Муниципальное бюджетное дошкольное образовательное учреждение «Сабинский детский сад общеразвивающего вида № 4 «Кынгырау» п.г.т. Богатые Сабы Сабинского муниципального района Республики Татарстан»
Визитная карточка
Адрес: | 422060, Республика Татарстан, Сабинский район, пгт. Богатые Сабы, ул. Г.Закирова, д.54 |
Телефон: | +7(843)-622-45-85;+7(917)-893-99-06 |
E-Mail: | dsad4@yandex.ru |
Министерство: | Министерство образования и науки Республики Татарстан |
Короткое название: | МБДОУ Сабинский детский сад №4 "Кынгырау" |
Руководитель: | Файзрахманова Рузалия Фариховна |
Год основания учреждения: | 1990 |
У нас учатся: | 119 |
У нас учат: | 14 |
Муниципальное бюджетное дошкольное образовательное учреждение «Сабинский детский сад общеразвивающего вида № 4 «Кынгырау» п.г.т. Богатые Сабы Сабинского муниципального района Республики Татарстан» - новости
Страницы: << 221 222 223 224 225 226 ( 227 ) 228 229
-
Өйрәнүләр үткәрелде. 30.01.2013
28 январьдан бакчабызда “Куркынычсызлык” атналыгы башланып китте. Атналык дәвамында ГО һәм ЧХ буенча норматив документлар өйрәнүне дәвам ителә, искеләре яңартыла, планнар төзелде, техник әсбаплар әзерләнде, эшчеләргә инструктажлар үткәрелде.
30 январь көнне янгын вакытында, экстремаль очракларда үз- үзеңне тоту кагыйдәләрен ныгыту, янгын сүндерү чаралары белән таныштыру максатыннан бакчабызда өйрәнүләр оештырылды. Инглиз теле бүлмәсендә шартлы “Төтен чыгу” сигналы булуга, барлык балалар 14 минут эчендә күрше бина ишек алдына эвакуацияләнделәр. Өйрәнүләрне тиешенчә, дөрес итеп оештырган өчен барлык эшчеләргә телдән рәхмәт белдерелде.
-
Хәерле юллар! 25.01.2013
21 январьдан- 25 январьга кадәр “Юл йөрү кагыйдәләре” атналыгы үткәрелде. Атналык дәвамында тәрбиячеләр өчен “Юл йөрү кагыйдәләренә өйрәтү планын ФГТ буенча язу тәртибе“ темасына мастер- класс үткәрелде.
ГИБДД вәкилләре белән очрашу үткәрелде. Йомгаклау чарасы итеп зурлар төркеме «Шалкан» әкиятен ЮЙК темасы буенча үзгәртеп, башка төркемнәргә күрсәттеләр. Театр бик кызык булды.
Урамда балалар белән җәяүле юлы буенча сәяхәтләр үткәрелде. «Минем хыялдагы машинам» темасына балалар арасында рәсем конкурсы үткәрелде.
Юлларыгыз һәрчак уң булсын! Хәвеф- хәтәрләргә очрамагыз!
-
Юллар имин булсын! 23.01.2013
Бакчабызда 21-25 январь юл йөрү кагыйдәләрен өйрәтүгә багышлана. Бүгенге көндә бу бик актуаль мәсьәлә булып тора. Балаларны кечкенәдән үк юл йөрү кагыйдәләрен сакларга һәм үтәргә өйрәтү тәрбиячеләрнең һәм әти- әниләрнең бурычы. Бу уңайдан һәр көнне төрле чаралар, шөгыльләр үткәрелә. Бүген, 23 январь көнне ДАИ хезмәткәре Насибуллин Илнур белән очрашу булды. Ул балаларга тротуардан йөрергә, машиналарда саклык каешларын эләктерергә, светофорның дөрес төсенә чыгарга кирәклеген диалог формасында, җанлы әңгәмә итеп уздырды. Ахырдан һәр балага бүләкләр дә өләште.
-
Приоритет юнәлеш буенча эшчәнлек. 20.01.2013
Безнең балалар бакчасының приоритет юнәлеше- балаларга физик тәрбия бирү һәм сәламәтлекләрен ныгыту. Бу уңайдан һәрдаим эш алып барыла. Үткән атна дәвамында бу юнәлеш буенча “Балаларның кышкы күңел ачулары” темасына атналык үткәрелде. Белем бирү эшчәнлеге төрле формаларда, урамда, залда спорт уеннары, милли уеннар белән чиратлашып төзелде. Балалар төрле массаж күнегүләре өйрәнделәр. Атналык “Мин спорт сөюче бала” ярышы белән тәмамланды. Һәр төркем үзара көч сынаштылар һәм күңел ачтылар.
-
“Чисталык дәресләре”. 16.01.2013
16 январьда республика буенча табигатьне саклау, экологик- белем бирү акциясе үткәрелде. Безнең балалар бакчасында да бу акция уңаеннан “Чисталык дәресләре” оештырылды. Беренче кечкенәләр төркемендә “Чыршыларны саклыйк” әңгәмә- рәсем, 2 кечкенәләр төркемендә “Табигатьне чистартыйк”, уртанчыларда “Без- нәни экологлар”, зурларда “Экологик экспериментлар”, мәктәпкә әзерлек төркемендә “Туган ягым чиста булсын” интеграль белем бирү, күңел ачу, рәсем ясау, презентация карау формасында үтте. Соңыннан балалар урамда кошларга җимлек элеп, җимнәр салдылар. Экологик белем бирү ел дәвамында системалы алып барыла, акцияләрдә катнашып, республика һәм Россия күләмендә грамоталар белән бүләкләндек.
-
Котлыйбыз! 16.01.2013
Тагы бер шатлыклы вакыйга, нәкъ менә экологик акция көнендә - өлкән тәрбияче Халитова Флюзия Рафаиловна, музыка җитәкчесе Галимуллина Алсу Ринатовна, рус теле тәрбиячесе Валимухаметова Ләйлә Рафаэловна “Дөнья халкының экологик фолкьлоры” исемендәге дөньякүләм конкурсында катнашып, Сертификат белән бүләкләнделәр. Аларны чын күңелдән котлыйбыз, эшләрендә алга таба да иҗади уңышлар телибез.
-
ЧАҢГЫ ШУАБЫЗ. 14.01.2013
Бигрәк йомшак кыш килде,
Күңелемә хуш килде.
Юраганым юш килде.
******************
Көне буе тышта без.
Кар бабайлар, аюлар
Әвәләргә оста без.
******************
Чаңгыда да шуабыз,
Чанада да шуабыз.-
Шулай чирне куабыз.
-
КЫШКЫ КАНИКУЛЛАР БИК КҮҢЕЛЛЕ ҮТТЕ! 12.01.2013
Бакчабызда һәр ел саен кышкы каникуллар мавыктыргыч, күңелле үтә. Быел да балалар өчен төрле чаралар оештырдык. “Кышкы моңнар” концерты, “Спорт- Сәламәтлек- Универсиада”спорт- күңел ачу ярышы, “Табышмаклар илендә”кичәсе, “Кыш бабай ниләр алып килгән”, “Мин мультфильм яратам”, “Кышкы могҗизалар”презентация күрсәтү-күңел ачулар, саф һавада чаңгы шуу, спорт уеннары, милли уеннар үткәрелде. Балаларга бик күңелле булды.
-
КОТЛЫЙБЫЗ! 02.01.2013
-
“Бәхет, шатлык алып кил син, Яңа ел!” 02.01.2013
Яңа елны һәр бала зур дулкынлану белән көтеп ала. Без дә бәйрәм иртәсен аларның өметләрен акларлык, истә калырлык итеп оештырдык. Кыш бабайны сихерләп, Египетка җибәрергә теләүче бүренең явыз ниятеннән балалар җыр, шигырь, биюләр белән бизәп үзләре янына чакырып алдылар. Кыш бабай исә балаларны сөендереп бик күп күчтәнәчләр алып килде. Балалар һәм килгән кунаклар, әти- әниләр бәйрәм иртәсен бик ошаттылар. Төкле аягың белән яңа ел!