6 март көнне Саба гимназиясендә КФУ укытучылары белән очрашу үткәрелде. Анда 10-11 нче сыйныф укучылары катнашты. Һәр килгән кунак үзенең факультеты турында сөйләде , анда керү шартлары белән таныштырды. Очрашу өлкән сыйныф укучылары өчен  бик файдалы булды.

6 март көнне Мусина Г.Ф. җитәкчелегендә "Дуслык белән көчле без" исеме астында малайлар һәм кызлар арасында ярыш бик күңелле үтте.1-3 сыйныф укучыларына да бәйрәм рухы өстәде бу бәйге.

28 февраль көнне мәктәбебез укучылары Әбрар Кәримуллин исемендәге фәнни- гамәли конференциядә катнашып алдынгы  урыннар яуладылар. "Шушы яктан-  шушы туфрактан без" номинациясендә 8 нче сыйныф укучысы  Гарифуллина Илсинә -1нче урын (укытучысы Нуруллина З.Ф.). "Рус теле" секциясендә 9 нчы сыйныф укучысы Валиева Гөльяз-  3 нче урын ( укытучысы Валиева Г.Р.). "Әдәбиятлы халык- мәдәниятлы халык" номинациясендә 10 нчы сыйныф укучысы Галимҗанова Йолдыз- 3 нче урын (укытучысы Миннеханова М.Ф.). Тарих фәне буенча 8 нче сыйныф укучысы Заһидуллин Искәндәр (укытучысы Фазылова Г.Җ.) дипломга лаек булды. Аларга эшләрендә һәм укуларында уңышлар телибез.

27 февраль көнне драматург Данил Салихов белән очрашу булды. Ул кыскача үзенең тормыш һәм иҗат юлы белән таныштырды. Данил Салихов  үзе белән төрле авторларның һәм үзенең китапларын да алып килгән иде. Әсәреннән өзек укып һәм җырлап , ул үзенең артистлык һөнәрен дә күрсәтте. Укучылар драматургка кызыклы сораулар бирделәр. Очрашу күңелле һәм файдалы булды.

25 февраль көнне мәктәбебездә "Аҗаган- 2012" хәрби - патриотик уены булып узды. Иң башта "Зәңгәрләр" һәм "Яшелләр" командасының әзерлеге- кораллар саны, повязкалар- тикшерелде. Аннан соң һәр команда карта буенча барып, төрле сынауларны үтте. Флагны беренче булып "Зәңгәрләр" командасы эзләп тапты. Ай буе барган ярышлар һәм соңгы уенның нәтиҗәсе буенча "Зәңгәрләр" командасы беренчелекне яулады. Аларны котлыйбыз һәм "Яшелләр" командасына да алга таба җиңүләр телибез.

Бүген "Аҗаган- 2012" бәйгесе кысаларында "Красив в строю, силен в бою" конкурсы булып үтте. 1-11 сыйныф укучылары рапорт бирделәр, стройда йөрделәр, хәрби темага багышланган җырлар җырладылар. Һәр сыйныфның ныклы әзерлеге күренде. "Иң оста командир", "Иң яхшы җырлаучы сыйныф", "Иң яхшы атлап йөрүче сыйныф" билгеләнде һәм грамоталар тапшырылды.

Бүген татар теле һәм әдәбияты укытучысы Зәмфирә Фәнәвиевна ачык тәрбия сәгате үткәрде. Ул "Солдатта булган диләр..." исеме астында узды. Бу чарага ул үзенең укучысын, быел гына армия сафларыннан әйләнеп кайткан Фатыйхов Язнурны чакырган иде. Язнур 8 һәм 11 сыйныф укучыларына үзенең армия тормышы турында сөйләде, кызыклы һәм моңсу вакыйгаларны яңадан бер кат хәтерендә яңартты. Укучылар үзләрен кызыксындырган сорауларга җаваплар алдылар. чарада катнашкан һәркем бик канәгать калды.

22 февраль көнне мәктәбебездә "Ватанны саклаучылар көне"нә карата чара булып үтте. Аны   сыйныф җитәкчеләре Айдар Ханифуллович белән берлектә 10 сыйныф укучылары  әзерләгән иде. Бәйрәм бик күңелле һәм матур булды. Беренче өлештә укучы малайларны,егетләрне, укытучы ир- атларны бәйрәм белән котладылар, икенче өлештә 6-11 сыйныф укучылары ике командага бүленеп аш-суга осталыкта, прическа ясауда, кызларга бүләк ясауда һәм башка кызыклы конкурсларда көч сынаштылар.

17 февраль көнне балалар иҗат үзәгендә "Иң шәп вожатый" конкурсының район этабы булып үтте. Анда безнең мәктәпнең "Ялкын" бию коллективы һәм 5 нче сыйныф укучысы Гыйлемшина Ландыш чыгыш ясады.

15 февраль көнне мәктәбебездә "Ягез әле , егетләр!" бәйгесе булып узды. Ул Әфганстанда хезмәт иткән якташларыбыз хөрмәтенә оештырылды. Беренче өлештә Әфган сугышы турында сөйләнде.Анда катнашкан авылдашларыбыз тагын бер кат хатирәләрен яңарттылар. Икенче өлештә мәктәбебез егетләре  йөгерү, ераклыкка сикерү, аркан тартышу, турникта  тартылу , төз ату, автомат җыю кебек бәйгеләрдә үзара көч сынаштылар. 1 урынга Миннебаев Салават (11 класс) , 2 урынга Фатыйхов Фәннур (11 класс), 3 урынга Мусин Алмаз (10 класс)  лаек булды. Чараны оештырган Альберт Гыйлмулловичка рәхмәтебезне белдерәбез.