Безнең бакчада зур бәйрәм – бакча  коллективы, балалар, әти-әниләр арасында зур хөрмәткә ия булган Равия Фальвановна һәм Наилә Нагимулловналарның юбилей тантанасы булып узды. Намуслы, тырыш хезмәтләре өчен алар мәгариф бүлеге грамотасы белән бүләкләнделәр.

Юбилеегыз белән чын күңелдән котлыйбыз!  Ходай биргән  гомерегездә хәсрәтсез көннәр, нык  сәламәтлек, куанычлы озын көннәр телибез.   Сез һәрчак  сабыр һәм гадел  булдыгыз, тырышлыгыгыз,  хезмәт сөючәнлегегез белән тормыш авырлыкларын  җиңеп, борчу- хәсрәткә бирелмичә яшәвегез белән үрнәк сез безгә. Бүгенге көнгә кадәр борчу-шатлыкларыбызны үзегезнекедәй күреп, һәрвакыт ярдәм итәсез. Көчле рухлы  һәрвакыт таяныч булырдай,нинди генә хәлләрдә дә өмет кояшын сүндерми яши белдегез. Киләчәктә дә  балаларыгызга  кирәк булып озак еллар яшәгез. Безгә кылган изгелекләрегез   меңе белән кайтсын үзегезгә.

Иң изге теләкләр белән “Кыңгырау” балалар бакчасы коллективы.

Равия Фальмановна һәм Наилә Нагимулловна!

Бу тормышның озын юлларыннан 
Атладыгыз да , һаман атладыгыз; 
Кеше дигән, ана  дигән 
Исемегезне горур сакладыгыз. 

Сезнең куллар таш пулатлар салмый, 
Манаралар өйми күкләргә; 
Ләкин тыйнак, ихлас хезмәтегез, 
Маяк булды юлда күпләргә. 

Хезмәткәрләр күңелендә сезгә, 
Бары хөрмәт, рәхмәт хисләре; 
Гомерегезнең зая узмаганын 
Әйтеп тора матур эшләрегез. 

Рәхмәт Сезгә барысы, барысы өчен 
Яшәү көче, дәрте сүнмәсен. 
Сәламәтлек Сезне ташламасын 
Авырлыклар бер дә килмәсен. 

Җәйге көннең дә төрле көне була. Чалт аяз көндә балалар урамда рәхәтләнеп уйныйлар, ә кисәк кенә болыт килеп чыкса күңелләре төшә дип уйлыйсызмы? Һич тә юк! Чөнки алар рәхәтләнеп татарча мультфильмнар карыйлар. Аларның матур бизәлеше, персонажларның  матур итеп уйнаулары, татар музыкасы һәркемне үзенә җәлеп итә. Сез дә әти- әниләр балалар белән бергәләп аларны карый аласыз. Моның өчен безнең сайттагы "Мультфильмы на татарском языке" га басу гына кирәк. Кичләрегезне күңелле үткәрегез!

"Мин табигатьне ясыйм"- темасына балалар асфальтта рәсем ясадылар. Алар җәйге табигать күренешләрен бик матур итеп тасфирладылар. Кызлар күбрәк чәчәкләр, күбәләкләр, кояшны ясадылар, ә малайлар исә машиналар һәм көймәләр ясадылар. Балаларга рәсем ясау бик ошый, бер- берсенеке белән чагыштырып, уздыра- уздыра ясыйлар алар.

Яшьлек хисен, тынгысызлык дәрте

Вакыт яңгырлары юмасын.

Юллар, юллар, авыр булса булсы

Тик хәвефле генә булмасын!

Безнең һәркайсыбыз көн саен урам яки юл аркылы чыга, күпләребез җәмәгать транспортыннан файдалана, кайберәүләр велосипедта йөри-болар барысы бергә юл хәрәкәтендә катнашучы булып санала .Шуңа күрә дә хәзерге заман кешесенә  балалар сәламәтлеген саклау, аларның иминлеген тәэмин итү максатыннан юл йөрү кагыйдәләрен белү зарури.

Безнең  бурыч  –   балаларны   саклау  һәм  яклау,   киләчәктә   тормышта көтелмәгән  хәлләр  булганда  үз – үзләрен ничек тотарга  өйрәтү булып тора.

Бу  бурычны  тормышка ашыру өчен без җәй көнендә дә “Куркынычсызлык” белем бирү өлкәсе буенча юл йөрү кагыйдәләрен өйрәтүгә багышлап һәр ай саен атналыклар оештырабыз.

Атналыкларда   алган белемнәрен  һәм  күнекмәләрен  ныгыру  өчен  максатлы  прогулкалар , сәяхәтләр оештырабыз.   Балалар бу сәяхәтләр вакытында җәяүлеләр, машиналар, ЮХИДИ хезмәткәрләренең   эшчәнлекләрен  күзәтәләр,  юлдагы  билгеләрнең  нәрсә аңлатканын  аларның   башкалар  тарафыннан  үтәлешен  күзәтәләр. Балалар белән “Адымнар нык, юллар имин булсын” күңел ачу – ярыш да үткәрдек.

Һәр  сабыйның тормыш юлы балалар бакчасыннан башлана.Монда алган тәрбия безне гомеребез буе озатып йөри, тормышыбызның кыйбласын билгели.

Никадәр тырышлык куйсак та, фаҗигалар булып тора, ә һәлакәт корбаны бала булса бу тагы да  авыррак кайгы. Гомергә бәя биреп булмый. Бала гомере бәяләп бетергесез. Хөрмәтле әти- әниләр! Куркынычсызлык каешын эләктереп, балаларны махсус креслоларда утыртып йөрүегезне сорыйбыз!

Безнең барыбызны да балаларның иминлеген саклау максаты берләштерә.Олыларның ваемсызлыгы аркасында сабыйларның вакытсыз үлеме өзелмәсен, күз яшьләре таммасын иде.

Урамда матур йөрергә     

Юлда йөри белмәсәгез      

 Өйрәтәләр апалар             

 Бик начар дия алар.

 Җәяүлеләр йөри бары

 Тротуардан гына.

 Юлны аркылы чыгалар

 Як-якка карап кына.

Машиналар чаба юлдан

 Тукта,ашыгып чыкма .

 Юл йөрү кагыйдәсен

 Беркайчан да онытма.

Хоккей уйнарга

Чыкма ,син юлга.

Туп тибәргә дә

Ярамый анда.

Безнең бакчада балаларга экологик белем һәм тәрбия бирүнең билгеле бер системасы булдырылды. Алар табигатьне саклау кануннарын үзләштерүгә, программа материалын экология мәсьәләләрен истә тотып өйрәнүгә, экологик белем һәм тәрбия бирү мөмкинлекләрен тулы куллануга нигезләнгән.

  Безнең өчен  иң мөһиме –тирә – юнь, туган як һәм тормыш белән бәйләнеш булдыру. Балалар үткәрелгән чараларда әйләнә – тирәне өйрәнәләр, кешенең табигать белән үзара  тыгыз  бәйләнгән булуына ышаналар, тирәлекне, үзебезне чолгап алган гүзәллекне саклау өчен ниләр эшләргә кирәклегенә төшенәләр.

   Бу эшне халык педагогикасы белән бәйләнештә алып барабыз. Табигатьнең гүзәллеген ачарга, саклауда катнашырга өйрәтәбез, туган як табигатенең матурлыгына, аның кешеләренең күркәмлегенә,  йөрәк тойгыларының тирәнлегенә, сафлыгына,  кадерли белә торган шәхес тәрбияләргә омтылабыз.

Бакчабыз биләмәсен матур итеп бизәү- балаларның йөзләренә шатлык нурлары чәчү максатыннан алып барыла.

                                      И күңелле җәй көнендә -

                                     Табигать кочагында.

                                     Менә шуны истә тоту

                                     Кирәктер шул чагында:

                                       Агачларны сындырмагыз.

                                       Кош оясын ватмагыз,

                                       Суларны да пычратмагыз,

                                       Пыяла чүп атмагыз.

                                       Эссе чакта, коры чакта

                                       Урманда ут якмагыз.

                                       Табигать ул безнең әни

                                       Табигатьне саклагыз!

Табигатькә мәхәббәт-ул олы хис. Ул кешегә  дөрес, ачык, ярдәмчел булырга өйрәтә.Кеше табигатьтән башка бер генә көн, сәгатьтә яши алмый; аңа су, hава, азык, яктылык һәрвакыт кирәк. Балаларда табигатькә мәрхәмәтле карашны кечкенәдән үк өйрәтергә кирәк,чөнки аларда табигатьнең матурлыгын тою, саклый, кадерли белү хисләре тәрбияләнә.Кече яшьтәге мәктәп балаларына экологик белем һәм тәрбия бирү уеннар аша алып барылса ул отышлырак була, чөнки ул уенга теләп катнаша, аның нәтиҗәләре белән кызыксына.Уен – ул күңел ачу гына түгел, ә балаларны иҗади эшчәнлеккә тарта, аларда табигатькә карата сак караш тәрбияли. Тәрбияче Ләйсән Равилевна ком терапиясе, су терапиясе үзнчәлекләрен өйрәнде һәм кечкенә балалар белән саф һавада төрле уеннар оештыра.

Бакчаларда йөрим хәйрән калып,

Нинди генә чәчәк юк анда,

Ромашкалар, ландыш, миләүшәләр

Төргән җирне хәтфә юрганга.

Башларыннан сыйпап сөеп алам

Кулым бармый һич тә өзәргә

Өзеп алсам саргаер бит алар

Нур сирпесен алар күзләргә.

Бик тәмле исләр килә

Ромашкадан, лаләдән,

Сукмак читендә торган

Бик күп умарталардан.

Гөлләр ал чәчәк аткан

Гөл төбенә нур яткан.

Умартачы абый

Бал кортларын яраткан.

Балны шифалы диләр

Балны дәвалый диләр

Балның тәмен белегез

Файдасын да күрегез.