20 нче апрель көнне безнең мәктәп укучылары Лесхоз бистәсендә концерт куйдылар. "Балачакның гүзәл бер киче" дип аталган программа тамашачылар тарафыннан җылы кабул ителде, һәр чыгыш алкышларга күмелде. Концертта катнашкан укучыларга, укытучыларга, әти-әниләргә рәхмәт белдерәбез.

20 апрель көнне укучыларыбыз  Кукмара шәһәрендә Үтәмышев исемендәге "Моё я в большой в науке" фәнни-гамәли конференциясендә катнашып кайтты. 9 нчы сыйныф укучысы Вәлиева Гөльяз 3 урынны яулады, диплом һәм бронза медаль белән (укытучысы Вәлиева Г.Р.), 8 нче сыйныф укучысы Заһидуллин Искәндәр эзләнү материалының актуальлеге һәм  практик әһәмияте өчен грамота белән бүләкләнде (укытучысы Фазылова Г.Җ.)

14,15,16 нчы апрель көнне Казанда "Сандугач керде күңелгә" XV Бөтентатар фестивале булып узды.Анда безнең мәктәптән Фатыйхов Фәннур катнашып өченче урынга лаек булды. Ул диплом һәм кәрәзле телефон белән бүләкләнде.Фәннурга һәм җитәкчесе Гүзәлия Хәмитовнага алга таба да уңышлар телибез.

Җомга көн - "Кызыклы һәм әһәмиятле фактлар көне".Бу көнне укучылар терек табигать дөньясындагы иң кызыклы мәгълүматлар белән уртаклаштылар.Барлык катнашучыларга һәм оештыручы 9 нчы сыйныф укучыларына , биология укытучысы Энҗе Әнәс кызына эчтәлекле, мавыктыргыч һәм файдалы атналык оештыруы өчен рәхмәтебезне белдерәбез.

12 апрель көнне мәктәптә кул эшләреннән ярминкә булып узды. Һәр сыйныф үзенең кул эшләрен тәкъдим итте.

Пәнҗешәмбе көн "Җәнлекләр  көне" итеп үткәрелде. Укучылар кабат маршрут буенча "Зоошаяру", "Файндворд", "Дөресен сайла", " Кем күбрәк?" тукталышларында төрле биремнәр үтәделәр.

Бүген 8 нче сыйныф укучысы Фазылова Зәринә Кукмара шәһәрендә узган регионара "Прикоснись к науке" фестивалендә катнашып, 1 нче урынны яулап кайтты. Җитәкчесе Гөлнара Җәүдәтовна һәм Зәринәгә алга таба да уңышлар телибез!

Атналык дәвам итә. Чәршәмбе көн "Табигать законнары көне" булды. Укучылар табигатьтә үз- үзеңне тоту кагыйдәләре җыентыгы булдырдылар, ребуслар төзеделәр. Шулай ук бу көнне мәктәп күләмендә үтәчәк интеллектуаль уенга әзерлек башланды, өй эшләре бирелде.

Мәктәбебездә биология атналыгы дәвам итә.План нигезендә сишәмбе көн "Үсемлекләр көне" буларак үтте. 9 нчы сыйныф укучылары Энҗе Әнәсовна җиҗәкчелегендә кызыклы маршрут тәкъдим иттеләр. Ул үз эченә 4 тукталышны алды: "Мине таны", "Дөресен сайла!", "Бакчачы", "Урман табышмаклары". Аларда һәр сыйныф төрле биремнәр үтәделәр.

Мәктәптә биология атналыгы башланып китте.Аның беренче көне кошларга багышланды. 7 нче сыйныф укучылары Энҗе Әнәсовна җитәкчелегендә "Кошларның практик һәм экологик әһәмияте", "Кошлар дөньясы рекордсменнары" дигән темаларга информацион сәгатьләр тәкъдим иттеләр.Башлангыч сыйныфлар арасында "Иң матур кош", "Иң файдалы кош" темаларына рәсем конкурсы, урта һәм югары сыйныфта анаграммалар төзү буенча конкурслар, викторина үткәрелде.