В Центре детского творчества состоялся районный  фестиваль иностранных языков. Фестиваль проводился по трем направлениям художественного  творчества: «Песня», «Стихотворное произведение», «Театрализованное представление». На фестивале иностранных языков приняли участие учащиеся 6 класса Давлиева  Айзиля  и Хамидуллина Ляйля по направлению «Песня»(учитель  Исмагилова Ч.Р.).Им вручены Сертификаты.

   Бүген Икшермә кадет мәктәбендә волейбол буенчаукытучылар арасында зона ярышы булып үтте.Мәктәбебезнең  укытучылар командасы II урынга лаек булып,финалда катнашу хокукы алдылар.

Бүген 5 класста географиядән "Җирнең эчке төзелеше" темасына ачык дәрес узды. Яңа тема аңлату дәресендә күрсәтмәлелек бик нәтиҗәле кулланылды. ФДБС таләпләре үтәлгән,  Сингапур структуралары уңышлы кулланылган дәрестә укучылар теманы яхшы үзләштерделәр. Укытучы-Сафина С.З.

6 класста "Россия-Кырым: дуслык күпере" темасына класс сәгате узды. Класс сәгатендә 1нче төркем Кырым тарихы, табигате турында чыгыш ясаса, 2нче төркем Кырым-Россия дуслыгы турында сөйләде. Укучылар белән фикер алышу үткәрелде, Конституция статьялары белән таныштырылды. Класс җитәкчесе-Каримова Л.Р.

15 март көнне мәктәбебездә башлангыч класс укучылары өчен Гаилә бәйрәме узды. Бәйрәм "Буратино" (кызлар), "Аdidas" (малайлар), "Әниләр" (әниләр) һәм "Татарстан" (әтиләр) командаларының үзләрен тәкъдим итүе белән башланып китте. Командалар төрле кызыклы эстафеталарда көч сынаштылар, иҗади биремнәр үтәделәр, татар халык уеннарын уйнадылар. Һәр бәйге концерт номерлары белән чиратлашты. 

Мәктәбебездә кызлар һәм малайлар өчен "Оста куллар" түгәрәкләре эшли. Бу түгәрәкләрдә укучылар яратып шөгыльләнә, төрле кул эшләренә өйрәнә. Профориентация айлыгы кысаларында кул эшләреннән күргәзмә оештырылды. Күргәзмәдә  агачны көйдереп ясау, витраж, квиллинг, батик техникалары белән ясалган кул эшләре, акварель белән ясалган картиналар  тәкъдим ителде.

Бүген мәктәбебездә "Туган телгә  һәм туган якка мәхәббәт тәрбияләүдә мәктәп китапханәсенең роле" темасына  мәктәп китапханәчеләренең район семинары узды.. Китаханәчеләргә "Туган телем-иркә гөлем, киңдер сиңа  күңел түрем"  дип исемләнгән библио-уен тәкъдим ителде. Уенда 5-6 класслардан "Туган тел" һәм "Дуслык" командалары катнашып, үзләренең татар телен, халык авыз иҗатын ни дәрәҗәдә белүләрен сынадылар, китап укуга кагылышла төп кагыйдәләрне искә төшерделәр. Китапханәчеләр дә "Парыңны тап" уенында үзләренең матур әдәбиятны яхшы белүләрен дәлилләделәр.  Авылдашыбыз Люция  Шәрәфиева иҗат иткән  "Эчәр суым синдә, Кибәчем" китабына күзәтү барышында  8,10 класс укучылары бу китапның төп бүлекләре белән таныштырдылар. Сугыш чоры баласы Әлфинур апаның Кибәче авылы халкын авыр сугыш елларында ачлыктан коткарган кап сугу һөнәре белән таныштыруы, тарих укытучысы Ләйсән Рафиловнаның мәктәп тарихын чагылдырган бүлекне тәкъдим итүе, авыл китапханәчесе Гөлүсә Рамазановнаның әлеге китап һәм аның авторына бгышлап язылган шигыре кичәне тагын да тулыландырды. Әлеге чара  укучыларыбызның үз туган ягыбыз белән горурлану хисләрен чагылдырган "Шушы яктан, шушы туфрактан" без җыры белән тәмамланды. Мәктәптә оештырылган курчак театрының премьерасы-"Аю һәм Мәрьям" әкиятен дә кунаклар яратып кабул иттеләр. Соңыннан  китапханәчеләр үз эшчәнлекләренә анализ ясап, алга таба бурычлар билгеләделәр. Семинар нәтиҗәле узды.

Кыш буе мәктәп тирәсендә эленгән җимлекләрдән  безнең якта кышлаучы кошлар өзелмәде. Укучылар кошларны күзәттеләр, аларга ярдәм итү үзләренә дә бик ошады. Бүгенге көндә сыерчыкларны каршыларга әзерләнәбез. Технология укытучысы  Наил Миннеязович җитәкчелегендә 5-7 класс егетләре сыерчык оялары ясадылар, бу оялардан күргәзмә оештырылды. Тиздән  үзебез ясаган ояларга килгән сыерчык тавышыннан мәктәп тирәбез ямьләнер.

        Укучыларыбыз Газизова Илүзә һәм Гафиятова Илзия(укытучылары Гафиятова Ә.Ф.) Васил Заһит улы Гарифуллин исемендәге "Серле каләм" иҗат бәйгесенең бүләкләү тантанасында катнаштылар. Г.Илүзә  "Наркотикларга каршы көрәш" , Г.Илзия "Иҗади эшләр" номинацияләрендә II дәрәҗәдәге Дипломнар белән бүләкләнделәр.Мәктәпнең "Ай нурлары " газетасы иҗат коллективы шулай ук II дәрәҗәдәге Дипломга лаек булды.

8 март Халыкара хатын-кызлар  көненә багышлап уздырылган "Ягез әле, кызлар!" бәйгесендә укучы кызлардан "Black Star", "ФИФ" командалары, укытучылардан "Лучшие" командасы катнашты. Командалар төрле күңелле эстафеталарда көч сынаштылар, армрестлинг, аркан тарту кебек ярышларда үзләрен сынадылар, сорауларга җавап бирделәр. Егетләр  башкарган дәртле биюләр, матур җырлар кызларга көч өстәде, җиңүгә омтылдырды. Укуытучылар командасының да көндәшләр арасында булуы ярыш рухын тагын да кискенләштерде. Нәтиҗәдә " Black Star" командасы җиңү яулады, "ФИФ" һәм "Лучшие" командалары 2нче урынга лаек булды. Бәйрәмне оештыручы ир-ат укытучыларга зур рәхмәт!