8 нче сыйныф укучысы Давлиев  Ильяс. 9 нчы сыйныф укучысы Юзеева Нәркизә,10 нчы сыйныф укучысы Газизова Илүзә,11 нче сыйныф укучысы Сабиров Булат (укытучылары Сафина Сиринә)  география фәненнән Бөтенроссия олимпиадаларының Республика этабында  катнаштылар һәм Таныклыкка ия булдылар.

        Сугыш  ачысын татыган ветераннарыбыз инде санаулы гына калды. Ә  бүгенге көндә безнең  Кибәче җирлегенә кергән Төбәк авылында гына нибары ике генә ветераныбыз исән.Шуларның берсе Альмиев Хаҗиәхмәт бабай килене тәрбиясендә яши.Укучыларыбыз һәрдаим ветераннарның тормышы белән кызыксынып торалар.Менә бүген дә  алар ветераныбыз янында булдылар. Хаҗиәхмәт бабай аларга сугыш китерггән авырлыклар,андагы югалтулар турында сөйләде. Ул балаларга бүгенге тормышның кадерен белеп,мәктәптә тырышып укырга кирәк  дигән киңәш  бирде.  

Сегодня психологи ППМС центра "Семицветик" Алина Икрамовна, Алиса Ильгамовна и Лейсан Талгатовна провели тренинги  по командообразованию и адаптации (в 1,5 классах), по подготовке к экзаменам (в 9-11 классах).

Бүген 2015-2016нчы уку елының икенче яртыеллыгы башланып китте. Атналык линейкада кышкы каникулга анализ ясалды, укучылар өчен кагыйдәләр тагын бер кат искәртелде. 3-9 январь көннәрендә шахмат лагеренда ял иткән укучыларыбызның нәтиҗәләре белән калган укучылар да таныштырылды. Галиахмеова Зәринәне шахмат буенча блиц-уенда 2 урын, "быстрые шахматы" буенча 2нче урын алуы, Каримова Руфинәне  блиц-уенда 3 урын алуы, Каримова Рузинәне әлеге ярышларда актив катнашуы белән котлыйбыз. Аларның  шахмат ярышларында яңа үрләр яулауларын телибез.

Кышкы каникулның соңгы көннәре узып бара. Каникул дәвамында укучылар олимпиадаларга, имтиханнарга әзерлек буенча консультацияләргә йөрделәр. 7-10 январь көннәрендә репетицион тестированиедә катнашалар. Бүген 10 класс укучылары чаңгыда йөреп, кышкы матурлыкка сокландылар.

2нче январьда кышкы лагерьның соңгы көне узды. Балалар "Кызыклы география" интеллектуаль уенында көч сынаштылар, "Оста куллар" түгәрәгендә кул эшләре эшләделәр. Кызлар  Яңа ел открыткасы өчен чыршы , ә малайлар Буратино-уенчык ясадылар. Соңыннан лагерь эшенә йомгак ясалды. Атна дәвамында "Дуслык"та 45 бала рәхәтләнеп ял итте.

Бүген кышкы лагерьның 6нчы көне. Балалар иртәнге аштан соң отрядларда эшләделәр."Мин дөньяны таныйм" темасына интеллектуаль  бәйгедә катнаштылар, "Минем дусларым" темасына иҗади биремнәр үтәделәр һәм бадминтон түгәрәгендә шөгыльләнделәр. Көндезге аштан соң саф һавада күңелле уеннар оештырылды. Вожатыйлар: Мубаракзянов Р.Р., Бикмиева Д.Н., Ибушева Ф.Н.

"Дуслык"  лагеренда 5нче көнебез дә узып китте. Тарих укытучысы Каримова Л.Р. белән "Шушы яктан, шушы туфрактан без" дип исемләнгән чарада балалар Кибәче авылы тарихы, аның чишмәләре, атамалары турында сөйләштеләр, авылыбыз матурлыгын чагылдырган рәсемнәр ясадылар. "Белем җәүһәрләре" тел бәйгесендә  татар теле укытучысы  Гафиятова Ә.Ф. төрле тукталышларда укучыларның халык авыз иҗаты буенча белемнәрен сынады, иҗади биремнәр үтәлде, дөрес язу күнекмәләре тикшерелде. Өстәмә белем бирү педагогы Шафикова Г.Р. белән берлектә узган хореография түгәрәгендә балалар нинди генә биюләр биемәделәр! Көндезге аштан соң безгә Кыш бабай белән Кар кызы килде. Алар бу юлы да бүләксез килмәгәннәр. Һөнәрләрен күрсәткән һәркемгә бик матур китаплар бүләк иттеләр.Кыскасы, "Дуслык"та бик күңелле!!! 

Лагерьда һәр көн төрле меню белән бик тәмле ризыклар ашыйбыз. Безне шулай сыйлаучы пешекчеләребез Гөлгенә апа, Гөлфия апа һәм Әлфия апага бик зур  рәхмәт!

"Дуслык" лагереның 4нче көне дә бик күңелле узды. Иртәнге аштан соң балалар 3 отрядка бүленеп эшләделәр.  Шайхеразиева Ф.В. "Табышмаклар кичәсе", Камалов Р.В. флорбол түгәрәге, Исмагилова Ч.Р. "Күңелле Раштуа" дип исемләнгән интеллектуаль  уен оештырды. Төшке ашны ашауга, балалар рәхәтләнеп саф һавада уйнадылар, чана шудылар.