9 апрельдә Кече бизнес һәм эшмәкәрлек көллиятендә гимназиянең 9 сыйныф укучылары эшче һөнәрен үзләштерү турында тантаналы шартларда таныклык алдылар. Алар 3 разрядлы пешекче һөнәренә ия булдылар. 2025 елның сентябрь аенда Кече бизнес һәм эшмәкәрлек көллияте, Казан шәһәренең азык-төлек һәм социаль туклану департаменты, Казан шәһәренең Габдулла Тукай исемендәге 1 нче татар гимназиясе арасында өчьяклы килешү төзелде. Килешү нигезендә гимназиянең 8 һәм 9 сыйныф укучылары уку елы дәвамында пешекче һөнәрен үзләштерделәр, 8 сыйныф укучылары укуларын алдагы елда да дәвам итәчәк, ә 9 сыйныф укучыларының барысы да зур уңышка иреште. Укучыларыбыз көнкүреш өчен кирәкле һөнәр үзләштерде, пешекче һөнәренә ихтыяҗ көннән-көн арта. Балаларны зур уңышлары белән котлыйбыз, алдагы тормышларында уңышлар телибез! Кече бизнес һәм эшмәкәрлек көллияте директоры Ольга Владимировна Силантьевага, көллият укытучыларына, Казан шәһәренең азык-төлек һәм социаль туклану департаменты җитәкчеләренә зур рәхмәтебезне белдерәбез.

9 апрель көнне гимназиябезнең Алдынгылар Советы "Гагарин декадасы" кысаларында, кешенең космоска беренче очышының 65 еллыгына һәм Космонавтика көнен бәйрәм итүгә багышланган Бөтенроссия "Галәмгә юл" акциясендә катнаштылар.
6б һәм 7а сыйныфы укучылары 1б һәм 3б сыйныфлары белән берлектә «Космик талисман» иҗат мастер-класслары оештырдылар. Балалар үз космик талисманнарын ясадылар.

️8 апрель көнне педагог-психолог Сәләхова Э.Ф. наркоманияне профилактикалау һәм сәламәт яшәү рәвешен формалаштыру айлыгы кысаларында 5А сыйныфы укучылары белән профилактик әңгәмә үткәрде. Әңгәмәнең максаты - зарарлы гадәтләрнең нәтиҗәләрен аңлап кабул итүне үстерү һәм үз сәламәтлекләре турында кайгыртуга кызыксынуны арттыру иде.

8 апрель көнне Казан шәһәре территориаль идарәсе профилактикалау бүлегенең әйдәп баручы белгече Мозаффарова Зөлфия Вагизовна Дәүләт автоинспекциясе төзелүгә 90 ел тулуга багышланган "Юлларда үз-үзеңне хәвефсез тоту нигезләрен өйрәтү буенча иң яхшы педагог" республика конкурсының район этабына йомгак ясады. Нәтиҗәләр буенча "Юл хәрәкәте иминлеге буенча иң яхшы остаз" номинациясендә тәрбия эшләре буенча директор урынбасары Әхмәдуллина Г.Ш. 1 урынга лаек булды. Шулай ук "ЮИД отрядының иң яхшы җитәкчесе" номинациясендә 1 нче урынга 2б сыйныфы җитәкчесе Сабитова Э.М. лаек булды.
Котлыйбыз, иҗади уңышлар телибез!

️8 апрель көнне Наркоманияне профилактикалау һәм сәламәт яшәү рәвеше формалаштыру айлыгы үткәрү һәм Бөтендөнья сәламәтлек көнен бәйрәм итү кысаларында гимназиядә Беренчеләр хәрәкәте белән берлектә чаралар уздырылды. 5а сыйныф укучылары 1А сыйныф укучылары белән «Сәламәтлекне ныгыт» бөтенроссия акциясе кысаларында «Ишегалды уеннары» интерактив мәйданчыгы үткәрделәр.

Кузгатмакчы булсаң халык күңелләрен...

8 апрель көнне гимназиябезнең 5а сыйныфы укучысы Гайнуллин Әмир Габдулла Тукайның туган көненә багышланган "Кузгатмакчы булсаң халык күңелләрен..." Республикакүләм яшьләр фәнни-иҗади бәйгесенең "Тукай - безнең күңелләрдә" номинациясендә II дәрәҗәдәге дипломга лаек булды. Чара Казан федераль университетының Филология һәм мәдәниятара багланышлар институтының Габдулла Тукай исемендәге милли мәдәният һәм мәгариф мәктәбендә узды.
Котлыйбыз, уңышлар телибез!

Йөрәкләрдә, уебызда, телебездә Г.Тукай мәңгелек

Бүген, 7 нче апрель көнне, гимназиябездә "Йөрәкләрдә, уебызда, телебездә Г.Тукай мәңгелек" шәһәркүләм шигырь укучылар бәйгесенең йомгаклау этабы узды. 
Менә инде дүртенче ел ул Г.Тукай исемендәге 1 татар гимназиясендә уза.
Бу чараның Г.Тукай исемендәге гимназия диварларында үтүе чарага аерым бер төсмер бирде.
Чөнки Г.Тукай исемен мәңгеләштерүгә гимназия дә үз өлешен кертә. Укучылар, бөек шагыйребезгә багышлап, төрле проектлар эшлиләр. Проект кысаларында шагыйрьнең 1891 нче елда Казанга килүе, Печән базарында асрамага бирелүе, Яңа бистәгә килү юлы буенча видеофильм төшерелде. Гимназиянең Туган як тарихы музеенда Г.Тукайның шәхси әйберләре дә саклана. Бәйгедә Казан шәһәренең төрле районнарыннан 35 укучы чыгыш ясады. Катнашучыларны мөхтәрәм жюри әгъзалары бәяләде. Татарстанның атказанган артисты, Татарстанның атказанган сәнгать эшлеклесе, режиссер - Нурания Мөхәммәтхан кызы Җамалиева, Филология фәннәре кандидаты, Габдулла Тукай әдәби музее мөдире - Гүзәл Фәрдин кызы Төхфәтова, актер, театр студиясе җитәкчесе - Раил Фәрхәт улы Мөхетдинов, язучы, шагыйрә, А.Алиш исемендәге премия лауреаты - Равилә Шамилевна Шәйдуллина-Морат.

7 апрель көнне Наркоманияне профилактикалау һәм сәламәт яшәү рәвеше формалаштыру айлыгы үткәрү һәм Бөтендөнья сәламәтлек көнен бәйрәм итү кысаларында гимназиядә Беренчеләр хәрәкәте белән берлектә чаралар уздырылды.
5б, 6в, 8б сыйныфы укучылары шефлык итүче 2б, 2а, 4а сыйныфы укучылары белән берлектә «Сәламәтлекне ныгыт» бөтенроссия акциясе кысаларында "Ишегалды уеннары" интерактив мәйданчыгы үткәрделәр. Укучылар барыбызга да таныш булган "Качышлы", "Әбәк", "Куышлы" һ.б. уеннар уйнадылар.

Мәктәп музееның эш тәҗрибәсе

7 апрель көнне гимназиябезнең югары категорияле туган (татар) теле һәм әдәбияты укытучысы Хөснетдинова Э.Р. "Мәктәп музейларының рухи тәрбиясе: туган якка һәм туган телгә мәхәббәт, тарих һәм мәдәниятне саклау" дип исемләнгән түгәрәк өстәл утырышында катнашты. Чара Татарстан Республикасы Милли музеенда узды. Эльмира Рөстәмовна "Мәктәп музееның эш тәҗрибәсе" темасына чыгыш ясады.

6 нчы апрель көнне гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим мәсъәләләр турында сөйләшүләр" узды. Дәрес Россиянең космик тармагы турында иде һәм "65 ел триумф. Космик тармакка 80 ел. Космонавтика көненә"дип аталды.
Шулай ук традицион рәвештә радиоэфир узды. Эфир барышында узган атна яңалыклары, яңа атнада узачак чаралар исемлеге яңгырады.