Мәктәбебездә тарих һәм җәмгыять белеме атналыгы башланды. Бүген республика күләмендәге бәйгеләрдә урыннар яулаган укучылар үзләренең эшләре белән мәктәп укучыларын һәм укытучыларын таныштырдылар. 3 нче сыйныф укучысы Дәүлиев Әлфис, 8 нче сыйныф укучылары Заһидуллин Искәндәр, Гарифуллина Илсинә, Фазылова Зәринәләрнең эшләрен зур кызыксыну белән тыңладылар. Бу чара башка укучыларны да фәнни эшкә җәлеп итүдә нәтиҗәле булыр дип ышанасы килә.

28 апрель көнне мәгариф хезмәткәрләре арасында волейбол буенча район ярышы үткәрелде. Безнең укытучыларыбыз быел кабат беренчелекне яуладылар. Команда составында уйнаган түбәндәге укытучыларны чын күңелдән тәбрик итәбез һәм алга таба да уңышлар телибез: Биктимиров А.Г., Фазылов Р.М., Шакиров Ш.Х., Гараев И.Г., Хаҗиев А.Х., Михайлова Н.Ә., Закирова Г.Р., Гарифуллина М.М., Вәлиева Г.Р. МОЛОДЦЫ!

27 апрель көнне КФУ да Л.Н.Гумилевның 100 еллыгына багышланган республикакүләм фәнни-гамәли конференция үткәрелде. Анда безнең мәктәпнең 8 нче сыйныф укучысы Фазылова Зәринә катнашып, уңышлы гына чыгыш ясады (укытучысы Фазылов Р.М.)

Кичә Тимершык мәдәният йортында укучылар көче белән "Балачакның гүзәл бер киче" дип аталган концерт куелды. Авылдашларыбыз, әти-әниләр укучыларның чыгышларын алкышларга күмделәр. Талантлы укучыларыбызга, аларны тәрбияләп үстергән әти-әниләргә, укытучыларга зур рәхмәтебезне белдерәбез!

26 апрель көнне Казанда "Вперед- в прошлое" конкурсының "Моё открытие" номинациясендә  катнашкан укучыларны бүләкләү тантанасы булды. Анда безнең мәктәптән 6 нчы сыйныф укучылары Фазылова Зәлидә (җитәкчесе- Михайлова Н.А.), 8 нче сыйныфтан Фазылова Зәринә ( Фазылова Г.Җ.),  Гарифуллина Илсинә (Нуруллина З.Ф.), 10 нчы сыйныфтан Галимзянова Йолдыз (Миннеханова М.Ф.) катнашты. Барлык катнашучыларга да сертификат һәм истәлекле бүләкләр тапшырылды.

27 апрель көнне татар теле атналыгы кысаларында "Яшәү мәгънәсе нәрсәдә?" дип аталган түгәрәк өстәл артында сөйләшү үткәрелде. Монда журналист Гөлсинә Галимуллина, өлкән һәм урта яшьтәге бер төркем укытучылар, 8,9,10,11 нче сыйныф укучылары катнашты. Сөйләшү бик оешкан төстә һәм эчтәлекле үтте,  һәр катнашучы үз фикерен әйтте.Чараны оештырган Зәмфирә Фәнәвиевнага рәхмәт белдерәбез.

Бүген мәктәбебездә традициягә кергән "Туган тел бәйрәме" үткәрелде. Аны Зәмфирә Фәнәвиевна җитәкчелегендәге 8 нче сыйныф әзерләде.  5 сыйныф укучылары Ф.Яруллинның "Бәхет ачкычы" әсәрен сәхнәләштерделәр. Җитәкчеләре- Миннеханова М.Ф.

24 апрель көнне Казанда "Вперед- в прошлое" конкурсында катнашкан укучыларны бүләкләү тантанасы булып үтте. Анда безнең мәктәптән 3 нче сыйныф укучылары Дәүлиев Әлфис (җитәкчесе- Дәүлиева Э.Р.), Фәлванов Фәнзил (Фәлванова А.Ф.), 8 нче сыйныфтан Габдрахимова Гөлшат (Хабибуллина Э.Ә.), Вәлиева Гөльяз (Нуруллина З.Ф.) катнашты. Дәүлиев Әлфис "Әбигә кунакка (кул эше яки һөнәрчелек)" номинациясендә 3 нче урынга лаек булды һәм диплом белән бүләкләнде.Барлык катнашучыларга да сертификат һәм истәлекле бүләкләр тапшырылды. 

25 нче апрель көнне Шыңар мәктәбендә мәгариф хезмәткәрләре арасында үткәрелә торган волейбол ярышының зона этабы үткәрелде. Безнең мәктәп укытучылары 1 нче урын яуладылар. Командада  түбәндәге укытучылар: Биктимиров А., Хазиев А., Гараев И., Фазылов Р.,  Гарифуллина М., Валиева Г., Закирова Г., Михайлова Н. Молодцы! Районда үтәчәк уеннарда да уңышлар теләп калабыз.

11 нче сыйныф укучысы Фатыйхов Фәннүр К(П)ФУ ның Алабуга шәһәрендәге филиалы тарафыннан үткәрелгән икътисад фәне буенча регионара фәнни Универсиадада 3 нче урынны яулады (җитәкчесе Фазылова Г.Җ.) Котлыйбыз!