Бүген мәктәбебездә Өлкәннәр көне уңаеннан  "Көзге моң"  дип исемләнгән концерт-очрашу булды. Мәктәптә  эшләп,  лаеклы ялга чыккан ветеран-укытучылар, хезмәткәрләр хезмәттәшләре белән очрашып сөйләштеләр. Укучылар һәм укытучыларның  һәр  чыгышын алкышллап, сөенеп карадылар алар. Чәй табыны артында хезмәт юлларын тагын бер кат барлап, шундый яхшы шартларда укыган балалар өчен куанып утырды өлкәннәр. Без аларга ныклы сәламәтлек  телибез, үз хезмәтләренең игелеген күреп, озак яшәсеннәр.

Районыбызда матур традициягә әйләнгән Кабак бәйрәмендә безнең мәктәп укучылары да актив катнашты. Шигырь сөйләү бәйгесендә Гафиятова Илзия 3 урын, рәсем ясаучылар бәйгесендә Галиахметова Зәринә, Шакирова Гөлназ 3 урын яуладылар.

Бүген 6нчы класста педагог-оештыручы Газизова Г.Р. "Хезмәт төбе - хөрмәт" темасына оешма җыены үткәрде. Үзләре яшәгән җирлектәге һәм нәселләрендәге хезмәте белән хөрмәткә ирешкән кешеләр барланды. Укучыларда алар кебек булу теләге уянды. Күңелле уеннар һәм күмәк җырларда һәркем теләп катнашты. 

"Россия балалары" оператив-профилактик акциясе кысаларында башлангыч классларда педагог-оештыручы Газизова Г.Р. "Белергә хакым бар" Интернет-дәресе үткәрде. 

   Районкүләм ярышларга иң җитезләрне барлау максатыннан мәктәбебездә көзге кросс үткәрелде. 4-11 сыйныф укучылары барысы да бу ярышта бик теләп катнашты. Призлы урыннар билгеләнде. Җиңүчеләрне уңышлары белән котлыйбыз! Алга таба зур уңышлар телибез. 

9нчы сыйныф тимурчылары педагог-оештыручы Газизова Г.Р. җитәкчелегендә "Зөлхиҗҗә чишмәләре"н чистартырга бардылар. Тирә-юнен чүп үләннәреннән арындырдылар, гөлләргә су сиптеләр. Чишмәләребез беркайчан да саекмасын, әйләнә-тирәсе гел матур булсын .

7нче сыйныф укучылары сыйныф җитәкчеләре Вильданова Ә.Г. белән бергә көзге урманга эккурсиягә бардылар. Табигатьнең бу гүзәл мизгеленә сокланмый мөмкин түгел. Һәркем шатланып, яңа көч-куәт алып кайтты бу сәяхәттән.

3-4 сыйныф укучылары катнашында ТВБның туган көненә багышланган җыен үтте. Балалар билет сорауларына җавап бирделәр, символлар һәм кагыйдәләрне кабатладылар, герой-пионерлар турында презентация карадылар. "Әйтеп бетер", "Мәкальләрне дәвам ит", "Яңгыр", "Япон машинасы" уеннарында теләп катнаштылар.

Укучыларыбызның җәй буе тырышып эшләүләренең нәтиҗәсе дә матур булды-мәктәп яны тәҗрибә участогыннан мул уңыш җыеп алынды. 14 сентябрь  көнне үзебез җитештергән продукция  белән Казан шәһәренең 35нче мәктәбе территориясендә узган ярминкәдә катнаштык. Ассортиментның бай һәм  товарларның сыйфатлы  булуы күп сатып алучыларны үзенә җәлеп итте.

10,11,12 сентябрь көннәрендә барлык классларда,  балалар һәм яшүсмерләр алкоголизмын кисәтү максатыннан,  Сәламәтлек сәгатьләре узды. Әңгәмә, рольле уен, экскурсия формасында узган класс сәгатьләрендә укучылар  үзеңдә начар гадәтләр булдырмаска, ә бәлки сәламәт яшәү рәвеше алып барып, тормыштан ямь табып, үзеңә һәм якыннарыңа борчу китермичә яшәргә кирәк икәненә тагын бер кат төшенделәр.