Бөек Җиңү көне якынлаша. Быел илебез бу зур бәйрәмне 67 нче тапкыр билгеләп үтәчәк. Еллар үткән саен Җиңү көненең мәгънәсе, әһәмияте тирәнәя бара кебек. Бүген Айдар Хәнифуллович җитәкчелегендә бер төркем укучылар "Сугыш кайтавазы" дип аталган чыгыш күрсәттеләр.

Бүген тарих һәм җәмгыять белеме укытучысы Фазылова Гөлнара Җәүдәтовна 8 нче сыйныф укучылары белән тарих фәненнән ачык дәрес үткәрде. Дәрестә  XIX  гасырның икенче яртысында татар һәм рус мәдәнияте, архитектурасы, музыка һәм театр сәнгате, халык иҗаты турында бай мәгълүматлар бирелде.

Мәктәбебездә тарих һәм җәмгыять белеме атналыгы башланды. Бүген республика күләмендәге бәйгеләрдә урыннар яулаган укучылар үзләренең эшләре белән мәктәп укучыларын һәм укытучыларын таныштырдылар. 3 нче сыйныф укучысы Дәүлиев Әлфис, 8 нче сыйныф укучылары Заһидуллин Искәндәр, Гарифуллина Илсинә, Фазылова Зәринәләрнең эшләрен зур кызыксыну белән тыңладылар. Бу чара башка укучыларны да фәнни эшкә җәлеп итүдә нәтиҗәле булыр дип ышанасы килә.

28 апрель көнне мәгариф хезмәткәрләре арасында волейбол буенча район ярышы үткәрелде. Безнең укытучыларыбыз быел кабат беренчелекне яуладылар. Команда составында уйнаган түбәндәге укытучыларны чын күңелдән тәбрик итәбез һәм алга таба да уңышлар телибез: Биктимиров А.Г., Фазылов Р.М., Шакиров Ш.Х., Гараев И.Г., Хаҗиев А.Х., Михайлова Н.Ә., Закирова Г.Р., Гарифуллина М.М., Вәлиева Г.Р. МОЛОДЦЫ!

27 апрель көнне КФУ да Л.Н.Гумилевның 100 еллыгына багышланган республикакүләм фәнни-гамәли конференция үткәрелде. Анда безнең мәктәпнең 8 нче сыйныф укучысы Фазылова Зәринә катнашып, уңышлы гына чыгыш ясады (укытучысы Фазылов Р.М.)

Кичә Тимершык мәдәният йортында укучылар көче белән "Балачакның гүзәл бер киче" дип аталган концерт куелды. Авылдашларыбыз, әти-әниләр укучыларның чыгышларын алкышларга күмделәр. Талантлы укучыларыбызга, аларны тәрбияләп үстергән әти-әниләргә, укытучыларга зур рәхмәтебезне белдерәбез!

26 апрель көнне Казанда "Вперед- в прошлое" конкурсының "Моё открытие" номинациясендә  катнашкан укучыларны бүләкләү тантанасы булды. Анда безнең мәктәптән 6 нчы сыйныф укучылары Фазылова Зәлидә (җитәкчесе- Михайлова Н.А.), 8 нче сыйныфтан Фазылова Зәринә ( Фазылова Г.Җ.),  Гарифуллина Илсинә (Нуруллина З.Ф.), 10 нчы сыйныфтан Галимзянова Йолдыз (Миннеханова М.Ф.) катнашты. Барлык катнашучыларга да сертификат һәм истәлекле бүләкләр тапшырылды.

27 апрель көнне татар теле атналыгы кысаларында "Яшәү мәгънәсе нәрсәдә?" дип аталган түгәрәк өстәл артында сөйләшү үткәрелде. Монда журналист Гөлсинә Галимуллина, өлкән һәм урта яшьтәге бер төркем укытучылар, 8,9,10,11 нче сыйныф укучылары катнашты. Сөйләшү бик оешкан төстә һәм эчтәлекле үтте,  һәр катнашучы үз фикерен әйтте.Чараны оештырган Зәмфирә Фәнәвиевнага рәхмәт белдерәбез.

Бүген мәктәбебездә традициягә кергән "Туган тел бәйрәме" үткәрелде. Аны Зәмфирә Фәнәвиевна җитәкчелегендәге 8 нче сыйныф әзерләде.  5 сыйныф укучылары Ф.Яруллинның "Бәхет ачкычы" әсәрен сәхнәләштерделәр. Җитәкчеләре- Миннеханова М.Ф.

24 апрель көнне Казанда "Вперед- в прошлое" конкурсында катнашкан укучыларны бүләкләү тантанасы булып үтте. Анда безнең мәктәптән 3 нче сыйныф укучылары Дәүлиев Әлфис (җитәкчесе- Дәүлиева Э.Р.), Фәлванов Фәнзил (Фәлванова А.Ф.), 8 нче сыйныфтан Габдрахимова Гөлшат (Хабибуллина Э.Ә.), Вәлиева Гөльяз (Нуруллина З.Ф.) катнашты. Дәүлиев Әлфис "Әбигә кунакка (кул эше яки һөнәрчелек)" номинациясендә 3 нче урынга лаек булды һәм диплом белән бүләкләнде.Барлык катнашучыларга да сертификат һәм истәлекле бүләкләр тапшырылды.