Бүген мөгаллимнәрнең һөнәри бәйрәме- укытучылар көне! Шул уңайдан укытучыларыбыз район мәдәният йортында үткәрелгән бәйрәм кичәсендә катнаштылар. Кичә хезмәт алдынгыларын тәбрикләү белән башланып китте. Мәктәбебез директоры Нигматзянов Фәргат Тәлгатович мәгариф идарәсенең грамотасы белән бүләкләнде. Соңыннан Казан шәһәренең К.Тинчурин театры артистлары укытучыларга "Ефәк баулы былбыл кош" исемле спектакль күрсәттеләр.

Чисталык- сәламәтлекнең нигезе! Шуны истә тотып бүген мәктәбебездә чисталык көне үткәрелде. Укучылар үз классларын җыештырып, тәртипкә китерделәр.

Бүген Ш.З.Зиннуров исемендәге Сатыш урта гомуми белем бирү мәктәбендә "Мәрхәмәтлелек атналыгы"на йомгаклар ясалды һәм рәхмәт йөзеннән һәр укытучы, пешекче, җыештыручы, операторларга укучылар тарафыннан рәхмәт сүзләре язылган эмблемалар таратылды.

Бүген мәктәбебез хезмәткәрләре- директор Нигматзянов Ф.Т., тәрбия эшләре буенча директор урынбасары Шакирова А.М., завхоз Рахимова Ә.А. Казан шәһәрендә мәгариф оешмалары ярминкәсендә булып мәктәп бакчасында үстерелгән яшелчәләрне сатуны оештырды. Сату урынын бизәү буенча Саба районы югары дәрәҗәдәге грамотага ия булды.

Бүген Ш.З. Зиннуров исемендәге Сатыш урта гомуми белем бирү мәктәбендә юлда куркынычсызлык атналыгы кысаларында 3 сыйныф класс җитәкчесе Шакирова Ә.Х. ачык тәрбия сәгате күрсәтте. Чарада бар башлангыч сыйныф укучылары, класс җитәкчеләре катнашты.

Бүген бөтен дөнья күләмендә туризм көне билгеләп үтелә. Безнең мәктәбебездә дә әлеге көн Мәрхәмәтле Татарстан акциясе кысаларында билгеләп үтелде. Укучылар авыл урамына чыгып башка авыллардан килеп укучыларны үзләренең туган ягы, матур, тарихи урыннары белән таныштырдылар.

Бүген мәктәбебездә 6 сыйныфлар өчен әти-әниләр җыелышы үткәрелде. Җыелышта укучыларның әти-әниләре, укучылар үзләре, мәктәп дирекциясе катнашты. Укучыларның тәртип мәсьәләләре, чишелеш юллары каралды.

Бүген Ш.З. Зиннуров исемендәге Сатыш урта гомуми белем бирү мәктәбенең башлангыч сыйныф укучылары тыл ветераны, сугыш чоры балалары Садыйкова Нәфисә һәм Гаянова Суфия әбиләрнең хәлләрен белеп кайттылар.

Көзге игелек атнасы кысаларында укучыларыбыз әби-бабайларның өйләренә барып хәлләрен белеп кайттылар.

Бүген мәктәбебездә "Добрый Татарстан- Мәрхәмәтле Татарстан" акциясе старт алды. 

Дога белмим дисең нигә?

Яхшылык- үзе дога.

Бар кеше изгелек кылса,

Яктырыр иде дөнья.

Изгелек ул- беркайчан да

Тузмый торган хәзинә.

Яхшылык эшлик һәрвакыт,

Ул үзе изге дога!