Бүгенге көнебез линейкадан башланды.Иртәнге аштан соң балалар мәктәп территориясен җыештырдылар , генуборка ясадылар .Икенче аштан соң Сафина С.З. балалар белән  " Авылым чишмәләре " темасына  сәяхәт - дәрес үткәрде.Авылыбыз чишмәләренең барлыкка килү тарихы ,исемнәре, кызыклы эзләнүләр турында  сөйләде .Сәяхәтебезнең дәвамы киләсе көндә Зөлхиҗҗә чишмәсенә бару белән дәвам итәчәк.

"Дуслык" лагеренда 12нче көн "Биюләр плантесы көне" дип исемләнде. Иртәнге аштан соң өстәмә белем бирү педагогы Шафикова Г.Р.  "Минем биисем килә!" дигән  мастер-класс уздырды. Балалар өйрәнгән биюләрен искә төшерделәр, бию күнекмәләрен камилләштерделәр. "Могҗизалар илендә" уенында да һәркем теләп катнашты. Яңгыр явып торуга карамастан, бүгенге көн дә бик файдалы һәм күңелле узды.

Иртәнге линейкада узган көнгә нәтиҗә ясалды , көндәлек план белән таныштырылды. Иртәнге аштан соң бакчада эшләдек.Ибушева Ф.Н. " Наркотики - путь в никуда "( ролевая игра ) темасына чара үткәрде. Балалар актив катнаштылар. Көндезге аштан соң " Туган як атамалары " исемле кызыклы иҗади чараны Каримова Л.Р. үткәрде. Туган як темасын балалар үзләре эшләгән презентацияләрдә чагылдырдылар.Тагын 1 көнебез мавыктыргыч булып артта калды.

"Дуслык" лагеренда "Спорт көне" исеме белән узган  11нче көнебез төрле спорт ярышлары белән истә калды. "Кече олимпиада", "Көчлеләр, кыюлар, җитезләр" уеннарында һәркем үзен тизлектә -җитезлектә сынап карады. Көндезге аштан соң "Наркотикларсыз тормыш" акциясе кысаларында "Мин тормышны сайлыйм" плакатлар бәйгесе узды.

Көнебез һәрвакыттагыча иртәнге линейка белән башланды, эш бүленде .Бакчада күп эш башкарылды :су сибелде, түтәлләр күтәртелде, чүп уталды. Аштан соң " Сәламәтлек юлдаш булсын " исеме астында саф һавада ирекле уеннар уйналды, балалар рәхәтләнеп ял иттеләр. Көндезге аштан соң вожатыйлар " Дөрес туклану- сәламәтлек билгесе "  темасына чара уздырдылар. Сәламәтлек, шәхси- гигиена кагыйдәләре турында сөйләшенде. " Сәламәт тәндә- сәламәт акыл " темасына укучылар фикере тыңланды. Күңелле һәм мавыктыргыч  кән тәмәмланды, матур хәтирәләр истәлек булып язылды.

"Дуслык" ял һәм сәламәтләндерү лагеренда бүгенге көнебез 12 июнь-Россия көне уңаеннан "Россия көне" дип исемләнде. Гадәттәгечә иртәнге линейкада Россия флагын күтәрү белән башланган көнебез "Россия дәүләте" дигән  әңгәмә белән дәвам итте. Укучылар дәүләт символларын, җитәкчеләрен, тарихын искә төшерделәр. Көндезге аштан соң Россия тарихына багышланган  "Нәрсә? Кайда? Кайчан? "  дигән интеллектуаль уен уздырылды.Уен барышында иң күп җавап бирүче команда дип "Микки Маус" командасы танылды. Россия Гимнын бергәләп башкару  белән бүгенге көнебез тәмамланды.

Иртәнге линейкада эш бүленеше барланды. Балалар тырышып бакчада эшләделәр. Иртәнге аштан соң   " Туган илем -горурлыгым " темасына Россия көне уңаеннан чара үткәрелде. Шакирова Л.Г. кызлар белән  " Кулларымнан гөлләр тама "темасына иҗади эш башкарды. Көнебез күңелле ял һәм хезмәт белән узды.

"Дуслык" лагере үз эшчәнлеген дәвам итә. Бүген бездә  Олы Арташ төп мәктәбенең "Кояшкай" лагере кунакта булды.  Күршеләребезне "Рәхим итегез!"  дип исемләнгән концерт программасы белән сәламләгәннән соң, укучылар мәктәп белән таныштылар. Авылыбыз күрке булган  Фәнил мәчетендә, Зөлхиҗҗә чишмәләрендә булу, яңа танышлар белән төрле күңелле уеннар уйнау  бүгенге көнебезне тагын да ямьләндерде. Олы Арташ төп мәктәбе укучылары белән салынган  дуслык күперебез ныклы булсын, элемтәләр өзелмәсен, дигән теләктә калабыз.

Хезмәт һәм ял лагере үз эшен дәвам итә.Бүген без иртәнге аштан соң Икшермә авылында урнашкан КФХ  " Мухаметшин " заманча җиһазландырылган сөтчелек фермасында булдык. Эшче - робот белән таныштык, суыту цехын карадык .Тырыш хезмәт кенә уңышлы була икәненә тагын бер кат инандык. Кайтышлый Имән чишмәсенә тукталдык, тирә -ягын чистарттык ,саф суын эчеп тәнебезгә сихәт алдык .Көндезге аштан соң бакчада эшләдек . Сканвордлар бәйгесендә дә көч сынаштык. Кабат очрашулар көтеп өйләргә таралыштык .

Иртәнге линейкада куркынычсызлык кагыйдәләрен искә төшердек, инструктаж үткәрелде. Иртәнге аштан соң юлыбыз Лесхозга юнәлде.Без Селекция симәнә үзәгендә орлык үстерүнең  заманча технологияләре белән таныштык , питомникта булдык. Аннан соң сәяхәтебез " Урман " музеенда дәвам итте. Урманчылык тарихы, истәлекле экспонатлар белән таныштык. Юлыбыз " Нарат " боз сараена  да алып барды, рәхәтләнеп бозда шудык, күңелле ял иттек. Көнебез мавыктыргыч һәм файдалы узды.