12 март көнне гимназиябезнең 1Б, 3Б, 4Б, 5А сыйныфы укучылары "Йөрәкләрдә, уебызда, телебездә Тукай мәңгелек" шәһәр шигырь укучылар бәйгесенең район этабында уңышлы чыгыш ясадылар. Чара Идел буе районының "Мәктәптән тыш эшләр үзәге"ндә узды.

12 март көнне “Россия - минем офыгым” сыйныфтан тыш эшчәнлек курсы кысаларында “Россия акыллы, Россия эшлекле, Россия кунакчыл” дәресе узды. Укучылар төрле тестлар, биремнәр ярдәмендә илебездә булган хәрби һөнәрләр белән якыннан таныштылар.
Дәреснең максаты: укучыларны төрле һөнәрләр дөньясы белән таныштыру, һөнәр сайлау процессына әзерләү. Соңыннан укучылар бергәләп каралган видеороликлар турында фикер алыштылар, сорауларга җавап бирделәр.

11 март көнне гимназиябезнең ЮИД отряды "Куркынычсыз көпчәк - 2026" бәйгесенең район этабында чыгыш ясадылар. Быел бәйге Госавтоинспекциянең 90 еллыгына багышлап үткәрелә.
Балалар зур уңыш белән түбәндәге турларда сынаулар уздылар: велосипедта йөрү, юл йөрү кагыйдәләре, ОБЖ, медицина һәм иҗат.
Бәйге нәтиҗәләре буенча отрядыбыз түбәндәге нәтиҗәләргә лаек булды:
- лауреат;
- иҗади этапта 3 урын;
- Кыямов Сәмир шәхси зачетта 5 урын.
Укучыларыбызны һәм аларның җитәкчеләрен котлыйбыз, уңышлар телибез!

8 март - Халыкара хатын-кызлар көне билгеләп үтелә.
Шул уңайдан гимназиябезнең актлар залында бик матур бәйрәм концерты узды.
Чараны укытучылар, гимназия хезмәткәрләре, махсус хәрби операциядә катнашучыларның гаилә әгъзалары тамаша кылды.
Бәйрәм концертында әниләргә, укытучыларга багышланган матур җырлар, дәртле биюләр, оригиналь номерлар күрсәтелде.
Гимназия җылылык, шатлык атмосферасы тудырды, аны язгы кәеф белән тулыландырды. Бу чара безнең тормышыбызда хатын-кызларга ихтирам һәм ярдәм итүнең мөһимлеген искә төшерде.

Хөрмәтле укытучылар, укучылар, әниләр, әбиләр, апалар!
Сезне язның тәүге бәйрәме –  Халыкара хатын кызлар көне белән тәбрик итәбез. Хатын-кыз – ул тулы бер дөнья, аның күңеленә мәхәббәт тә, гүзәллек тә, йомшаклык та, иң көчле Ана хисләре дә, гаилә учагы жылысы да сыйган.
Язгы кояш нурына күмелгән әлеге бәйрәмдә мәхәббәт, матурлык, ана назы, ягымлылык, мәрхәмәтлелек, шәфкатьлелек, сабырлык, хатын-кызга ихтирам кебек мәңгелек кыйммәтләр чагылыш таба.
Сезнен тормышыгыз яхшылык һәм яктылык, мәхәббәт, якыннарыгызның күңел җылысы һәм игътибары белән тулып, йөзләрегез елмаюдан яктырып, нурлар чәчеп торса иде!

9 нчы февраль көнне гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим мәсъәләләр турында сөйләшүләр" узды. Бүген дәрес укучыларда
дипломатия турында төп институт буларак күзаллаулар формалаштыру,
халыкара мөнәсәбәтләр һәм дәүләт хезмәте турында иде. "Кем ул дипломат?" дип аталды.
Шулай ук традицион рәвештә радиоэфир узды. Эфир барышында узган атна яңалыклары, яңа атнада узачак чаралар исемлеге яңгырады.

14 февраль көнне 1б сыйныфы укучылары Алимов Хәлим һәм Абдуләхәтов Камил математика фәненнән "Эрудит" олимпиадасында актив катнаштылар.
Нәни укучыларыбызга алга таба да иҗади уңышлар, фәнни ачышлар телибез!

2-6 март көннәрендә шефлык итүче урта һәм югары сыйныф укучылары нәни укучыларга открыткалар ясау буенча мастер-класслар үткәрделәр.
Укучылар әниләренә, әбиләренә, апаларына бик матур котлау открыткалары, бүләкләр ясадылар.
Нәни укучыларга остаз абый-апалары белән бергәләп эшләү бик ошады.

2-6 март көннәрендә "Бөркетләрнең зур сәяхәте" проекты кысаларында башлагыч сыйныфларда "Бизәкле Марый сандыгы" исемле иҗади дәрес узды.
Чара барышында укучылар төбәкнең үзенчәлекләре, мәдәнияте, гореф-гадәтләре белән таныштылар, Марий Эл гербын рәсемгә төшереп, матур флаг ясадылар.

Бүген гимназиябездә Халыкара хатын-кызлар көненә багышланган радиоэфир узды.
Халыкара хатын-кызлар көне Алман коммунисткасы Клара Цеткин исеме белән дә бәйле. Ул хатын-кыз реформатор дип санала. Ул 1910 елда Халыкара хатын-кызлар конференциясендә бөтен дөньяда эшләүче хатын-кызлар бердәмлеге көнен гамәлгә кую тәкъдимен чыгара.
Россиядә хатын-кызлар көнен беренче тапкыр Петербургта 1913 елның 2 мартында билгеләп үтәләр.
Россиядә хатын-кызлар көне рәсми рәвештә 2002 елда РФ Дәүләт бәйрәмнәре исемлегенә кертелде.

Укучылар арасында Халыкара хатын-кызлар көненә багышланган бәйгеләр узды.
Урта һәм югары сыйныфларда “8 март белән, хөрмәтле укытучылар!” плакатлар һәм открыткалар бәйгеләре үткәрелде.
Укучылар берсеннән-берсе матур эшләр тапшырдылар.