"Балалар китабы" айлыгы  кысаларында китапханәче Гильманова А.Н. 5-8 сыйныф укучылары белән "Китаплар турында сөйләшик" дип исемләнгән чын күңелдән сөйләшү кичәсе үткәрде. Гильманова А.Н. укучыларны матур әдәби китапларның сихри көче турында сөйләде һәм аларны күбрәк китаплар укырга чакырды.

Бүген мәктәбебездә балалар китабы айлыгы нигезендә 2014 елда үзләренең юбилейларын билгеләп үтүче язучыларның, шагыйрьләрнең әсәрләренә ясалган рәсемнәрдән күргәзмә оештырылды.  Күргәзмәдәге рәсемнәрне укучылар бик кызыксынып карадылар.

Технология һәм сәнгать атналыгы планы нигезендә үткәрелгән ярминкәдән җыйналган акчага күчтәнәчләр һәм бүләкләр алып,концерт номерлары әзерләп укучыларыбыз "Тургай" приютында тәрбияләнүче балалар янында булып кайттылар.Бүгенге көндә монда безнең 3 укучыбыз тәрбияләнә.Безнең килүгә, алып килгән бүләк-күчтәнәчләргә, алар аеруча шатландылар.Безнең мәктәпне тәмамлаган,узе дә 7 нче сыйныфка кадәр Казан шәһәрендәге приютта тәрбияләнгән Ягудин Ринатның моңсу  җырлары балаларны гына түгел,тәрбияче апаларны да елатты.Ринатның күчтәнәчләрен аеруча яратты балалар.Укучыларыбызның изге эшләрдән күңелләре бик шат иде.

Балалар китабы атналыгы кысаларында китапханәдә 2014 нче елда юбилейларын билгеләп үтүче язучыларнын, шагыйрьләрнең китапларыннан күргәзмә оештырылды. Китапханәче Гильманова А.Н. укучыларга әлеге юбилярлар турында кыскача белешмә бирде.

18 март көнне Балалар иҗат үзәгендә "Йолдызлык -2014" конкурсы булып узды. Мәктәбебезнең  Хореография түгәрәге җитәкчесе Аухадиева Н.А.  "Бәхетле балачак" бию төркеме белән  Ковбой биюен өйрәнеп уңышлы чыгыш ясап кайттылар. Афәрин, укучылар!!!

Бүген мәктәбебездә хезмәт һәм сәнгать атналыгы кысаларында шәфкатьлелек ярминкәсе үтте. Ярминкәдә укучылар үз куллары белән әзерләнгән ризыклар һәм кул эшләре белән сату иттеләр. Ярминкәдән кергән акчага укучылар тәмле ризыклар, бүләкләр алып Икшермә авылында урнашкан "Тургай" приютына  барырга уйлыйлар.Нәниләр өчен анда хәйрия концерты үткәреләчәк.

Бүген мәктәбебездә хезмәт һәм сәнгать атналыгы башланып китте.План нигезендә технология фәне укытучысы Ногъманова Р.Р.5-11 нче сыйныф укучылары өчен "Һөнәрләр илендә" дип исемләнгән кичә-тамаша үткәрде. Кичә барышында укучылар бүгенге көндә көн кадагында торган һөнәрләр белән таныштылар.Әлеге кичә укучыларга хезмәт һәм профориентация тәрбиясе бирү буенча отышлы булды.

Укучылар ел дәвамында үзләренә беркетелгән хезмәт һәм тыл ветераннарына,ялгыз яшәүчеләргә ярдәм итәләр. Алар әлләни зур эшләр башкармасалар да ,өлкәннәрнең хәл белеп китүеннән күңелләре була.7 нче сыйныф укучылары Мөхәммәт абый һәм Флера апалар янында булып кайттылар.

Тарих фәне атналыгы кысаларында 14 март көнне башлангыч класс укучылары өчен "Туган җирем- Татарстан" дигән темага интеллектуаль уен үткәрелде. Әлеге уен барышында укучылар Казан шәһәренең истәлекле урыннары, татар халкының милли ризыклары, киемнәре белән таныштылар.

Китапханәче Гильманова А.Н.   "Чишмәкәй" балалар берлегенең уку юнәлеше җитәкчеләре белән "Чиста китап операциясе" уздырдылар. Алар укучыларның китап -дәфтәрләренең чисталыгын, тышланышын, сакланышын тикшерделәр. Шунысы куанычлы, укучылар китап -дәфтәрләр сакланышына бик җаваплы карыйлар икән. Булган кимчелекләр көнендә төзәтелде.