Бүген 5-11 классларда  "Ышаныч телефоны ни өчен кирәк?" дигән темага тәрбия минутлары үткәрелде. 

 13-17 май көннәрендә 10 класс егетләре катнашында район күләмендә хәрби-кыр җыены узды. Безнең мәктәбебезнең 10 класс егетләре дә әлеге чарада катнашып белем күнекмәләрен ныгыттылар.

15 май - Гаилә көне уңаеннан Бигәнәй башлангыч мәктәбендә "Безнең гаилә" дип аталган кичә-тамаша булып узды. Тамаша барышында укучылар үзләре эшләгән презентация күрсәтелде, кул эшләреннән күргәзмә оештырылды. Мамалай башлангыч мәктәбендә "Гаилә-җылы учак" дип исемләнгән кичә булып узды.

1-4 класслар өчен тарих фәне укытучысы Марданова Сәрия "Туган якны өйрәнү" музеена сәяхәт ясады. Укучыларны гаилә ядъкәрләре белән таныштырды.

Татар теле фәне укытучысы Мухаметхановнв Г.М. тарафыннан "Минем гаиләм" темасына иншалар конкурсы оештырылды.

11 нче сыйныф укучылары "Соңгы кыңгырау" бәйрәменә әзерлекләрен дәвам итәләр. Хореография түгәрәге җитәкчесе Аухадиева Н.А. белән берлектә  егетләр һәм кызлар вальс биергә  әзерләнәләр. Читтән карап торганда алар очып китәргә әзерләнгән пар аккошларны хәтерләтәләр. Тиздән алар да,  шул аккошлардай,  мәктәбебезне тәмамлап очып китәрләр.Уңышлар сезгә!

Арташ урманында  12 нче май көнне балалар оешмаларының район слеты булып узды. Биредә ел дәвамында үткәрелгән район, республика конкурсларына нәтиҗә ясалды. Конкурсларда катнашкан укучыларга  грамоталар тапшырылды. Милли бәйрәмебебез -Сабантуй мизгелләре дә мәйданда яңгыраш тапты. Мәктәбебезнең "Бәхетле балачак" бию коллективы чыгышы һәркемнең игътибарын яулады. Бәйрәм ахырында Дуслык учагы кабыздылар. Бәйрәм мизгелләре һәркемнең күңелендә матур истәлек булып калыр.

Тиздән мәктәп яны "Кояшкай " ял лагеры эшли башлаячак. ОБЖ фәне укытучысы Ахметов А.Х. лагерьдә эшләүче  уытучыларга пожар куркынычсызлыгы кагыйдәләре буенча укулар үткәрде.