29 гыйнвар көнне Россия эчке эшләр органнарының Казан шәһәре буенча “Япеева" 16 нчы номерлы полиция бүлегенең балигъ булмаганнар эшләре буенча бүлекчә инспекторлары Мурадымова В.Ф. һәм Бирюкова Д.Г. 7б, 9а, 11а сыйныфлары белән әңгәмә үткәрделәр. Инспекторлар "Балигъ булмаганнар арасында хокук бозуларны кисәтү" һәм "Балигъ булмаганнар арасында террорчылыкны һәм экстремизмны кисәтү" темаларына чыгыш ясадылар.

‍29 гыйнвар көнне В.Г. Тимирясова исемендәге Казан инновацион университеты укытучысы Казакова Е.А. 11 сыйныф укучылары өчен шәхеснең DISC-типологиясе буенча тренинг үткәрде. Укучылар модель белән таныштылар, үз-үзеңне тотышның төрле үзенчәлекләрен белделәр, мәктәп тормышындагы очрый торган вәзгыятьне ачыкладылар һәм үз типларын билгеләргә тырышып карадылар. Әлеге тренинг укучыларга үзләренең көчле якларын ачыкларга һәм булачак һөнәрне сайлауга аңлы якын килергә ярдәм итте.

29 гыйнвар көнне 8 сыйныф укучылары Пушкин картасы буенча К.Тинчурин исемендәге Татар дәүләт драма һәм комедия театрында "Тукай. Оркестр. Ясалма интеллек" спектаклен карадылар.Спектакль бөек татар шагыйре Габдулла Тукайның тууына 140 ел тулуга багышлана. Музыкаль-мультимедияле тамаша шагыйрьнең кырыс, авыр балачагын һәм тормыш юлын сурәтли.

26-30 гыйнвар көннәрендә "Бөркетләрнең зур сәяхәте" проекты кысаларында башлагыч сыйныфларда "Алтын хохлома - Түбән Новгород өлкәсенең җаны" исемле иҗади дәрес узды.
Чара барышында укучылар төбәкнең үзенчәлекләре, мәдәнияте, гореф-гадәтләре белән таныштылар. Алтын хохлома бизәген кулланып, тылсымлы ашъяулык ясадылар.

28 гыйнвар көнне 5а сыйныфы укучысы Бобров Булат "Йолдызлы билет" шәһәр бәйгесенең район этабында катнашып, 1 урынга лаек булды. Әлеге бәйге гаиләдә китап уку традицияләрен торгызу, укучыларда китап укуга, заманча рус әдәбиятына кызыксынуны арттыру максатыннан үткәрелә.
Булатны чын күңелдән котлыйбыз, иҗади уңышлар телибез!

27 гыйнвар - Ленинград камалышын өзү көне уңаеннан 3а сыйныфында сыйныф сәгате узды.

Чара барышында әлеге истәлекле көннең Бөек Ватан сугышы тарихында зур әһәмияткә ия булуы, Ленинградның тиңдәшсез батырлыгы турында сөйләнде.
Укучылар дошман камалышында калган Ленинград халкының ниләр кичергәнлеге турында тетрәнеп тыңладылар.

27 гыйнвар - Ленинград камалашы өзелү көне уңаеннан 1б сыйныфында "Ленинградның йөрәк тибеше. Без хәтерлибез" исемле сыйныф сәгате узды. Укучылар истәлекле көннең символлары - карлыгач һәм тасма ясадылар, сугыш корбаннарын бер минут тыңлык белән искә алдылар.

23 гыйнвар көнне укучыларны иҗади эшкә җәлеп итү, рухи кыйммәтләр белән таныштыру, татар мәдәниятен, сәнгатен, сәнгать осталары мирасын тирәнтен өйрәнү һәм популярлаштыру, татар телен үстерү максатында 9а һәм 9б сыйныфы укучылары "Тамырлар" проектында катнаштылар. Чара "Тирмә" туристлык объектында узды.
Укучылар махсус тамаша карадылар, чәй һәм чәк-чәк белән сыйландылар.

27 гыйнвар – Ленинград камалышын өзү көне.
Ленинград шәһәре өчен барган сугышлар – Икенче Бөек Ватан сугышы тарихын¬да иң мөһиме һәм Бөек Ватан сугышында иң озакка сузыл¬ганы. Ул батырлык һәм фида¬карьлек үрнәгенә әверелде.
Шул уңайдан шефлык итүче укучылар тәрбия эшләре буенча директор киңәшчесе Җәләева Г.А. белән берлектә Бөтенроссия акциясендә катнаштылар. Чара Ленинград камалышын өзү көненә багышланды.
Чара барышында югары сыйныф укучылары нәни укучыларга әлеге истәлекле көннең тарихы турында мәгълүматлар җиткерделәр. Бу көннең символы булган – карлыгач рәсеме ясадылар.

14 гыйнвардан башлап Идел буе федераль төбәгендә "Бөркетләрнең зур сәяхәте" проекты башланып китте. Проект кысаларында башлангыч сыйныфлар 14 өлкә белән танышачак.
Шул уңайдан 1-4 сыйныфларда "Дымков уенчыгы һәм Нократ халкы: традицияләр аша сәяхәт" иҗади дәресе узды.
Нәни укучылар төбәкнең үзенчәлекләре, гореф-гадәтләре, сәнгате белән таныштылар, дымков уенчыгы ясадылар.