22 апрель көнне башлангыч класс  укучылары Г.Туай әсәрләрен сәхнәләштерделәр. 1 класс "Бала белән Күбәләк" шигырен, 2 класс "Кәҗә белән Сарык" әкиятен, 3 класс "Кызыклы шәкерт" шигырен сәхнәдә уйнап күрсәтте. Ә 4 класс укучылары Гәрәй Рәхимнең  Тукайга ияреп иҗат ителгән "Кәҗә белән Сарык"  әкиятен тәкъдим итте.  Укучылар чыгышы "Күбәләк" ясле-бакчасында тәрбияләнүчеләргә дә бик ошады. 

Башлангыч класс укучылары бөек шагыйребез Габдулла Тукайның иҗатын яратып өйрәнәләр. Шагыйрьнең  һәр  шигыре, һәр әсәре- балалар күңеленә үтеп керерлек чын тәрбия үрнәге.21  апрельдә  "Без-әкият дуслары" дип исемләнгән чарада 1-4 класс укучылары Тукайның әкият геройлары белән очраштылар, аның әсәрләре буенча эшләнгән татарча мультфильмнар карадылар.

Язгы игелек атнасының  бу көне "Изге эшләр көне" дип исемләнде. Укучыларыбыз Төбәк авылында ялгызы гомер итүче сугыш чоры баласы Тәнзилә апаның өен юдылар.  Тәнзилә апа  кызлар эшеннән бик канәгать  калды.

Хореография түгәрәгенә йөрүче укучыларыбыз "Сәләтле балачак-өметле киләчәк"  фестивалендә "Эх бу дөнья-куласа" көенә татар халык бию  белән чыгыш ясадылар һәм бәйгенең призеры исеменә лаек булдылар. Биючеләребезне һәм аларның җитәкчесе Шафикова Г.Р. котлыйбыз!

Мәктәбебездә бөек шагыйрь  Габдулла Тукайның 130 еллыгына багышланган декада башланып китте.   20 апрель көнне "Тукай яши безнең  йөрәкләрдә" дигән бердәм дәрес үтте. Г.Тукайның  бала чагы, Җаектагы, Казандагы тормышы, гомеренең  соңгы  көннәре турында  тирән эчтәлекле чыгышлар тыңланды, яңа мәгълүматлар бирелде. 5 класс укучылары Тукайның  Кырлайдан Җаек шәһәренә китү, Казанда Г.Камал белән очрашу  күренешләрен сәхнәләштерделәр. Дәресне татар теле һәм әдәбияты укытучысы Гафиятова Ә.Ф. уздырды.

 Сегодня  в 5-7 , 8-11 классах прошел  Единый   урок мужества, посвящённый 100-летию со дня рождения легендарного лётчика, Героя Советского Союза А. П. Маресьева.Цель этого урока: сохранение памяти о Великой Отечественной войне и её героях; развитие представлений обучающихся об ответственном гражданском поведении на примерах отважных поступков участников Великой Отечественной войны. Обучающиеся  ознакомились   с  историей  жизни А.П. Маресьева,  его героическими  поступками  перед Родиной.   

Язгы игелек атнасының бер көне "ГТО барыбыз өчен дә " исеме белән узды.  Укучылар гәүдәне күтәрү буенча нормативлар тапшырдылар

Язгы игелек атнасы "Изге эшләр көне" белән башланып китте. Бу көнне укучылар әлеге акциянең максаты һәм планы белән таныштырылды. "Һәр көнне игелекле эш эшлә!" девизы астында бер төркем укучылар юл буйларын чистарттылар. 6 класс укучылары авылыбызның күрке булган Зөлхиҗҗә чишмәләре тирәсен  тәртипкә китерде.

Сәләтле балаларны барлау максатыннан узучы "Сәләтле балачак-өметле киләчәк" фестивалендә "Күңелле сәхнә" түгәрәгенә  йөрүче укучылар бик теләп катнашты. Уртанчылар төркеме  Ләбиб Леронның "Аңгыра сарык җүләре" пьесасын сәхнәләштерде, ә зурлар төркеме  "Маша һәм аю" рус халык әкиятенә нигезләнеп курчак театры спектакле күрсәтте.  Укучыларыбызның чыгышлары жюри тарафыннан уңай бәяләнде  һәм фестивальнең гала-концертына чакыру алды. "Күңелле сәхнә" түгәрәге җитәкчесе Шафикова Г.Р. һәм укучыларга алга таба да иҗади уңышлар  телибез.

Мәктәптә экология айлыгы дәвам итә. Барлык укучылар әлеге айлык кысаларында узучы "Яшел аптека"  операциясендә актив катнашып, каен һәм нарат бөреләре җыйдылар. Укучыларыбыз көче белән 7 кг нарат һәм 2 кг каен бөресе җыелды.