышланган бәйгеләр дәвам итә.
Тукай айлыгы кысаларында гимназиябез укучылары "А.С. Пушкин һәм Г.Тукай йолдызлыгында" республикакүләм иҗади бәйгедә катнаштылар.
Г.Тукай шигырьләрен укучылар номинациясендә 9а сыйныфы укучысы Рахмонбердиева Камилә 1 дәрәҗәдәге дипломга лаек булды. Сәнгати иҗат, графика номинациясендә Прокопишина Инесса (җит. Галиәхмәтова И.Ф.) шулай ук 1 дәрәҗәдәге диплом белән бүләкләнде.

Гимназиябез укучылары Габдулла Тукай исемендәге "Чәчәкләр китерегез Тукайга..." дип исемләнгән регионара шигырь укучылар бәйгесендә катнаштылар.
Бәйге нәтиҗәләре буенча 5а сыйныфы укучылары Сәгъдиева Чулпан һәм Гайнуллин Әмир (җит. Хөснетдинова Э.Р.) 1 урынга лаек булдылар.
Котлыйбыз, иҗади уңышлар телибез!

Гимназиябез укучылары Габдулла Тукай исемендәге "Чәчәкләр китерегез Тукайга..." дип исемләнгән регионара шигырь укучылар бәйгесендә катнаштылар.
Бәйге нәтиҗәләре буенча 5а сыйныфы укучылары Сәгъдиева Чулпан һәм Гайнуллин Әмир (җит. Хөснетдинова Э.Р.) 1 урынга лаек булдылар.
Котлыйбыз, иҗади уңышлар телибез!

Габдулла Тукайга багышланган чаралар белән таныштыруыбызны дәвам итәбез.
Бүген гимназия радиосында Г.Тукайга багышланган радиоэфир узды. Радиотыңлаучылар бөек татар шагыйре Г.Тукайның тормыш юлы һәм иҗаты белән таныштылар, кызыклы мәгълүматлар белделәр.

24 апрель көнне гимназиябез укучылары татар телендә грамоталылыкны тикшерү буенча бөтендөнья «Татарча диктант» акциясенә кушылдылар. Диктантны язуда 9 сыйныф укучылары үз көчләрен сынап карадылар.
«Татарча диктант» – татар телендә хатасыз язарга өйрәтү, әдәби татар телен кулланучылар даирәсен арттыру, орфографик һәм грамматик хаталарны тикшерү мәсьәләләренә игътибарны арттыручы белем бирү акциясе.
Аны Бөтендөнья татар яшьләре форумы, Бөтендөнья татар конгрессы Башкарма комитеты, Казан (Идел буе) Федераль университеты, Филология һәм мәдәниятара багланышлар институты, оештыра.
Акциядә катнашучылар бик тырыштылар һәм татар теле грамматикасы буенча яңа күнекмәләр алдылар.

20-24 апрель көннәрендә «Бөркетләрнең зур сәяхәте» проекты кысаларында башлагыч сыйныфларда «Ульяновск - очкычлар һәм ачышлар шәһәре» исемле иҗади дәрес узды.
Чара барышында укучылар төбәкнең үзенчәлекләре, мәдәнияте, гореф-гадәтләре белән таныштылар, төсле кәгазьләрдән очкычлар ясадылар.