Республика олимпиадалары  дәвам итә. Татар теле фәне буенча районыбыз данын яклауда   үзебезнең  мәктәп  укучылары катнашу  -барыбыз өчен дә куанычлы вакыйга. Мәктәбебезнең  8нче сыйныф укучысы Шакирова Гөлназ (укытучысы Сафина С.З.),10 нчы сыйныф укучысы Газизова Илүзә (укытучысы  Гафиятова Ә.Ф.)    призлы урыннар  яуладылар. Бу уңыш- тырыш хезмәт нәтиҗәсе. Афәрин, кызлар! Булдырдыгыз! Ышанычны акладыгыз. Алга таба да зур уңышлар юлдаш булсын! 

 13 февраль көнне  Олы Кибәче авыл җирлегендә узган  "Чаңгы юлы - 2016" ярышларында  безнең мәктәпнең  2-11 сыйныф укучылары, укытучылар,техник хезмәткәрләр актив катнашты. Шундый матур кояшлы көндә узган бу чара һәркемнең кәефен күтәрде.   Ярыштан соң җиңүчеләр билгеләнде,  авыл җирлеге башлыгы Сафин А.К. җиңүчеләргә истәлекле бүләкләр һәм Грамоталар тапшырды. Поварлар чаңгычыларны кайнар коймак һәм чәй белән каршы алдылар.

Бүген Шафикова Г.Р. 6 сыйныф укучылары белән "Инструменталь концерт" темасына  музыка дәресеннән ачык дәрес уздырды. 

           "Иң шәп әйдаман - 2016" отряд вожатыйлары  конкурсының район этабы булып үтте.Безнең мәктәптән 10 нчы сыйныф укучысы Шафикова Зәлинәнең эше тәкъдим ителде һәм финалга үтте.Зәлинә конкурсның финал өлешендә 2 нче сыйныф укучылары белән  "Су-яшәү  чыганагы" темасына оешма җыены уздырды,  үзе белән таныштырды. Нәтиҗәдә Зәлинә "Самый энергичный вожатый" номинациясендә җиңү яулады.

Башлангыч сыйныф укытучысы Бикмиева Д.Н. 4 сыйныфта татар теленнән "Сан" темасына ачык дәрес уздырды. Дәрестән соң укытучылар фикер алыштылар, тәҗрибә уртаклаштылар.

10 класс укучысы Газизова Илүзә  татар әдәбиятыннан республика олимпиадасында призлы урын яулады  (укытучы Гафиятова Ә.Ф.). Районыбыз данын яклауда укучыбызның өлеше булуы сөенечле хәбәр.Укытучының да,  укучының да  хезмәте сыналды. Алга таба  да сынатмассыз дип калабыз. Афәрин!   

Шакирова Л..Г. 2 нче сыйныфта технология фәненнән " Рус чибәркәе" темасына ачык дәрес күрсәтте.Укучылар халык киемнәре турында мәгълүмат алдылар,проект эше башкардылар.

10 февраль көнне 8-11 класс укучылары белән берлектә Парламент дәресе узды. Тарих укытучысы  Каримова Л.Р. "Дәүләт һәм Закон" темасына чыгыш ясады. Укучылар белән Законнарның үтәлеше турында фикер алышынды.  Дәрестә Олы Кибәче авыл җирлеге башлыгы Сафин А.К. катнашып, Парламент һәм аның эшчәнлеге турында сөйләде.

      Шәйхеразиева Ф.В. 1класс укучылары белән "Калынлык  (ъ) һәм нечкәлек (ь) билгесе" темасына  ачык дәрес бирде.Укытучы дәресне төрле эш алымнары  кулланып,укучыларга кызыклы күрсәтмәлелекләр файдаланып үткәрде. Укучылар алган белемнәрен файдаланып сүзләргә аваз һәм хәреф анализы ясадылар,сүзләрдән җөмләләр төзеделәр.

        1нче сыйныф укучылары бүген "зур җиңү"ләрен бәйрәм иттеләр.Класс җитәкчеләре Шәйхеразиева Ф.В.һәм әти-әниләре аларны бу җиңүләре белән котладылар. Алар бүген тәүге дәреслекләре "Әлифба" белән саубуллаштылар.Бәйрәмгә укучыларның әти-әниләре дә чакырылган иде.Алар бергәләп укырга өйрәнгәннәрен искә төшерделәр,кызыклы мәсьәләләр чиштеләр. Бәйрәм җыр-бию белән үрелеп барды.