Олы Кибәче урта гомумбелем бирү мәктәбе укучылары  бөре җыюда бик актив катнаштылар. Мәктәп күләмендә барлыгы 2,450 кг каен, 7,630 кг  нарат бөресе җыелды. Иң актив укучылар билгеләнде: 1 урында Гильмутдинов Илнат 30 кап каен, 0,5 стакан нарат бөресе, Гатиатуллин Ильяс  25 кап каен, 4,5 стакан нарат бөресе, Гатиатуллина Гөлүсә 25 кап каен, 5 стакан нарат бөресе, 2нче урында Хабибуллина Тансылу 21 кап каен бөресе, Харисова Диләрә 16 кап каен, 4 стакан нарат бөресе, 3нче урында Хуснутдинов Альмир 19 кап каен бөресе җыйды.

6-10 апрель көннәрендә мәктәптә химия атналыгы уза. Бүген 9 класс укучылары "Неорганик матдәләрнең  классларын беләсеңме?" дип исемләнгән интеллектуаль бәйгедә көч сынаштылар. Уенда 2 команда катнашты.  "Сорау-җавап", "Өченчесе артык", "Син игътибарлымы?"  турларын узып, уен 13:16 исәбе белән тәмамланды. Чараны химия укытучысы Ибушева Ф.Н. оештырды.

Бөтенроссия физкультура-спорт комплексы "ГТО" ны пропагандалау максатыннан мәктәбебездә төрле чаралар уза.  2, 3, апрель көннәрендә башлангыч класс укучылары арасында узган бадминтон ярышларында Халиуллин Ә.-1нче, Шәрәфиев И.-2нче, Хисматов И.-3нче урын алды. Ярышларны бадминтон түгәрәге җитәкчесе Мубаракзянов Р.Р. оештырды.

9-11 классларда "ГТО.Элек һәм бүген" темасына  узган класс сәгатендә укучыларга ГТО  комплексы тарихы, значоклары, бу нормативларны  элек нинди спорт төрләре буенча тапшырулары, хәзер нинди төрләр өстәлүе турында күп мәгълүмат бирелде.Спортның кеше сәламәтлегенә булган йогынтысы турында искәртелеп, сәламәт яшәү рәвеше алып барырга  өндәлде.

ТР Мәгариф һәм фән министрлыгының  №09-718 боерыгы нигезендә мәктәбебездә "ГТО" физкультура-спорт комплексы кертелүнең 1 еллыгы уңаеннан чаралар уза. 6 класста "Традицияләрне яңарту"  темасына узган әңгәмәдә класс җитәкчесе Ибушева Ф.Н. укучыларга  "ГТО" комплексы, аның тарихы турында мәгълүмат бирде. Укучылар үзләренең әлгеге нормативларны ни дәрәҗәдә үтәүләре турында сөйләделәр.

Бөек Җиңүнең 70 еллыгы уңаеннан мәктәбебездә төрле чаралар дәвам итә. Укучылар сугыш һәм тыл ветераннары белән очрашалар, аларның сугышчан батырлыклары турында сорашалар. Төбәк авылында яшәүче Бөек Ватан сугышы ветераны, Сталинград сугышында катнашкан  Альмиев Хаҗиәхмәт Галиәхмәт улы белән укучылар еш очрашалар. 95 яшьлек  сугыш ветеранының зирәк акылына, яхшы хәтеренә сокланып туймаслык. Укучыларга үзенең сугышчан юлы, тыныч еллардагы хезмәте турында сөйләп, һәркөннең кадерен белеп яшәргә, хезмәт сөючән, максатчан булырга өнди ул укучыларыбызны. 

  25 нче март көнне  якташыбыз,   күренекле галим, тел белгече Әбрар Кәримуллинның иҗади мирасын өйрәнүгә багышланган  республикакүләм   фәнни-гамәли конференциясе үткәрелде.  Безнең мәктәптән "Татар филология"се секциясендә 11нче сыйныф укучысы Сабирова Гөлназ (җитәкчесе-Гафиятова Ә.Ф.)  3нче  урынга  лаек булды,  10  нчы сыйныф укучысы  Гафиятова Илүзә  (җитәкчесе  Сафина С.З.)  сертификатка  лаек булды.  Укучыларыбыз га һәм  аларның җитәкчеләренә алга таба да уңышлар телибез.

24 март көнне  Олы Кибәче авыл китапханәсендә   мәктәп китапханәчесе Башарова И, клуб мөдире Шакирова Ф. белән берлектә «Китапханә, яки синең дусларың шәһәрчеге» библиографик дәресе уздырылды. Китапханә мөдире Фатихова Г.Р. китапханә ,китап саклау урыны, абонемент, уку залы  төшенчәләренә  аңлатма бирде. Мәктәп китапханәчесе укучылар белән “Әкиятләрне беләсеңме?” викторинасы уздырды. Клуб мөдире  әлеге әкиятләргә багышланган рәсем конкурсы үткәрде. Әлеге чара “Балалар китабы атналыгы” кысаларында узды.

24 марта ученик 9 класса Ибушев Эльвир (руководитель-Ибушева Ф.Н.)  и  ученик 10 класса Хадеев Ирек (руководитель Сафина С.З.) приняли участие в республиканской экологической конференции "Зеленая планета".

23 март көнне гомуми ата-аналар җыелышы узды. Җыелышның көн тәртибе:

1.<span times="" new="" roman',="" serif;="" font-size:="" 12px;"="">“Балалар белән мәрхәмәтсез, рәхимсез мөнәсәбәт. Балаларны яклау. Әти-әниләрнең җаваплылыгы” темасына  лекция (лектор-Гыйлметдинова И.Г.)

2.3нче чирек йомгаклары буенча укыту эшләре буенча директор урынбасары Габделхаева Р.Р. чыгышы.

3. "Балигъ булмаганнар арасында суицид. Кисәтү юллары" темасына тәрбия эшләре буенча директор урынбасары Измайлова Г.М. чыгышы.

4.Мәктәп эшчәнлегенә кагылышлы төрле мәсьәләләр буенча мәктәп директоры Мухаметзянов Р.Р. чыгышы. 

Шулай ук язгы чорда куркынычсызлык техникасы кагыйдәләрен, ТР 71нче Законын үтәү буенча да сөйләшенде.