"Исәнме, Алтын көз!" темасына режимда да күп урын бирелә. Зурлар төркеме балалары тәрбиячеләре Алсу Габделхамитовна белән берлектә чәчәкләрне күзәтәләр, аларның исемнәрен өйрәнәләр, орлыкларын җыялар, корыган чәчәкләрне җыеп түгәләр. Икенче елга утырту өчен һәр көн балалар белән берлектә шактый орлыклар җыелды. Аларга бу хезмәт төре бик ошады. 

Тәрбияче Алсу Габделхамитовна зурлар төркемендәге   балаларга  табигать һәрвакыт үзгәрештә булуын,  шуларның иң зурысы − ел фасыллары алмашыну турында мәгълүмат бирде:  бу айларда урманнар бик матур. Нинди генә төсләр юк анда?! Көз билгеләре август ахырында ук сизелә башлый инде. Кайбер чәчәкләрнең җәй уртасындагы матурлыгы югала, алар инде киләсе ел өчен орлык бирә. Агачлар яфракларын коя, җир өстенә сары юрган түшәлә. Җәйге киемнәрен беренчеләрдән булып каеннар сала. Имәннәрдә яфраклар озаграк саклана. Ә менә чияләр кар ныклап ятар алдыннан гына яфрак коеп бетерәләр.

Кырларда комбайннар гөрелтесе ишетелә. Арыш, бодай җирләре бушап кала. Ул кырларны кара каргалар яулап ала. Аларның ерак юлга китәр өчен хәл җыясы, тукланасы бар. Алар шунда коелып калган бөртекләрне рәхәтләнеп чүплиләр, аннары, канатларын ныгытыр өчен, төркем-төркем булып очып алалар.

                            Күңелләргә якты нур өләшеп

                           Шатлык өстәп һәрбер йөрәккә,

          Үз муллыгы белән көзләр килә
         Йомгак ясап җәйге хезмәткә.

   Җиргә төшә сары, ал яфраклар
    Көз җиткәнен алар белдерә.
    Алтын көзең синең, туган ягым,

     Күңелемә якын, бер генә.

Бүген бакчабызда гомуми әти- әниләр җыелышы булып узды. Җыелышны бакча мөдире Мубаракшина А.М. башлап җибәрде. Ул бакча тормышы, алда торган бурычлар белән, бакчага түләү тәртибе, йөреш, белем бирү стандартлары һәм белем бирү турындагы закондагы үзгәрешләр белән таныштырды.  Бу уку елына әти- әниләр комитеты сайланды.

Балалар бакчасында туклану, 10 көнлек меню турында өлкән шәфкать туташы Ильясова Р.К. чыгыш ясады. Ул менюга кергән ризык, ашату 1 балага көнгә, айга күпмегә төшүен, рациондагы ризыкларның төрлелеге һ.б турында тулы мәгълүмат бирде.

Балалар бакчасының белем бирү программасы, еллык эш планы, түгәрәкләр эшчәнлеге, белем бирү эшчәнлеген оештыру таләпләре буенча өлкән тәрбияче Халитова Ф.Р. сөйләде. Ул атна темаларын өйрәтү алымнары белән таныштырды, рус теленә өйрәтүдә әти- әниләр белән бергәләп эшләгәндә генә зур нәтиҗәләргә ирешеп булачагына басым ясады.

Әлбәттә инде җыелышка  тагы да  ямь өстәп балалар чыгышы белән дәвам итте. Алар "Сау бул җәй, исәнме көз!" бәйрәм- күңел ачу программасын тәкъдим иттеләр. 

Җыелышта мөдир Алсу Маратовна "Иң матур участок" конкурсында актив катнашкан әти- әниләрне рәхмәт хатлары белән бүләкләде. Шулай ук әти- әниләр белән яхшы эшләүче педагогларга мактау грамоталары тапшырды.

Хөрмәтле әти- әниләр! Сезне 18 сентябрь көнне уздырылачак гомуми җыелышка чакырабыз.

Тема: Балалар бакчасының  эш юнәлешләре белән таныштыру.

Көн тәртибе:

1. Еллык план, белем бирү программасы белән таныштыру.

2. Бакчадагы санитар  таләпләр белән танышу.

3.Ата-аналар комитетын сайлау.

4.Туклану, ата-аналар взносы турында информация, бакчаның гомуми эшчәнлеге.

4. Гаиләдә сәламәт тормыш алып баруда – әтинең роле.( доклад)

5. “До свидания лето красное, здравствуй осень золотая!”- күңел ачу кичәсе.

 Башлана: 16.00 сәг.

Барыгызның да килүе сорала.

Атна темасын йомгаклау чарасы- "Күңелле стартлар" үткәрелде. Балалар атна буе өйрәнгән сәламәтлекне саклау  кагыйдәләрен  ЮНИга сөйләделәр. Ә аннан соң ЮНИ аларга  күңелле спорт уеннары уйнатты. Бәйрәм бик күңелле үтте.