Муниципальное бюджетное общеобразовательное учреждение «Большекибячинская средняя общеобразовательная школа Сабинского муниципального района Республики Татарстан" /Муниципаль бюджет гомумбелем учреждениесе «Татарстан Республикасы Саба муниципаль районы Олы Кибәче урта гомумбелем бирү мәктәбе»
Визитная карточка
Адрес: | 422065, Республика Татарстан, Сабинский район, с.Большие Кибячи, ул.Ф.Энгельса, д.75 |
Телефон: | +7(843)-624-26-67 |
E-Mail: | kibichisaba@yandex.ru |
Министерство: | Министерство образования и науки Республики Татарстан |
Короткое название: | МБОУ "Большекибячинская СОШ" |
Руководитель: | Шаймиев Ильнар Ильшатович |
Год основания учреждения: | 1992 |
У нас учатся: | 79 учащихся |
У нас учат: | 21 учитель |
Муниципальное бюджетное общеобразовательное учреждение «Большекибячинская средняя общеобразовательная школа Сабинского муниципального района Республики Татарстан" /Муниципаль бюджет гомумбелем учреждениесе «Татарстан Республикасы Саба муниципаль районы Олы Кибәче урта гомумбелем бирү мәктәбе» - новости
Страницы: << 191 192 ( 193 ) 194 195 196 197 198 199 200 >>
-
Туган тел көне 21.02.2014
Бүген мәктәбебездә Туган тел көне уңаеннан чаралар үткәрелде. Башлангыч класс укучылары арасында "И туган тел, и матур тел!" дип исемләнгән шигырь бәйрәме, 5-8 классларда "Газизләрдән газиз телебез" темасына КВН узды. Әлеге чараларда туган телебезгә мәхәббәт кенә тәрбияләнеп калмады, укучыларның татар телен ни дәрәҗәдә белүләре ачыкланды, үз ана телебезне тирәнтен өйрәнергә кирәклеге искәртелде.
-
Ил яклар ир булып үсегез 21.02.2014
21 февральдә 5,8,10 класс укучылары белән "Ил яклар ир булып үсегез!" темасына узган класс сәгатендә хәрби-интернационалист Бикмиев Фәһим Тимергалиевич катнашты. Ул укучыларны спорт белән шөгыльләнергә, үзләрендә максатчанлык, кушылган эшеңне җиренә җиткереп үти белү, кешеләрне хөрмәтләү кебек сыйфатлар тәрбияләргә чакырды. Әңгәмә барышында укучыларның кызыксынган сорауларына җавап бирде. Класс сәгатен класс җитәкчесе Гафиятова Ә.Ф. уздырды.
-
Әфган кызалаклары 21.02.2014
21 февральдә 6 класста Совет солдатларын Әфганстан җиреннән чыгаруга 25 ел булу уңаеннан "Әфган кызалаклары" темасына класс сәгате уздырылды. "Зар елады ана" җырын бергәләп башкару белән башланып киткән әңгәмә барышында укучыларга бу сугышның никадәр аналар йөрәгенә тирән яра салганы, күпме егетләрнең чит ил туфрагында ятып калганлыгы турында тагын бер кат искә төшерелде. Хәрби-интернационалист Каримов Рафил үзенең армия хезмәте , 25 ел узса да, андагы хезмәттәшләре белән хәзер дә аралашып торуы турында сөйләде, укучыларны тырышып укырга, матур-тыныч көннәрнең кадерен белергә чакырды. Әңгәмәне класс җитәкчесе Әнисә Габделгазизовна алып барды.
-
Казан химиклар мәктәбе 20.02.2014
20 февральдә 10 класс укучылары белән "Казан химиклар мәктәбе" дигән темага телдән журнал үткәрелде. 19 гасыр урталарында Казанда туган фәнни мәктәп, аның бөтен дөньяга танылган галимнәре турында мәгълүматны укучылар бик кызыксынып тыңладылар. Дәресне химия-биология укытучысы Ибушева Ф.Н. уздырды.
-
Патриотик җырлар бәйгесе 19.02.2014
Бүген мәктәбебездә патриотик җырлар бәйгесе узды. Патриотик рухтагы җырларны искә төшерү, башкару осталыгын камилләштерү, бердәмлек, туган илгә мәхәббәт тәрбияләү максаты белән үткәрелгән әлеге чарада барлык класслар да катнашты. "Катюша", "Орленок", "Три танкиста", "Солдатлар","Солдатушки-браво-ребятушки", "Шли солдаты на войну", "День Победы", "Священная война" җырлары яңгырады. Бәйге барышында башкару осталыгы, музыкаль бизәлеш, укучыларның сәхнәдә үз-үзләрен тотулары, киемнәр бәяләнде. Нәтиҗәдә башлангыч класслар арасында 1 урында-4 класс, 5-8 класслар арасында 1 урында 6 класс, 9-11 класслар арасында җиңүче дип 9 класс танылды. Бөек Ватан сугышы елларында солдатларны Җиңүгә рухландырган бу җырлар беркайчан да онытылмасын иде.
-
Атналык линейка 17.02.2014
17 февраль көнне узган атналык линейкада алдагы атнага йомгак ясалды, җиңүче оешмага вымпел тапшырылды. "Дулкыннар" конкурсында 3 урын алган Шакирова Гөлназга, Хөсәенов Рәсимгә Грамоталар, актив катнашкан өчен Галиахметова Зәринәгә Рәхмәт хаты тапшырылды. Татар әдәбияты буенча олимпиаданың республика турында призер булган Сабирова Гөлназ, бик аздан гына призерлар исемлегеннән калган (0,5 балл) Юзеева Сиринә Грамоталар белән бүләкләнде. Зур тырышлык куйган бу 2 укучыга, аларны әзерләгән укытучы Әнисә Фәнилевнага рәхмәт белдерелде.
-
Флорбол буенча ярышлар 16.02.2014
15,16 февраль көннәрендә флорбол буенча ярышлар узды. Нәтиҗәдә 11 класс командасы-1 урын, 9 класс-2 урын, 10 класс-3 урын яулады.
-
Хәрби-интернационалистлар белән очрашу 14.02.2014
Мәктәбебездә патриотик тәрбия бирү айлыгы дәвам итә. Бүген 1-4 класс укучылары хәрби-интернационалистлар белән очраштылар. Әфган сугышында катнашкан Халиуллин Рәкыйп һәм Чечня сугышы ветераны Гарипов Фәнил абыйлары аларга егет кешенең төп бурычы- илне саклау икәнлеге турында сөйләде, кыю һәм батыр булырга чакырды. Очрашу концерт номерлары белән үрелеп барды.
-
Сугыш чоры балалары белән очрашу 14.02.2014
7-8 классларда узган класс сәгатенең төп максаты укучыларда Бөек Ватан сугышы ветераннарына хөрмәт тәрбияләү, бүгенге тыныч тормышның кадерен белергә өйрәтү иде. Сугыш чорының һәм аннан соңгы елларның бөтен авырлыгын үз җилкәләрендә татыган, гомер буена сугышта ятып калган әтиләрен көтеп яшәгән Шафиков Гаяз һәм Шайхеразиев Рафикҗан абыйлар укучыларга балачакта үзләренең күргәннәре турында сөйләделәр, ул вакыттагы ачлык һәм ялангачлыкны бүгенге көннәр белән чагыштырып күрсәттеләр. Ә укучылар килгән кунакларга үзләренең чыгышларын тәкъдим иттеләр.
-
11 класста ата-аналар җыелышы 13.02.2014
Бүген 11 класста ата-аналар җыелышы узды. Җыелышта БДИ бирүдәге яңалыклар, укучыларның имтиханнарга әзерләнү дәрәҗәсе турында сөйләнде.