Муниципальное бюджетное дошкольное образовательное учреждение «Сабинский детский сад общеразвивающего вида № 4 «Кынгырау» п.г.т. Богатые Сабы Сабинского муниципального района Республики Татарстан»
Визитная карточка
Адрес: | 422060, Республика Татарстан, Сабинский район, пгт. Богатые Сабы, ул. Г.Закирова, д.54 |
Телефон: | +7(843)-622-45-85;+7(917)-893-99-06 |
E-Mail: | dsad4@yandex.ru |
Министерство: | Министерство образования и науки Республики Татарстан |
Короткое название: | МБДОУ Сабинский детский сад №4 "Кынгырау" |
Руководитель: | Файзрахманова Рузалия Фариховна |
Год основания учреждения: | 1990 |
У нас учатся: | 119 |
У нас учат: | 14 |
Муниципальное бюджетное дошкольное образовательное учреждение «Сабинский детский сад общеразвивающего вида № 4 «Кынгырау» п.г.т. Богатые Сабы Сабинского муниципального района Республики Татарстан» - новости
Страницы: << 221 222 223 224 ( 225 ) 226 227 228 229
-
“Яз каршылый бөдрә талларын, ташып аккан елга бозларын” 01.03.2013
Яз килде! Менә бүген язның беренче көне. Әле кыш китәргә җыенмаса да, кояш та җылырак карый кебек. Безнең балалар күңелендә дә яз. Чөнки алар атна буе яз, кояш турында сөйләштеләр, ә бүген өйрәнгән шигырь, җыр, биюләрдән яз бәйрәме ясадылар. Сабыйларның күңелләрендә, йөзләрендә шатлык нурлары бөркелде.
Бала чага шат инде -
Өй алдына март килде.
Җепшек карда көне буе
Уйнар өчен шарт килде!
-
Аҗаган. 23.02.2013
Патриотик тәрбия бирү төшенчәсе киң мәгънәне аңлата, ягъни ул бала күңелендә Туган илнең табигатенә, туган йортына, туган авылына яки шәһәренә, халкының тарихына, аның мәдәниятенә мәхәббәт уятудан гыйбарәт. Безнең коллектив бу төшенчәләрне балалар күңеленә төрле эш формалары, уеннар аша сеңдерә. Менә бүген дә балаларның яраткан бәйрәме- “Аҗаган” үткәрелде. “Сарылар” (2 кечкенәләр) һәм “Яшелләр” (уртанчылар төркеме ) беренче булып командирлар рапортны Флюзия Рафаиловнага бирделәр, ә аннан соң “Саперлар”, “Азимут билгеләү”, “Медицина ярдәме” һ.б. ярышларында катнаштылар. Ә иң соңгы этап – флагны эзләп табу булды. Балалар бик җитез, тапкыр булдылар, флагны да эзләп таптылар һәм дуслык җиңде.
-
Аҗаган. 23.02.2013
Зурлар төркеме- “Зәңгәрләр”, ә мәктәпкә әзерлек төркеме- “Кызыллар” командасы булып көч сынаштылар. Бу командаларга “Чаңгы юлы”, “Биеклекне алу”, “Снайперлар” уеннары да өстәлде. Азимутны билгеләп схема буенча флагны бик тиз таба алды бу командалар да. Балалар күңелендә шатлык, дуслык хисләре иде бу минутларда.
-
Әти- әниләр җыелышы. 23.02.2013
22 февраль көнне әти- әниләр өчен чираттан тыш җыелыш үткәрелде.
Өлкән тәрбияче Халитова Флюзия Рафаиловна барлык әти-әниләрне Республика буенча балаларга эшләнгән кискен чаралар белән таныштырды һәм аларны булдырмау чараларын аңлатты.Мәгариф министрлыгыннан килгән хат һәм искәрмә белән таныштырды. Балалар бакчасындагы хезмәткәрләргә һәм әти-әниләргә балаларның сәламәтлеген саклау, аларны хәвеф- хәтәрләрдән саклау өчен бөтен чараларны күрергә һәм үтәргә кирәк дигән карар кабул ителде.
-
Ягез әле, әтиләр! 23.02.2013
22 февраль көнне әтиләр өчен “Ягез әле, әтиләр!” бәйгесе уздырылды. Бәйрәмдә әтиләр командаларга бүленеп көч сынаштылар, балалар бик матур чыгышлар ясадылар. Әтиләр бик актив та, артист та, җитез дә булдылар. Аларга балалар үзләре ясаган бүләкне, ә ярышта катнашучыларга бакча администрациясе исәлекле бүләкләр тапшырды. Бәйрәм һәркемнең күңеленә хуш килде. Бәйрәм белән сезне әтиләр!!!
-
"Ел тәрбиячесе- 2013" 22.02.2013
21 февраль көнне район мәдәният сәхнәсендә "Ел тәрбиячесе-2013" бәйгесенең финалы булып узды. Безнең балалар бакчасының рус теле тәрбиячесе Валимухаметова Ләйлә Рафаэловна бәйгедә үзенең эш тәҗрибәсен бик матур сценарий аша тамашачыларга җиткерде. Аңа бакча коллективы да матур чыгыш ясауда булышлык итте. Ләйлә Рафаэловнаның тыйнак, белемле, тәҗрибәле, тапкыр, чын тәрбияче булуы сәхнәдә чыгыш ясаганда да ачык чагылды. Шушы сыйфатлары өчен аны балалар, коллектив һәм әти- әниләр яраталар, ихтирам итәләр. Конкурска жюри нәтиҗә чыгарып, район башлыгы Рәис Нургалиевич тәрбиячеләргә Грамота һәм истәлекле бүләкләр тапшырды. Валимухаметова Ләйлә Рафаэловна "Үз эшенең остасы" номинациясендә җиңү яулады. Аны чын күнелдән шушы жиңуе белән котлыйбыз һәм алга таба да зур уңышлар телибез!
-
КОТЛЫЙБЫЗ! 21.02.2013
Бер бәйрәм бар февральдә
Кадерле ул һәркемгә.
Аны иң зур бәйрәм дип,
Мөмкин хаттә әйтергә.
Ул – тынычлык бәйрәме.
Аны һәр кеше белә.
Ватанны саклаучылар
Бәйрәме дип йөртелә.
Ул-солдатлар бәйрәме.
Без котлыйбыз аларны –
әтиләрне, абыйларны,
һәм бөтен солдатларны.
Хөрмәтле әтиләр! Сезне барыгызны да бәйрәм белән котлыйбыз. Һәрвакыт шат, сәламәт, бәхетле булыгыз!
Сезне 22 февраль көне, 15 сәг.30 мин. “Ягез әле, әтиләр!” бәйрәменә чакырабыз.
-
Спорт инвентарьлары кайтты. 20.02.2013
Шушы көннәрдә бакчабызга төрле спорт җихазлары кайтты. Балалар йомшак модульләр, тоннельләрне бик ошаттылар.
-
19.02.2013
Котлыйбыз!
Тәрбиячеләребез Шакурова Рузилә Мидехатовна һәм Солтанова Мәдинә Равилевна “Яңа юнәлешләр” инновацион белем бирү үзәге оештырган “Мультимидейный урок- новые возможности” II регионара конкурсында катнашып, “Точные дициплины” номинациясе буенча Сертификат белән бүләкләнделәр. Аларны уңышлары белән котлыйбыз, алга таба да иҗади уңышлар телибез!
-
Муса Җәлил- халык улы. 16.02.2013
Муса Җәлил! Бу исем хәзер һәр татар кешесенә, һәр милләт баласына яхшы таныш. Бу исем халык йөрәгендә Ватанга тугрылык, батырлык, каһарманлык үрнәгенә әверелгән. Шуңа күрә дә аның тормышындагы һәр вакыйга, һәр сәхифә безнең өчен аеруча кадерле, аеруча изге.
Без һәр ел саен бөек шагыйрьне зурлап искә алабыз. Муса Җәлилгә багышланган атна дәвамында балалар яратып шигырьләрен, җырларын өйрәнделәр. Аның иҗаты белән таныштылар. Ә йомгаклау чарасы итеп, Муса Җәлилгә багышланган иҗат кичәсе үткәрелде.
Бөек шагыйребез Муса Җәлил исеме буыннан буынга килә. Ул безнең күгебездә сүнмәс йолдыз булып балкый.
Каның белән язган шигырьләрең
Тетрәп укый сине бөтен җир,
Буыннардан – буыннарга килер
Мәңге үлмәс, Муса, синең җыр!